Symphony Used Musical Instruments Store

CONGRATULATIONS ပါ ဖေဖေ့ချစ်သမီးရေ။😍

၂၀၂၆ ခုနှစ်တွင်ကျင်းပပြုလုပ်သော မန္တလေးတိုင်းဒေသကြီး (၂၇) ကြိမ်မြောက် ငွေရတုအထိမ်းအမှတ် မြန်မာ့ရိုးရာ ယဥ်ကျေးမှု အဆို၊အက၊အရေး၊အတီး ပြိုင်ပွဲမှာ အဆင့်မြင့်ပညာအဆင့် "စန္ဒရား" အတီးပြိုင်ပွဲနှင့် "ဆိုင်းအဖွဲ့လိုက်" ပြိုင်ပွဲ နှစ်ခုလုံးမှာ "ပထမ" ဆုရအောင်ကြိုးစားခဲ့လို့ ဖေဖေ အရမ်းဝမ်းသာ ၊ ဂုဏ်ယူ ပျော်ရွှင်ရပါတယ်။ဆက်ကြိုးစားပါချစ်သမီးရေ။ နိုင်ငံတော်အဆင့် "ဗဟို"ပြိုင်ပွဲကြီးမှာလည်းပဲ "ဆု" တွေဆက်လက်ရရှိနိုင်အောင်ကြိုးစားပြီး "မန္တလေးတိုင်းဒေသကြီး" ဂုဏ်ဆောင် စန္ဒရားသမား၊မြန်မာ့မဟာဂီတအမွေကိုဆက်လက်ထိန်းသိမ်းခြင်းအားဖြင့်လေ့လာသင်ယူဆည်းပူးနိုင်သော၊ပြန်လည်မျှ​ဝေသင်ကြားပေးနိုင်သော စန္ဒရားသမား၊ အဆုံးမရှိကျယ်ပြန့်နက်ရှိုင်းလှသော "ဂီတ" လောကမှာ "ပညာပြည့်ဝ၊နှလုံးလှသော၊ကျင့်ဝတ်ကောင်းသော စန္ဒရား သမားကောင်းတစ်ယောက်ဖြစ်ပါစေလို့ ဖေဖေ ဆုတောင်းပေးပါတယ်ကွယ်။

ပြီးခဲ့တဲ့ရက်အနည်းငယ်ကမှ လက်ခံသင်ကြားပေးခဲ့တဲ့ တပည့်ငယ်လေး နစ်ယောက်လာကန်တော့သွားကြတာ။ကျေးဇူးတင်ပါတယ်သားတို့ရေ" ပညာပြည့်ဝ နှလုံးလှသော" ဂီတလုလင် အကျော်အမော်တွေ ဖြစ်ကြပါစေ။ တပည့်ကြီးတွေကတော့ မလာကြသေးဘူး 😀😀😀 အလကားစတာနော် ငါ့တပည့်အကြီးကောင် နှစ်ယောက် ပွဲတွေများနေလို့မအားလို့ မလာနိုင်တာ သိပါတယ်ကွာ။ချစ်လို့စတာပါ။💞

🎹🎹🎹 Piano Only တီးခြင်းနှင့် Band နှင့်တီးခတ်ခြင်းများအတွက် ဘယ်လိုတီးရလဲ (အထူးသဖြင့် ဘယ်ဖက်လက် ) သိလိုသော စိတ်ဝင်စားသူ ဝါသနာရှင်များအတွက်တတ်နိုင်သလောက်လေးမျှဝေပေးချင်ပါတယ်။ဆိုတဲ့အကြောင်းလေး အသိပေးတာပါခင်ဗျာ။

💞💞💞 ကျွန်တော့်ကို ဝါသနာရှင်ညီငယ်လေးတစ်ယောက် မေးလာပါတယ်ခင်ဗျာ။ Piano Only နှင့် Band လိုက်အုပ်စုထဲမှာဝင်တီးတဲ့အခါမှာ ဘယ်ဖက်လက်တွေ ဘယ်လိုအလုပ်လုပ်သလဲဆိုတာလေးတွေ ပြောပြပေးပါလားအကို တဲ့ခင်ဗျာ။သူက One Man လေးတော့အခြေခံလောက်စပြီး တီးနိုင်နေပါပြီတဲ့။ အထက်ကပြောခဲ့တဲ့ အချက်လေးတွေကိုသိချင်နေတာပါတဲ့။ 😟 ကျွန်တော် ဖျားချင်ချင်ဖြစ်သွားပါတယ်ခင်ဗျ။စိတ်ထဲမှာလဲ သြော် ဟုတ်တာပေါ့ ဒီလို ဝါသနာရှင်တွေလဲ အများကြီးရှိနိုင်တာပေါ့ဆိုတာကိုလည်းပဲ တွေးမိသွားပါတယ်။ကျွန်တော်ကိုယ်တိုင်လဲ ငယ်ငယ်က အဲ့လို တွေဖြစ်ခဲ့ဘူးပါတယ်။ ကိုယ့်ထက်ပိုပြီး တီးနိုင်တဲ့သူတွေဆီကို ချဥ်းကပ်လေ့လာ မေးမြန်းကြည့်တော့လဲ Piono Only ဆိုရင် ဘယ်လက်က ဒို ဆို ဒိုး ဆို ပဲလေ တဲ့။ Band နဲ့တီးရင် ရင်တော့ ဘယ်လက်က အဆင်ပြေသလို ကျုတ် ကျက် လိ " ကြည့်ကျက်လုပ်လိုက်တာပဲလေ " တဲ့။ ဒါပေမယ့် ဆောင်ရန် ရှောင်ရန် အချက်လေးတွေနဲ့ လုပ်သင့်လုပ်ထိုက်တဲ့ စောင့်စည်းလိုက်နာရမည့် အခြေခံ သီအိုရီလေးတွေရှိနေသေးကြောင်း အဲ့ဒါတွေကိုတော့ သေချာလေးထပ်ပြီးလေ့လာဖို့တော့လိုမယ်ဖြစ်ကြောင်းကိုတော့ အချိန်မရလို့နဲ့တူပါရဲ့ ထည့်ပြောမသွားနိုင်ဘူးပေါ့ခင်ဗျာ။ ကျွန်တော်လဲ စိတ်ထဲမှာ ဘယ်လိုဆက်ပြီး အားထုတ်ရမှာလဲဆိုတာကို သေချာလမ်းညွှန်မပေးဘူး အတော်နေစိမ့်တဲ့လူတွေဆိုပြီး ထပ်လဲမမေးရဲတော့ ဘာထပ်ပြီးမေးရမှန်းလဲမသိ စိတ်ထဲလဲ ဘဝင်မကျနဲ့ပေါ့ဗျာ။ အမှန်ကတော့ သူက နောက်ဆက်တွဲထပ်ပြီးလုပ်ရမယ့် လေ့လာရမယ့်အချက်တွေကို မပြောချင်လို့ ပညာလျှိုချင်လို့ မပြောသွားတာမဟုတ်ဘူးခင်ဗျ။အဲ့ဒါတွေက တကယ့်လက်တွေ့လိုက်ပြီးလေ့လာရမှာက နှစ်ချီပြီးကြာနိုင်ပါတယ်ခင်ဗျာ။ (1) Piano ပဲစပြီးသင်ခဲ့ တီးခဲ့သူတွေအတွက်ကတော့ ဒါတွေဟာ သိပ်ကြီးကျယ်တဲ့ပြဿနာကြီးမဟုတ်နိုင်ပဲ လှုပ်ကာလှက်ကာ လေ့လာလိုက်ယုံနဲ့ အဆင်ပြေသွားနိုင်ပေမယ့် (2) One Man ကနေစပြီးသင်ခဲ့ပြီး ( ဘယ်လိုအကြောင်းကြောင့်ပဲ ဖြစ်ဖြစ်ပေါ့ခင်ဗျာ။ ဒါကိုအပြစ်လို့ဆိုလိုတာမဟုတ်ဘူး ကျွန်တော်လည်းပဲ One Man ကပဲစပြီးသင်ခဲ့ရသူပါခင်ဗျာ။) Piano ဖက်ကိုအားနည်း ခဲ့သူတွေအတွက်တော့ အတိုင်းအတာတစ်ခုအထိတော့ ဝန်ထုပ်ဝန်ပိုး တစ်ခုဖြစ်နေနိုင်ပါတယ်ခင်ဗျာ။

ကျွန်တော်ကတော့ တီးခတ်ခြင်းဆိုင်ရာ အလုပ်တစ်ခုခုနဲ့လုပ်ကိုင် ရပ်တည်ရမှာကိုပျော်လို့ စားဝတ်နေရေးအတွက် ပူပင်စရာမလိုတဲ့ ဝင်ငွေ ကိုလည်းပဲ ရချင်လို့ ဆိုပြီး အဲ့လိုအနေအထားလေး ရအောင် ဘယ်လိုအလုပ်မျိုးလုပ်ရင်ရမလဲ ဆိုပြီးလေ့လာကြည့်တဲ့အခါမှာ အသိမိတ်ဆွေတချို့တလေ ကီးဘုတ် ဝမ်းမန်းတီးနေကြပြီးအဆင်ပြေနေကြတာကိုသတိပြုမိပြီး Keyboard ပြောင်းတီးမယ်လို့ ဆုံးဖြတ်လိုက်ပြီး One Man ကိုနှစ်လခန့် အပြင်းအထန်ကြိုးစားလေ့ကျင့်ပြီး ဖြစ်ချင်ရာဖြစ်ကွာရအောင် ရုန်းမယ်ဆိုပြီး One Man လောက ဆိုင်လောက ထဲကို ဒိုင်ဗင်ထိုးဝင်ခဲ့တာပါ။မှတ်မှတ်ရရ ပထမဦးဆုံး အတွေ့အကြုံရအောင်ဆိုပြီး ရတဲ့ဆိုင်သေးလေးတစ်ဆိုင်မှာစတီးတာ တစ်လမှ တစ်သောင်းကျပ်ပဲ ရပါတယ်။အဲ့ဒီဆိုင်မှာပဲ "8" လကြာခဲ့ပါတယ်။ကျွန်တော့်အပေါ်မှာကောင်းကောင်းကျေးဇူးရှိခဲ့တဲ့ အတွေ့အကြုံတွေအများကြီးရခဲ့တဲ့ အလွန်ချစ်စရာကောင်းသော ပျော်စရာကောင်းသော လေ့ကျင့်ကွင်းလေးပါပဲ။🙏
နောက်ပိုင်းမှာတော့ Piano Keyboard တီးရတာကို တော်တော့်ကိုကြိုက်လာပြီးတော့ Piano ဖက်ကိုလဲပိုပြီးလေ့လာဖြစ်ခဲ့ကာ အင်မတန်ဖြစ်ချင်လှပါတယ်ဆိုတဲ့ အတိုင်းအတာတစ်ခုအထိလဲ နေရာ သေးသေးလေး တစ်ခုစပြီးရနေပြီဖြစ်တဲ့ Guitarist တစ်ယောက်ဖြစ်ဖို့အိပ်မက်တွေပါ ဆက်ပြီးမမက်ဖြစ်တော့တဲ့အထိပါပဲ။ဒါတွေဘာလို့ထည့်ပြောနေတာလဲဆိုတော့ မင်းက ဝမ်းမန်းသမားတွေကိုဘာပြောချင်တာလဲ ဘာညာသာရကာတွေ ဖြစ်နေမှာစိုးလို့ ကျွန်တော်ဟာ ဝမ်းမန်းတောင်မှ ခြေတပေါင်ကျိုး ထော့နဲ့ထော့နဲ့ ပေမမှီ ဒေါက်မမှီ အနေအထားကနေ စခဲ့တဲ့ ဝမ်းမန်းသမား စစ်စစ် တစ်ယောက်အဖြစ်ကစခဲ့ပြီး ဆယ်စုနှစ်တစ်စုကျော်ကြာခဲ့တဲ့အချိန်ကာလတစ်ခုအထိ တီးပြီးရပ်တည်ရှင်သန်ခဲ့ရဘူးခဲ့တဲ့ One Man တီးခဲ့တဲ့ ဝမ်းမန်း သမားပါဆိုတာကို ပြောချင်တာပါ။
ဒါပေမယ့် ကျွန်တော်ဟာ လည်းဝါသနာရှင်အဆင့်လေ့လာသူပါပဲခင်ဗျာ။စွမ်းစွမ်းတမံတီးနိုင်တဲ့ Keyboardist တစ်ယောက်မဟုတ်ပါဘူးခင်ဗျာ။အနည်းငယ်လေ့လာဖူးသူ နည်းနည်းပါးပါး တီးခတ်ဖူး အတွေ့အကြုံရှိဖူးသူ ဆိုတာလောက်ပါပဲဆိုတာလေးကို တော့ အသေအချာ အတိအလင်းပြောထားပါရစေခင်ဗျာ။ ဆရာမဟုတ်ပါဘူး ကျွန်တော်ဟာ အမြဲတမ်း ဝါသနာရှင်ပါပဲခင်ဗျာ။

ကျွန်တော်တို့ဆက်ပြောကြရအောင်ခင်ဗျာ။ ဆိုတော့ဗျာ One Man ကနေစပြီးသင်ဖြစ်ခဲ့တဲ့ သူတွေအတွက်တော့ Piano Only နှင့် Band တွေမှာဝင်တီးရင် ဘယ်လိုတီးရမှာလဲဆိုတာက ဝန်ထုပ်ဝန်ပိုးတစ်ခုလိုဖြစ်လာနိုင်ပါတယ်။ကျွန်တော်လဲအဲ့ဒီ ဝန်ထုပ်ဝန်ပိုး တော်တော် "အပိ"0 ခံခဲ့ရပါတယ်။ နောက်ပိုင်းမှ ဘယ်လိုကြိုးစား လေ့လာ လေ့ကျင့်ရမှာလဲဆိုတဲ့ ဆိုတဲ့အချက်အလက်တွေကို စပြီးတွေ့လာခဲ့ရပြီး လိုက်လံ လေ့လာလေ့ကျင့်ခဲ့တော့မှပဲ တော်တော်သဘောပေါက်လာခဲ့ပါတယ်။

ကဲ ဒါဆိုရင်ကျွန်တော့်ရဲ့ ဒီနေ့တင်ဖြစ်တဲ့ Post လေးကို အပေါ်က ဝါသနာရှင်ညီငယ်တောင်းဆိုထားတာလေးအတွက် အဖြေပေးရင်းရပ်နားလိုက်ပါ့မယ်ခင်ဗျာ။
🎹 Piano Only & Music Band တွေနဲ့ တီးခတ်ရာမှာ ဘယ်လက်ဟာ နည်းလမ်းအမျိုးမျိုးနဲ့ ကိုယ်အာရုံရှိသလို ကောင်းတယ်ထင်သလိုတီးလို့ရပါတယ်။တီးခွင့်ရှိပါတယ်။ဒါပေမယ့် သိထားသင့်တဲ့ အခြေခံ သီအိုရီတွေ Scales / Chords / Playing Techniques / Rhythm Style / Vamping Accompaniment backing / Rhythmic Patterns / Comping / Fills & Runs / Piano Patterns / Arpeggio / Chords & Scale Relation Others Instruments တွေရဲ့ Characteristic တွေ
Various Characteristic of Music Style ( Classical - Blues -Rock "n" Roll - Jazz - Rock - Country- Balled -Latin စသည်ဖြင့်ပေါ့ အများကြီးပါပဲ
(ဒါကစဥ်းစားလို့ရသလောက်ပါမေ့ကျန်သွားလို့ပဲ​ြဖစ်ဖြစ် ကျွန်တော်မသိလို့ပဲ​​​ဖြစ်ဖြစ် အများကြီးထပ်ပြီးရှိနိုင်ပါသေးတယ်ခင်ဗျာ။)
လက်တွေ့လာလေ့ကျင့်ရမည့် လေ့လာစရာတွေ စောင့်စည်းလိုက်နာထိမ်းသိမ်းရမည့်အပိုင်းတွေ အတီးသမားအချင်းချင်း အပေါ်မှာထားရမည့် ကိုယ်ခြင်းစာတရား စတဲ့အချက်ပေါင်းများစွာကတော့ လေ့ကိုလေ့လာရပါမည်။ဒါတွေကိုလေ့လာမယ်ဆိုရင် နှစ်ပေါက်အောင်လဲဖြစ်သွားနိုင်ပါတယ်။တကယ့်အမှန်တရားကိုပြောရမယ်ဆိုရင်တော့ တစိသက်လုံး လေ့လာနေရမှာပါခင်ဗျာ။ ကျွန်တော်သိထားသော အခြေခံလေးအနည်းငယ်ကိုလဲ သိသလောက်လေး မျှဝေပေးပါ့မယ်ခင်ဗျာ။စိတ်ဝင်စားသော ဝါသနာရှင်လေးများကိုသာဆိုလိုတာပါခင်ဗျာ။ကျွန်တော်သိသမျှအနည်းငယ်သာလျှင်ပါခင်ဗျာ။ အဲ့လိုမျိုးလေးတွေသိချင်တာဆိုတဲ့ ဝါသနာရှင် ညီအကို မောင်နှမ များ ရှိတယ်ဆိုရင် လေ့လာစောင့်ကြည့်အားပေးပါ။မိမိအတွက်အကျိုး တစုံတရာ ရရှိတယ်ဆိုရင် အခြား ဝါသနာတူ အများသူငါ မြင်ကြရအောင်လဲ မျှဝေပေးကြပါလို့ပြောပါရစေခင်ဗျာ။

ကီးဘုတ်တီးခတ်နည်း မူလတန်း အဆင့် အလယ်အလတ်အဆင့်သိသင့်သိထိုက်စရာလေးတွေကို အလျဥ်းသင့်သလို တစ်လှည့်စီ မျှဝေပေးသွားပါမယ်ခင်ဗျာ။ကျွန်တော်အနယ်းငယ်လေ့လာဖူးခဲ့တဲ့ အခြေခံ လေးတွေပေါ့ခင်ဗျာ။

အားလုံးပဲ ဘေးအန္တရာယ်ခပ်သိမ်း ရန်ခပ်သိမ်းမှ အလျှဥ်းကင်းလွတ်ကြပြီးလျှင် ကိုယ်စိတ်နှစ်ဖြာ ကျန်းမာချမ်းသာစွာဖြင့် ဝါသနာပါရာ အနုပညာရပ်များကိုလဲ လေ့လာလေ့ကျင့်နိုင်ကြပါစေခင်ဗျာ။ 🙏🙏🙏