AMW

စိုက်ပျိုးရေး လုပ်ကိုင်ရာတွင် မြေဆီလွှာသည် အဓိက အကျဆုံးသော အောင်မြင်မှု သော့ချက်ဖြစ်ပါသည်။ တောင်သူအများစုသည် မြေဆီလွှာကို လျစ်လျူရှုပြီး ပြဿနာဖြစ်မှ လိုက်လံဖြေရှင်းတတ်ကြသည်။ မိမိမြေဆီလွှာ အခြေအနေကို ကြိုတင်သိရှိခြင်းက ကုန်ကျစရိတ်ကို လျှော့ချပေးနိုင်ပြီး အထွက်နှုန်းကို ထိရောက်စွာ တိုးတက်စေပါသည်။
ရှုပ်ထွေးသော ကိရိယာများ မလိုဘဲ အောက်ပါနည်းလမ်းများဖြင့် ကိုယ်တိုင် စစ်ဆေးနိုင်ပါသည်။
၁။ မျက်စိဖြင့် ကြည့်ရှုခြင်းနှင့် ထိတွေ့ခြင်း
မြေအရောင်: မြေဆီလွှာကောင်းလျှင် အရောင်မှာ အနက် သိုမဟုတ် အညိုရင့်ရောင်ရှိတတ်ပြီး အာဟာရဓာတ် ကြွယ်ဝမှုကို ပြသသည်။ အရောင်ဖြူဖျော့ခြင်း၊ မီးခိုးရောင်ဖြစ်ခြင်းသည် အာဟာရဓာတ် နည်းပါးကြောင်း ပြနေသည်။
မြေသားတည်ဆောက်ပုံ: စိုစွတ်သော မြေကြီးကို လက်ထဲတွင် ဆုပ်ကြည့်ပါ။ မြေကောင်းလျှင် အလုံးလေးဖြစ်သွားသော်လည်း ပြန်ဖွဖွလေး ခြွေလိုက်လျှင် လွယ်ကူစွာ ကွဲထွက်သွားတတ်သည်။
အနံ့: မြေကောင်းလျှင် တောမြေနံ့ကဲ့သို မွှေးသော အနံ့ရှိပြီး အကျိုးပြု အဏုဇီဝပိုးများ အလုပ်လုပ်နေခြင်းကို ပြသသည်။ အနံ့အုန့်ခြင်း သိုမဟုတ် ပုပ်စော်နံခြင်းသည် လေဝင်လေထွက် မကောင်းခြင်းကို ပြပါသည်။
သက်ရှိများ: မြေကြီးထဲတွင် တီကောင် သိုမဟုတ် ပိုးမွှားလေးများ ရှိနေလျှင် ထိုမြေသည် အသက်ရှိပြီး မြေဩဇာထက်သန်ကြောင်း သိနိုင်ပါသည်။
၂။ ရေဆင်းအားကို စစ်ဆေးခြင်း
၃၀ စင်တီမီတာခန့် နက်သော ကျင်းကိုတူးပြီး ရေအပြည့်ထည့်ပါ။ ရေကုန်သွားလျှင် နောက်တစ်ကြိမ် ထပ်ထည့်ပြီး အချိန်မှတ်သားပါ။
မြေကောင်း: တစ်နာရီလျှင် ရေ ၂ - ၅ စင်တီမီတာခန့် ကျဆင်းသွားပါမည်။
မြေကျပ်/မြေစေး: ရေမှာ တစ်ညလုံး တည်နေတတ်ပြီး အမြစ်ပုပ်ခြင်းကို ဖြစ်စေနိုင်သည်။
မြေဲသဲ: ရေမှာ မိနစ်ပိုင်းအတွင်း ပျောက်ကွယ်သွားပြီး ရေကို ထိန်းမထားနိုင်ပါ။
၃။ အက်စစ်နှင့် အယ်လ်ကာလီ (pH) စစ်ဆေးခြင်း
အယ်လ်ကာလီစစ်ဆေးရန်: မြေကြီးထဲသို ဗနီဂါ (Vinegar) လောင်းထည့်ပါ။ အမြှုပ်ထလာလျှင် မြေသည် အယ်လ်ကာလီကဲနေသည်။
အက်စစ်စစ်ဆေးရန်: မြေကြီးကို ရေနှင့်ရောပြီး မုန့်ဖုတ်ဆိုဒါ (Baking Soda) ဖြူးလိုက်ပါ။ အမြှုပ်ထလာလျှင် မြေငန် (သို) အက်စစ်ကဲနေသည်။
တုံပြန်မှု တစ်စုံတစ်ရာ မရှိလျှင် ထိုမြေသည် ကြားနေ (Neutral) ဖြစ်ပြီး စိုက်ပျိုးရန် အသင့်တော်ဆုံး ဖြစ်သည်။
၄။ မြေကျပ်ခြင်းကို စစ်ဆေးခြင်း
သံချောင်း သိုမဟုတ် တုတ်ချောင်းဖြင့် မြေကြီးထဲ ထိုးကြည့်ပါ။ အလွန်ခက်ခဲစွာ ထိုးနေရလျှင် မြေကျပ်နေပြီး အမြစ်များ သွားလာရန် ခက်ခဲကြောင်း ပြသသည်။
မြေပျက်နေသည့် လက္ခဏာများ
မြေမာပြီး တူးရခက်ခြင်း၊ အမြစ်မဆင်းခြင်း။
ရေအကြာကြီး တင်ကျန်နေခြင်း (သို) ခြောက်သွေ့မြန်လွန်းခြင်း။
မြေဩဇာ ကျွေးသော်လည်း အပင်ကြီးထွားမှု နှေးပြီး အရွက်ဝါခြင်း။
တီကောင်နှင့် သက်ရှိများ လုံးဝ မတွေ့ရခြင်း။
မြေဆီလွှာ ပြန်လည်ကောင်းမွန်အောင် ပြုပြင်နည်း
၁။ သဘာဝမြေဩဇာ ထည့်ပါ: နွားချေး၊ ကွန်ပေါင်းမြေဩဇာနှင့် သစ်ရွက်ခြောက်များ ဖုံးအုပ်ပေးခြင်းဖြင့် မြေသားကို ပွစေပြီး အာဟာရ ဖြည့်တင်းပေးပါ။
၂။ pH ကို ညှိပါ: မြေအက်စစ်ကဲလျှင် ထုံး (Lime/Dolomite) ထည့်ပေးပြီး၊ အယ်လ်ကာလီကဲလျှင် သဘာဝမြေဩဇာ များများထည့်ပေးပါ။
၃။ မြေပြုပြင်ပင်များ စိုက်ပါ: ပဲမျိုးစုံ စိုက်ပျိုးပေးခြင်းဖြင့် မြေကြီးထဲတွင် နိုက်ထရိုဂျင် ဓာတ်ကို တိုးပွားစေပါသည်။
၄။ ရေစီမံခန့်ခွဲမှု: ရေဝပ်သော နေရာများတွင် ရေနုတ်မြောင်းများ ပြုလုပ်ပေးပါ။
စိုက်ပျိုးခြင်း မပြုမီ မြေဆီလွှာကို စနစ်တကျ စစ်ဆေးခြင်းသည် ကုန်ကျစရိတ်ကို သက်သာစေပြီး ရေရှည်တည်တံ့သော စိုက်ပျိုးရေး အကျိုးကျေးဇူးကို ရရှိစေမှာ ဖြစ်ပါတယ်။
#စက်ပျိုးရေး #မြေဆီလွှာပြုပြင်နည်း #တောင်သူဗဟုသုတ