Chan Myae Chef

ပြိုင်ပွဲ တုန်းက ...

KMA Hotel Group 🤍🤍🤍
NayPyiTaw ...

#မာလာရှမ်းကောအနှစ်ပြုလုပ်ပုံ🎁
ပါဝင်ပစ္စည်းများ
-သစ်ဂျပိုး_1ချောင်း
-ကရဝေးရွက်_4ရွက်ခန့်
-နာနတ်ပွင့်_3ပွင့်
-ရှားကောလုံး_2လုံး
-ငြုပ်သီးစိမ်းအနီ_5ကျပ်သား
-ပန်းငြုပ်ပွအနီ_2လုံး
-ဂျင်း_အနည်းငယ်
-ငြုပ်အစိမ်းမှုန့်_1tbsp
-ဖာလာစေ့_6စေ့
-ငြုပ်သီးခြောက်တောင့်_20တောင့်
-စမုံစပါး_1tbsp
-ဇီယာ_1tbsp
-စီချွမ်ငြုပ်ကောင်း_1tbsp
-ပဲငါးပိအငန်_1tbsp
-ပဲငါးပိအချဉ်_1tbsp
-ဆား
-ပဲငံပြာရည်အကြည်
-သကြား

ပထမဆုံး ဒယ်အိုးထဲဆီထည့်ပြီး ပါဝင်ပစ္စည်းများ2မိနစ်ခန့်ကြော်ပါ။
ကြော်ထားပြီး ဆယ်ထုပ်ပါ။ငြုပ်ဆုံဖြင့်အကုန်ထောင်းပါ။
ပြီးနောက်ဆီဒယ်အိုးကိုပြန်အပူပေးပြီး ဆီ25ကျပ်သားခန့်ထပ်ထည့်ပါ
ပြီးလျင်ထောင်းထားသောပါဝင်ပစ္စည်းများကိုထည့်ဆီသတ်ပါ။မီးအေးအေးဖြင့်
ပဲငံပြာရည်၊သကြား၊ဆား အရသာထည့်ပါ
ဆီနီထွက်လာလျှင်မီးဖိုမှ အိုးချပြီး အအေးခံထားပေးပါ။
အသင့်ချက်ပြုတ်လို့ရပါပြီဗျ ☺️

ကြက်ဆီထမင်း

ဆန် နို့ဆီဘူး ၂ဘူး (၅ပွဲ) စာ

အရင်ဆုံး သန့်စင်ပြီး အနေတော်ဖြတ်ထားတဲ့
ကြက်အရေခွံ ၂၅ကျပ်သားကို ဒယ်အိုးထဲထည့် မီးအလည်အလတ်နဲ့တည်ကာ ကြက်ဆီထုတ်ပေးပါ

မကြာခဏတော့မွှေပေးရပါမယ်

ကြက်အရေခွံတွေ အနီရောင်သန်းပြီး ကြွပ်လာပြီဆို
အိုးထဲကဖယ်ထုတ်ပါတယ်

ကြက်ဆီအိုးထဲကို ပါးပါးလှီးထားတဲ့ ဂျင်းကြက်သွန်ဖြူ အနည်းငယ်ထည့် ပြီး ဆီသတ်ပေးပါတယ်

အနံ့မွှေးလာရင် အိုးကို မီးဖိုပေါ်ကချ ပြီး ပန်းကန်ထဲပြောင်းထည့်ပေးထားပါတယ်

*ကြက်ဆီထမင်းချက်ဖို့ လိုအပ်တဲ့ ​ကြက်ပြုတ်ရည်အတွက် ကြက်အရိုး​တွေကို အရင်ပြုတ်ထားပါမယ် ( ပြုတ်ရည် ၂လီတာ နီးပါးလိုပါတယ်)

၅မိနစ်လောက်တည်ပြီးရင် တက်လာတဲ့ အမြုပ်တွေ
အကုန်ခပ်ထုတ်ပေးပါ

ဒါမှ ဟင်းရည်ကြည်ကြည်လေး ရပါမယ်

မထူမပါးလှီးထားတဲ့ ဂျင်း ၅လွှာ ခန့်ထည့်ပေးပါတယ် ပြီးရင်အဖုံးအုပ်ပြီး ပြုတ်ရည်ထဲအချိုအရသာကောင်းကောင်းထွက်တဲ့အထိတည်ပေးပါမယ် (အခြား အရသာမထည့်ပါဘူး)

*ထမင်းနဲ့တွဲစားဖို့အတွက် ကြက်ပေါင်ရင်းပိုင်း
၆ခုကိုသုံးပါတယ် (မိမိနှစ်သက်ရာ ရင်အုံ ပေါင်
နှစ်သက်သလောက်သုံးပါ)

ခုနက တည်ထားတဲ့အရိုးပြုတ်ရည်ထဲ အသားတွေကိုထည့်ပြုတ်ပါပါ

အသားအတန်အသင့်ကျက်ပြီဆို ပန်းကန်တစ်ခုထဲ
ဆယ်ထုတ်ထားပြီး ဟင်းရည်အိုးကိုလဲ မီးဖိုပေါ်ကချထားပါတယ်

*အခု ကြက်ဆီထမင်းချက်ဖို့ အဆင်သင့်ဖြစ်ပါပြီ
ထမင်းပေါင်းအိုးထဲကို ရေဆေးထားတဲ့ ဆန် နို့ဆီဗူး ၂ဗူးထည့်ထားပါ ( ရွှေဘိုပေါ်ဆန်းနဲ့ ချက်ထားပါတယ်)


* ဆန် နိုဆီဘူး ၁ဘူးစာအတွက်....
ကြက်ဆီ စတီးဟင်းခပ်ဇွန်းတို ၃ဇွန်း
သကြား စတီးဟင်းခပ်ဇွန်းတို ၂ဇွန်း
ဆား လဘက်ရည်ဇွန်း လေးပုံတစ်ပုံ နှုန်း နဲ့
နို့ဆီဘူး ၂ ဘူးစာ ထည့်ပေးပါတယ်

*ရေချိန်ကတော့... (ကြက်ပြုတ်ရည်ချိန်)
ကြက်ပြုတ်ရည်ကို ပုံမှန် ထမင်းချက်နေကျ ပမာဏအတိုင်းအရင် ထည့်ပေးရပါတယ်
ပြီးမှ ကိုယ်ချက်တဲ့ ဆန်ပမာဏရဲ့ ၃ပုံ၁ပုံ ထပ်ထည့်ပါတယ် ( ဥပမာ ဆန်နို့ဆီဘူး ၁ဘူး ချက်တယ်ဆို ခါတိုင်းပုံမှန် ရေထည့်နေကျ အတိုင်းအရင်ထည့်ပြီးမှ
နောက်ထပ် နို့ဆီဘူးရဲ့ ၃ပုံ၁ပုံ ထပ်ထည့်ပေးတာပါ)
ဆီထည့်ချက်ထားတဲ့ထမင်းက အနည်းငယ်မာတတ်လို့ ပိုထည့်ပေးရတာပါအားလုံးအဆင်သင့်ဖြစ်ရင် လျှပ်စစ်ထမင်းပေါင်းအိုး ခလုတ်နှိပ်ပြီး ချက်ပေးရုံပါ

*ခုနက ဆယ်ထုတ်ထားတဲ့ အသားတွေကို ဒယ်အိုး
တစ်လုံးထဲထည့်ပါ အသားထဲ အရသာဝင်ဖို့အတွက်
ကြက်ပြုတ်ရည် ယောက်ချိုဇွန်းကြီး ၁ဇွန်းခွဲ နဲ့ အချိုမှုန့် ဆား ပဲငံပြာရည် နှမ်းဆီမွှေး အနည်းငယ်စီ ထည့်ပြီး ရေခမ်းတဲ့ထိပြန်တည်ပေးပါတယ်
ဒါမှ အသားက အရသာဝင်ပြီး စားလို့ကောင်းပါတယ်

#ကြက်ကင်နဲ့စားရတာကြိုက်တဲ့သူတွေအတွက်
အိမ်မှာကင်တဲ့နည်းပါ🍗

ကြက်သားကို ...
ရှာလကာရည်/ဗနီကာ
ပဲငံပြာရည်အကျဲ
ခရုဆီ
ပဲငံပြာရည်အပျစ်
သကြား နဲ့ အချိုမှုန့်
ငရုတ်ကောင်းမှုန့် နဲ့ နာနာပွင့်မှုန့် အနည်းငယ်စီ
အရောင်လှဖို့ အနီရောင်ဆိုးဆေး အနည်းငယ်တို့နဲ့ အရသာဝင်အောင်နယ်ပေးပြီး အနည်းဆုံး 2-3နာရီလောက် နှပ်ထားပေးပါတယ်

ပြီးမှ Air Fryer မှာ 150°C နဲ့ 15-20မိနစ် ကင်ပေးပါတယ် oven နဲ့လဲ ကင်လို့ရသလို
ရိုးရိုးမီးဖိုနဲ့လဲ ကင်လို့ရပါတယ်
အသားကို အရမ်းခြောက်သွားတဲ့အထိ မကင်ပဲ ကျက်တယ်ဆိုရုံ ခပ်စိုစိုအနေကလေးပဲ ကင်ပါတယ်

အပေါ်အရေခွံကြွပ်တာလိုချင်ရင် ဆီကိုပူနေအောင်တည်ပြီး အရေခွံပေါ်ထပ်ကာ ထပ်ကာလောင်းပေးရပါမယ်

*ဟင်းချိုအတွက် ကျန်တဲ့ စွပ်ပြုတ်ရည်ထဲကို အရွယ်တော်တုံးထားတဲ့ မုန်လာဥဖြူ ကြက်သားမှုန့်အနည်းငယ်နဲ့ငရုတ်ကောင်းအနည်းငယ်ထည့်ပြီး မုန်လာဥနူးတဲ့အထိ ပြန်တည်ပေးထားပါတယ် (မုန်လာဥအစား မုန်ညင်း​ဖြူထုပ်နဲ့ချက်လို့လဲရပါတယ်)

စားကာနီးမှ ဟင်းရည်ထဲကြက်သွန်မြိတ်အနည်းငယ်ခပ်ပေးပါမယ်
(ချဉ်စပ်ဟင်းရည်သောက်ချင်တယ်ဆိုရင်တော့ ဟင်းရည်ထဲ ငရုတ်ကောင်းမခပ်ပဲ ငရုတ်သီးစိမ်း ဂျင်း ကြက်သွန်ဖြူ မညက်တညက်ထောင်းထားတာနဲ့ ဗနီကာ အနည်းငယ်ထည့်ချက်ပေးပါ)

*အချဉ်ဖျော်ပါမယ် 😁
ငရုတ်သီးစိမ်း ၁၅-၂၀ခန့်
ကြက်သွန်ဖြူ ၄-၅တက် ဂျင်းအနည်းငယ်နဲ့
နံနံအရိုး အနည်းငယ်ကို ကြိတ်စက်နဲ့ ကြိတ်ပေးပါ
ပြီးရင် ပျစ်ပျစ်ဖျော်ထားတဲ့
မန်ကျည်းရည် စတီးဟင်းခပ်ဇွန်းတို ၂ဇွန်း
ထန်းလျှက်ရည်(သို့)သကြားရည် ၂ဇွန်း
ပဲငံပြာရည် ၁ဇွန်းခွဲ
နှမ်းဆီမွှေးအနည်းငယ်ထည့်မွှေပေးပါတယ်
အနံ့မွှေးဖို့အတွက် သံပုရာသီးတစ်ခြမ်း
ညှစ်ထည့်ပြီး မွှေပေးပါ

*သခွားသီးကို ပါးပါးလှီးပြီး နံနံရွက်ကိုရေဆေးသန့်စင်
ထားပါ ထမင်းကျက်ပြီဆိုရင် ပွဲပြင်ဖို့ အဆင်သင့်
ဖြစ်ပါပြီ😘

#အကြော်မှု့န်စပ်နည်း😋
လုပ်ရလွယ်ပြီး စားလို့လည်းကောင်းသွားမယ်😋

(1)ပဲစိမ်းမှုန့်အထုတ်ကြီး 1ထုပ်
(2)ကောက်ညှင်းမှုန့် 1ထုပ်
(3)ရွှေကြည်မှုန့် 1ထုပ်
(4)ဆန်စိမ်းမှုန့် 1ထုပ်
(5)ယိုးဒယားမယ် 1ထုပ်
(6)ရွှေလိပ်ပြာ 1ထုပ်

ခြောက်သွေ့နေတဲ့အိုးထဲအကုန်လုံးဖောက်ထည့်ပြီးခြောက်သွေ့နေတဲ့ဇွန်းကြီးနဲ့မွှေပေးပါ...

ပြီးရင်ခြောက်သွေ့နေတဲ့လေလုံဘူးထဲထည့်ပြီးသိမ်းလိုက်ပါ...

လိုအပ်တဲ့အချိန် ထုတ်ပြီးဘူးသီးကြော်/ ငှက်ပျောကြော် /အာလူးကြော် တို့ကြော်မယ်ဆို ပျစ်ပျစ်လေးဖျော် ဂျင်းထောင်းရည်လေးနဲနဲထည့် ဆားဆော်ဒါလေးနဲနဲထည့်ပြီး 15မိနစ်လောက်ထားထားလိုက်ပါ...

ဆားကို ထည့်ချင်လဲထည့် မထည့်ချင်လဲ မထည့်နဲ့
ဆားထည့်ရင် ပျော့တာမြန်လို့ မထည့်ကြဘူး

အရွက်ကြော်တွေ ကြက်သွန်ကြော်တွေ ကြော်မယ်ဆို...
အရည်ကျဲကျဲလေး ဖျော်ရပါတယ်...
ဂျင်းထောင်း ဆားဆော်ဒါထည့်ပြီး
ကိုယ်ကြော်မယ့်အရွက်ပါ ရောနယ်လိုက်ပါတယ်...

အိမ်မှာ မိမိ ကြိုက်တဲ့အချိန် ကြော်စားတော့ ရပြီ...

#အချဉ်ရည်စပ်နည်း🫙

မကျည်းသီးမှည့်ကို ရေဆေး
ထန်းလျက်ကို ရေဆေး
နံနံပင်အနည်းငယ်ကို ရေဆေး
ငရုတ်သီးစိမ်း
ကြက်သွန်ဖြူ
ဆား သို့ ငံပြာရည်
ငရုတ်ဆီအနီကြိုက်ရင်ထည့်
အခု ငရုတ်ချဉ်စပ်ပြီးသားအထုတ်တွေလဲ လာပါတယ်...ကြိုက်ရင်ထည့်...
ရေလိုသလောက်ထည့်ပြီးမီးဖိုပေါ် ကောင်းကောင်း အဆူပေးခံလိုက်ပါ...

ပြီးရင် အအေးခံပြီး ဖျော်ရည်စက်နဲ့ ကြိတ်လိုက်ပါ...
အရသာက ချိုချဉ်စပ်လေးပေါ့...

အချဉ်ရည်နဲ့အကြော်မျိုးစုံနဲ့ အသုပ်မျိုးစုံတို့တွင် အသုံးပြုနိုင်ပါသည်...

ဆူအောင်တည်ထားတဲ့အတွက်ဗိုက်မနာတော့ပါ...

ကျိုင်းတုံမြီးရှည် ချက်နည်း
**************************

🌷ဟင်းရည်ချက်ရန်🌷

ဝက်ရိုး သို့ နံရိုး ... ၅၀ ကျပ်သား
ဝက်သား ... ၂၅ ကျပ်သား(နှုတ်နှုတ်စင်းထားရန်)
ရှမ်းပဲပုပ် မှုန့် ... ၅ ချပ် (ကင်ပီးထောင်းထားရန်)
ခရမ်းချဉ်သီး ... ၉ လုံး
ဆနွင်း ... အနည်းငယ်
အရောင်တင်မှုန့်.... အနည်းငယ်

၁.. ရေသန့် ထဲသို့ ဝက်နံရိုး +ပဲပုပ်မှုန့်+ခရမ်းချဉ်သီး
ထည့်၍ ဆူပွက်လာအောင်တည်ပါ...

၂.. ခရမ်းချဉ်သီးအခွံ အနည်းငယ်ကွဲ၍ လိတ်တက်
လျှင် ဆယ်၍ နှုတ်နှုတ်စင်းပါ.

၃..ဒယ်အိုးတစ်လုံးတွင် ဆီ ပါလေရုံထည့်၍ ဆနွင်းနှင့်
အရောင်တင်မှုန့်လေးထည့် နှုတ်နှုတ်စင်းထား
သော အသားထည့်၍ဆီသတ်ပါ..
အသားနည်းနည်းကျက်လျှင် ခရမ်းချဉ်သီးထည့်၍
၅ မိနစ်ခန့် ရောဆီသတ်ပါ...

၄.. ဆီသတ်ထားတဲ့အသားနဲ့ခရမ်းချဉ်သီးများကို ဟင်း
ရည်အိုးထဲထည့်၍ မိနစ်၃၀ မှ ၄၅ မိနစ်လောက်
အရည်ကျအောက်တည်ပေးပါ..
*ဆားနှင့်ဟင်းခတ်မှုန့် မိမိတို့အကြိုက်မှန်းထည့်ပါ*

🚨ဝက်သားမစားသူများ ကြက်ရိုးနှင့်ကြက်သား အစား
ထိုး သုံးလို့ရပါတယ်နော်....

🌷ခေါက်ဆွဲပြင်ရန်🌷

မုန်တီဖတ်
ကြက်သွန်ဖြူဆီချက်
နှမ်းလှော် ... မညက်တညက်ထောင်းထားရန်
ပဲပင်ပေါက် ... ရေနွေးဖျောထားရန်
ဂေါ်ဖီထုပ် ..နှုတ်နှုတ်လှီးရေနွေးဖျောထားရန်
လက်ပံပွင့် ... ရေနွေးဖျောထားရန်
ကြက်သွန်ပင် .. နှုတ်နှုတ်လှီးပါ...
အချဉ်ကြိုက်လျှင် သံပုရာသီးညစ်၍စားနိုင်ပါတယ်

🌸စိတ်ကြိုက် ပြင်ဆင် သုံးဆောင်နိုင်ပါပီရှင်🌸

*ဝက်ခေါက်ကြော်+ရှမ်းမုန်ညင်းချဉ်နှင့်တွဲစားလျှင်
အရမ်းလိုက်ပါတယ်😋

ချက်တတ်သလိုလေးသာ ရေးပေးထားတာပါ

ချာပါတီတွေ ပူရီတွေ ရမယ် 😁🍪🌮🪷🪷🪷

Today .... lunch 🥙🧆🥘🍚

Breakfast ....အတွက် 😘
KMA shwepyi 💞

Chef ပေါက်စဘဝတုန်းက လုပ်ခဲ့တာလေးတွေ 🥰

Little soup 🍲🥣🍲

အောင်မဲညိုနဲ့လုပ်တဲ့ခေါက်ဆွဲလေး💐🥰