Your Legal Partner - YLP

💍 လက်ထပ်စာချုပ် ဝန်ဆောင်မှု

ချစ်ခြင်းမေတ္တာနဲ့ စတင်မယ့် အိမ်ထောင်ရေးတစ်ခုကို
ဥပဒေအရလည်း ခိုင်မာစွာ ကာကွယ်ထားနိုင်ဖို့
လက်ထပ်စာချုပ် ပြုလုပ်လိုပါသလား?

🇲🇲 မြန်မာနိုင်ငံအတွင်းရှိ စုံတွဲများသာမက
🌏 နိုင်ငံခြားရောက်ရှိနေသော မြန်မာနိုင်ငံသားများအတွက်ပါ
လိုအပ်သည့် ဥပဒေရေးရာ လုပ်ငန်းစဉ်များကို
အဆင်ပြေချောမွေ့စွာ ဝန်ဆောင်မှုပေးပါသည်။

📌 လက်ထပ်စာချုပ် ပြုလုပ်ခြင်း
📌 လိုအပ်သော စာရွက်စာတမ်းများ စီစဉ်ပေးခြင်း
📌 ဥပဒေရေးရာ အကြံပြုဆွေးနွေးခြင်း
📌 နိုင်ငံခြားရောက်ရှိနေသူများအတွက် လိုအပ်သည့် လုပ်ငန်းစဉ်များ ညှိနှိုင်းဆောင်ရွက်ပေးခြင်း

Your Legal Partner ⚖️

☎️ 09-755850375

အိမ် / ခြံ / မြေ ဝင်ငွေခွန် ဆောင်ပြီး
စာချုပ်ချုပ်မယ်ဆိုရင်
======

အိမ် / ခြံ / မြေ ဝင်ငွေခွန် ဆောင်ပြီး စာချုပ်ကြီးချုပ်မယ်ဆိုရင် အခုနည်းလမ်းအတိုင်း လုပ်ဆောင်ရပါမယ်။

ကျွမ်းကျင်သော အိမ်ခြံမြေရှေ့နေနဲ့ မှသာ အဆင်ပြေနိုင်ပါတယ်။

၁ ကျပ် - ၃၀၀၀ သိန်း (၃%) ၉၀ သိန်း
တံဆိပ်ခေါင်းခွန် (၄%) ၁၂၀ သိန်း၊ ပေါင်း ၂၁၀ သိန်း

၃၀၀၁ သိန်း - ၆၀၀၀ သိန်း (၅ %) ၁၅၀ သိန်းတံဆိပ်ခေါင်းခွန် (၄%) ၁၂၀ သိန်း၊ ပေါင်း ၂၇၀ သိန်း

၆၀၀၀ သိန်း - ၁၀၀၀၀ သိန်း (၁၀ %) ၄၀၀ သိန်း
တံဆိပ်ခေါင်းခွန် (၄%) ၁၆၀ သိန်း၊ ပေါင်း ၁၀၄၀
သိန်း

၁၀၀၀၁ သိန်း - ၃၀၀၀၀ သိန်း (၁၅ %) ၃၀၀၀ သိန်း
တံဆိပ်ခေါင်းခွန် (၄ %) ၈၀၀ သိန်း၊ ၄၈၄၀ သိန်း

အဆောက်အဦးပါရင်
➖➖➖➖➖➖➖➖

ပထမတန်းစားအာစီ 1 Sqft 40000 ကျပ်

ဒုတိယတန်းစားအာစီ 1 Sqft 25000 ကျပ်

Steel Structure ၃ ထပ်မှ ၇ ထပ်အထိ 40000

သစ်သားအုတ်ညှပ် 1 Sqft 20000 ကျပ်

သစ်သားအိမ် 1 Sqft 10000 ကျပ်

ပထမတန်းစား ၁၂ ထပ်အထက် 1 Sqft 60000
ပထမတန်းစား ၁၂ ထပ်အထိ 1 Sqft 50000
ပထမတန်းစား ၇ ထပ်အထိ 1 Sqft 45000

➖➖➖➖➖➖➖➖➖
အရောင်းသမားက အမြတ်တော်ခွန် (၁၀ %) ဆောင်ရမယ်။ ဝယ်ယူစဉ်က ရာဖြတ်တန်ဖိုး သိန်းပေါင်း ၁၀,၀၀၀ နဲ့ စာချုပ်ပြီး ပြန်ရောင်းတော့ သိန်းပေါင်း ၁၅,၀၀၀ ရရင် အမြတ်ငွေ ၅ ထောင်ပေါ် (၁၀ %) ဆောင်ရပါမယ်။

➖➖➖➖➖➖➖➖

အိမ် ခြံ မြေ ရာဖြတ်တင်မယ်ဆို အောက်ပါအတိုင်း လုပ်ဆောင်ရန်

ဝယ်ယူသူ၏ အိမ်ထောင်စုစာရင်း နှင့် မှတ်ပုံတင်မူရင်း (မိတ္တူ တစ်စုံ)

(၄)လအတွင်း ချုပ်ဆိုထားသော အရောင်း အဝယ်စာချုပ် (မူရင်းနှင့် မိတ္တူ)

(၁) နှစ်အတွင်း ရေးဆွဲထားသော ရောင်း/ ဝယ်အတွက် မြေပုံမြေရာဇဝင် (၁၀၅/၁၀၆) မူရင်း

အမည်ပေါက်မှ ရောင်းချခြင်း (သို့) မှတ်ပုံတင် ဆက်စပ်စာချုပ်များ

ရှေ့ / ဘယ် / ညာ မြေကွက်ဓာတ်ပုံ (၁) စုံစီ

ဝယ်ယူသူက အိမ်မြေ လက်ခံရရှိပြီးကြောင်း ဝန်ခံချက် (အရပ်အရောင်းအဝယ်စာချုပ်)

တင်ပြချက်အားလုံး မှန်ကန်ကြောင်းဝန်ခံချက်။

=======
အထက်ပါ အချက်များဖြင့် ကာလတန်ဖိုးသတ်မှတ် စီစစ်ရေးအဖွဲသို့ တင်ပြ လျှောက်ထားရမှာ ဖြစ်ပါတယ်။

“ငွေဖြူ” ရှိရင် အခွန် သက်သာပါမယ်။ ဝင်ငွေရလမ်းဖော်ပြနိုင်သောငွေ (သို့မဟုတ်) အခွန်စည်းကြပ်ပြီးဖြစ်သော ငွေကို “ငွေဖြူ” လို့ ခေါ်ပါတယ်။

ငွေဖြူနဲ့ အခွန်ဆောင်ရင် အချိန်အနည်းငယ် ပိုကြာနိုင်ပါတယ်။ ငွေဖြူ မရှိရင် အထက်မှာ ဖော်ပြထားတဲ့ နည်းအတိုင်း ဆောင်ရပါမယ်။

=========
ဘဏ္ဍာနှစ်တစ်နှစ်အတွင်း မြို့နယ်တစ်ခုတည်းမှာ နှစ်ကွက်စာကို တစ်ချိန်တည်း ရာဖြတ်လျှင် ၊ အိမ်ထောင်စုသန်းခေါင်စာရင်း တစ်ခုတည်းမှ ရာဖြတ်တင်လျှင်သော်လည်းကောင်း ရာဖြတ်တန်ဖိုဲးပေါ် (၃၀%) ဖြင့် ဆောင်ရပါမယ်။

ဝယ်ခွန်ဆောင်ပြီးလျှင် ကာလတန်ဖိုး စိစစ်ရေးအဖွဲ့ (ရာဖြတ်က) သတ်မှတ်ပေးတဲ့ တန်ဖိုးရဲ့ (၄ %) တံဆိပ်ခေါင်း ကပ်ရပါမယ်။ တံဆိပ်ခေါင်း ဝယ်ရပါမယ်။ ရောင်းခွန်ဆောင်ပြီးမှ တံဆိပ်ခေါင်း ဝယ်လို့ရပါမယ်။

တရားဝင် အရောင်းအဝယ်စာချုပ်အတွက် ရောင်းသူနှင့် ဝယ်ယူသူတို့ စာချုပ်စာတမ်း မှတ်ပုံတင်ရုံးမှာ စာချုပ်မှတ်ပုံတင် ရပါတယ် …မှတ်ပုံတင်ကြေး (၀.၅%) ပေးဆောင်ရပါမယ်။

စာချုပ်စာတမ်းရုံးမှာ စာချုပ်ပြီး နောက် ရက်အနည်းငယ်ကြာရင် စာရွက်စာတမ်း အပြည့်အစုံနဲ့ မြို့တော်စည်ပင်ရုံးမှာ နာမည်ပြောင်း လျှောက်ထားနိုင်ပါတယ်။

မူရင်းတင်သူအား credit ပေးပါသည်

➖➖➖➖➖➖➖➖➖
Crd/

အထက်တန်းရှေ့နေများသို့ အသိပေးမျှဝေခြင်း

အထက်တန်းရှေ့နေများအနေဖြင့် ၁၉၅၅ ခုနှစ်၊ ရှေ့နေအဖြစ်ဝင်ခွင့်နည်းဥပဒေများ၊ နည်းဥပဒေ ၁၈ အရ သတ်မှတ်ကာလအတွင်း တာဝန်ခံလက်မှတ် သက်တမ်းတိုးရန် လျှောက်ထားရပါသည်။

သက်တမ်းတိုးရန် အောက်တိုဘာလ ၁ ရက်နေ့ မတိုင်မီ လျှောက်ထားရမည်ဖြစ်ပါသည်။

လိုင်စင်သက်တမ်းတိုးခြင်းနှင့် စာရင်းတင်သွင်းခြင်းကို သတ်မှတ်ကာလမတိုင်မီ ကြိုတင်စိစစ်၍ အချိန်မီ ဆောင်ရွက်ထားကြပါရန် အသိပေးအပ်ပါသည်။

“၂၀၂၇ ခုနှစ်၊ အများပြည်သူတို့၏ အလုပ်ပိတ်ရက်များ”

ပိုင်နက်ကျူးလွန်မှု(သို့)ကျော်နင်းမှု နေအိမ်ရှေ့ စောင်းမြောင်းဆဲဆိုမှု၊ အသရေ ဖျက်မှု၊ ခြိမ်းခြောက်မှု၊ "ပုဒ်မ များ နှင့် ပြစ်ဒဏ်” များ
✏✏✏✏✏✏✏✏✏✏✏✏✏✏
.အမေးများ လာမှုနှင့် လက်တွေ့ ဘဝများတွင် အများအားဖြင့် ဖြစ်တတ်သည့် ပြစ်မှုများ ဖြစ်သည့် အရပ်စကားဖြင့် ပြောရလျှင် စောင်းမြောင်းဆဲဆိုတာ ပိုနက်ကျူးလွန်တာ အသရေဖျက်တာ ခြိမ်းခြောက်တာ တွေက တိုင်လို့ရပါသလား ဘယ်မှာ
တိုင်ရသလဲ ဥပဒေ ပုဒ်မ ဘယ်လောက် နဲ့ ပြစ်ဒဏ်တွေက ဘယ်လောက်အထိရှိလဲ မေးကြသူများအား လေ့လာ သိရှိသမျှ မျှဝေ ပေးလိုက်ပါသည်။

ရာဇသတ်ကြီး ပုဒ်မ-၂၉၄

မည်သူမဆို အခြားသူများ စိတ်ငြိုငြင်အောင် ညစ်ညမ်းသောပြုလုပ်မှုများနှင့် ညစ်ညမ်းသော သီချင်းများ ပြုလုပ်လျှင်

(က) အများပြည်သူဆိုင်ရာ နေရာတစ်ခုခုတွင် ညစ်ညမ်းသော ပြုလုပ်မှု တစ်ခုခုကို ပြုလျှင် သို့တည်းမဟုတ်

(ခ) အများပြည်သူဆိုင်ရာ နေရာတစ်ခုခုတွင် ဖြစ်စေ ၊ အနီးအနားတွင်ဖြစ်စေ ညစ်ညမ်းသော ကဗျာ ၊ လင်္ကာ ၊ သီချင်း ၊ စကားတစ်မျိုးမျိုးကို ရွတ်ခြင်း ၊ သီဆိုခြင်း ၊ ပြောဆိုခြင်း တစ်ခုခုပြုလျှင် ထိုသူကို ရာဇသတ်ကြီး ပုဒ်မ ၂၉၄ ဖြင့် ရဲစခန်း/တရားရုံး တွင် အမှုဖွင့်နိုင်ပြီး ပြစ်ဒဏ် အဖြစ် ပြုလုပ်သူကို သုံးလအထိ ထောင်ဒဏ်တစ်မျိုးမျိုးဖြစ်စေ ငွေဒဏ်ဖြစ်စေ ဒဏ် နှစ်ရပ်လုံးဖြစ်စေ ချမှတ်ရမည်ဟု ပြဌာန်းထားသည်။

ရာဇသတ်ကြီး ပုဒ်မ ၄၅၁

ထောင်ဒဏ် ထိုက်သည့် ပြစ်မှုကို ကျူးလွန်ရန် အိမ်ကျော်နင်းမှု မည်သူမဆို ထောင်ဒဏ်ထိုက်သည့် ပြစ်မှုကို ကျူးလွန်ရန် အလို့ငှာ အိမ်ကျော်နင်းမှု(အရပ်စကားဖြင့် ပိုင်နက်ကျူးလွန်မှု)ကိုကျူးလွန်လျှင် ထိုသူကို နှစ်နှစ်ထိ ထောင်ဒဏ် တစ်မျိုးမျိုးချမှတ်ရမည့် အပြင် ငွေဒဏ်လည်း ချမှတ်နိုင်သည် အကယ်၍ ကျူးလွန်ရန် ကြံရွယ်သည့် ပြစ်မှုသည် ခိုးမှုဖြစ်ခဲ့သော် ထောင်ဒဏ်ကို ခုနှစ်နှစ်အထိ တိုး၍ ချမှတ်နိုင်သည်။

ရာဇသတ်ကြီး ပုဒ်မ ၅၀၀

အသရေပျက်မှု အတွက် ပြစ်ဒဏ် မည်သူမဆို အခြားသူတစ်ဦး ၏ အသရေကို ဖျက်လျှင် ထိုသူကို နှစ်နှစ်ထိ အလုပ်မဲ့ ထောင်ဒဏ်ဖြစ်စေ ၊ ငွေဒဏ်ဖြစ်စေ ၊ ဒဏ် နှစ်ရပ်လုံးဖြစ်စေ ချမှတ်ရမည် ဟု ပြဌာန်းထားသည်။

နစ်နာသူ ကာယကံရှင်မှ ပြစ်မှု ကျူးလွန်သူကို တရားရုံးမှ ပြစ်မှုဖြင့် ပြစ်ဒဏ်ချမှတ်ခဲ့ သော်လည်း ၎င်း ၏ နစ်နာမှု အတွက် နစ်နာကြေးရလိုမှု ဖြစ်သည့် တရားမမှု နှင့်လည်း အမှုထပ်ဖွင့်ခြင်း များလည်းရှိဘူးသည်

ရာဇသတ်ကြီး ပုဒ်မ ၅၀၆

ရာဇဝတ်မကင်းသော ခြောက်လှန့်မှုအတွက်ပြစ်ဒဏ်
မည်သူမဆို ရာဇဝတ်မကင်းသော ခြောက်လှန့်မှုကို ကျူးလွန်လျှင် ထိုသူကို နှစ်နှစ်အထိ ထောင်ဒဏ်တစ်မျိုးမျိုးဖြစ်စေ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ရမည်ဟု ပြဌာန်းထားသည်

မှတ်ချက်

တယ်လီဖုန်း facebook အစရှိသည့် ဆက်သွယ်ရေးကရိယာ တစ်ခုခုကို အသုံးပြု၍ ခြိမ်းခြောက်လျှင် ဆက်သွယ်ရေး ဥပဒေ ပုဒ်မ များဖြင့် လည်း အရေးယူနိုင်သည်။

မူခင်းအသိပညာများ ဥပဒေများလေ့လာ မှတ်သား၍ တရားဥပဒေ စိုးမိုးမှု ပြစ်မှု့မှုခင်းများ ကျဆင်းရေးကို ရည်ရွယ်၍ တင်ပြအပ်ပါသည်။

အမှုအခင်းများကင်းဝေးကြပါစေ

မူရင်းရေးသားသူအား
ေးပါတယ်


#ကျေးဇူးတင်ပါတယ်ရှင့်

🤝 တရားမကျင့်ထုံဥပဒေအမိန့် - ၂၁ ၊ နည်း - (၃၀) အရ ဒီကရီကျ​ငွေနှင့်တရားစရိတ်ငွေများအား တစ်လုံးတစ်ခဲတည်းပေးဆပ်ခြင်းမပြုပါက ဤပြဌာန်းချက်ပါအတိုင်း တစ်ခုမဟုတ်တစ်ခု ဆောင်ရွက်ပေးပါရန် လျှောက်ထားခြင်း 🤝

ဥပဒေသစ်တွေထုတ်လိုက်ပြီနော်....

အားလုံးဆင်ခြင်နိုင်ကြပါစေ...

#ယာဉ်နံပါတ်မထင်ရှား = ကျူးလွန်သည့်ပုဒ်မ(၈၄-က)။ အရေးယူသည့်ပုဒ်မ-၉၄ = ဒဏ်ငွေသုံးသိန်း. ထောင် သုံးလ။

#အခြားနံပါတ်တပ် = ကျူးလွန်သည့်ပုဒ်မ(၈၄-ခ)။ အရေးယူသည့်ပုဒ်မ-၉၄ = ဒဏ်ငွေ သုံးသိန်း.

ထောင်သုံးလ။

#ယာဉ်နံပါတ်ပြားမတပ်= ကျူးလွန်သည့်ပုဒ်မ(၈၄-ဂ)။ အရေးယူသည့်ပုဒ်မ-၉၄ = ဒဏ်ငွေ

သုံးသိန်း. ထောင် သုံးလ။

#ဝှီးတက်သက်တမ်းကုန် = ကျူးလွန်သည့်ပုဒ်မ(၈၀)။ အရေးယူသည့်ပုဒ်မ-၉၁ = ဒဏ်ငွေ

တစ်သိန်း. ထောင် တစ်လ။

#ယဉ်မောင်းလိုင်စင်မရှိ = ကျူးလွန်သည့်ပုဒ်မ(၈၁-က)။အရေးယူသည့်ပုဒ်မ-၉၁ = ဒဏ်ငွေတစ်သိန်း. ထောင် တစ်လ။

#တခြားသူ၏ယာဉ်မောင်းလိုင်စင်သုံး = ကျူးလွန်သည့်ပုဒ်မ(၈၁-ဂ)။ အရေးယူသည့်ပုဒ်မ-၉၁။ဒဏ်ငွေတစ်သိန်း. ထောင် တစ်လ။

#ယာဉ်မဆင်မခြင်မောင်း =ကျူးလွန်သည့်ပုဒ်မ(၈၁-င)။ အရေးယူသည့်ပုဒ်မ ၉၁ = ဒဏ်ငွေ တစ်သိန်း. ထောင် တစ်လ။

#မူးယစ်ဆေးဝါးသုံးအရက်အမူးလွန်းမောင်း ပုဒ်မ(၈၁-ဇ)။ အရေးယူသည့်ပုဒ်မ ၉၁ = ဒဏ်ငွေ တစ်သိန်း. ထောင် တစ်လ

#ယဉ်မောင်းလိုင်စင်မပါ ပုဒ်မ(၇၅-က)။ အရေးယူသည့်ပုဒ်မ-၈၆ = ဒဏ်ငွေ သုံးသောင်း။

#ယဉ်မောင်းလိုင်စင်သက်တမ်းလွန် = ကျုးလွန်

သည့်ပုဒ်မ(၇၅-ဂ)။ အရေးယူသည့်ပုဒ်မ- ၈၆ = ဒဏ်ငွေ သုံးသောင်း။

#မီးပိုတပ် = ကျုးလွန်သည့်ပုဒ်မ(၇၅-ဆ)။

အရေးယူသည့်ပုဒ်မ-၈၆ = ဒဏ်ငွေ သုံးသောင်း။

#ယာဉ်မောင်းစဉ်ဖုန်းအသုံးပြု = ကျုးလွန်သည့်ပုဒ်မ(၇၅-ဋ)။ အရေးယူသည့်ပုဒ်-၈၆ = ဒဏ်ငွေ

သုံးသောင်း။

#ဘက်မှန်မပါ = ကျူးလွန်သည့်ပုဒ်မ(၇၆-က)။ အရေးယူသည့်ပုဒ်မ ၈၇ = ဒဏ်ငွေ သုံးသောင်း။

#ရှေ့မီးအနိမ့်နေ့/ညဖွင့်မောင်းရန်ပျက်ကွက် = ကျူးလွန်သည့်ပုဒ်မ(၇၆-ခ)။

အရေးယူသည့်ပုဒ်မ ၈၇ = ဒဏ်ငွေသုံးသောင်း။

#ပါဝါအိတ်ဇောအသံထိန်းမပါ = ကျူးလွန်သည့်ပုဒ်မ(၇၆-က)။

အရေးယူသည့်ပုဒ်မ ၈၇ = ဒဏ်ငွေ သုံးသောင်း။

#ဦးထုပ်မဆောင်း =ကျူးလွန်သည့်ပုဒ်မ(၇၆-ဂ)။ အရေးယူသည့်ပုဒ်မ ၈၇= ဒဏ်ငွေသုံးသောင်း။

တို့ဖြစ်သည်။

#သိထားတော့ဆောင်ရန်ရှောင်ရန်နားလည်ထားတာပေါ့_စေတနာဖြင့်အသိပေးအပ်ပါသည်။

#ဂရန်ပျောက်​ကိုပြန်လည်လျှောက်ထားနိုင်သောနည်းလမ်းများ
ဗဟုသုတ အနေဖြင့် မျှ​ဝေပေးလိုက်ပါတယ်ခင်ဗျ😍😍😍

မြေငှါးဂရန်
ပျောက်လို့
စိတ်မညစ်ပါနှင့်
မြေငှါးဂရန်
မိတ္တူမှန်
ထုတ်ယူလို့ရတယ်

အမည်ပေါက်
အနှစ် (၃၀) ဂရန်၊ အနှစ်(၆၀) ဂရန်များ ပျောက်ဆုံးသွားပါက ဘယ်လိုဆောင်ရွက်ရမည်ကို မသိရှိကြပေ။ ဟိုလူမေး၊ ဒီလူမေးရင်းနောက်ဆုံး မကျွမ်းကျင်သော ပွဲစားများဖြင့် တွေ့ဆုံပြီး အလိမ်ခံကြရတာကို များစွာ တွေ့ရပါတယ်။ ဒီအပတ်မှာတော့ အဲဒီလို မဖြစ်စေရန် ဂရန် မိတ္တူမှန် ရရှိမဲ့ နည်းလမ်းကောင်းကို "လွှတ်တော်ရှေ့နေမောင်ကောင်းဖေ" က ရှာဖွေတင်ပြထားသည်ကိုပြန်လည်မျှေဝလိုက်ပါသည်။

အိုးအိမ်ဂရန်လား၊ စည်ပင်ဂရန်လား ခွဲခြားသိပါ
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

- မိမိပျောက်ဆုံးတဲ့ မြေငှါးဂရန်မိတ္တူကို အိုးအိမ်ဦးစီးဌာနက ထုတ်ပေးထားတဲ့ မြေဂရန်လား၊ ဒါမှမဟုတ် ရန်ကုန်မြို့တော်စည်ပင်သာယာရေးကော်မတီက ထုတ်ပေးထားတဲ့ ဂရန်လား အသေအချာကြည့်ရပါမယ်။ ရန်ကုန်မြို့ပြမြေစီမံခန့်ခွဲမှုဌာနက ထုတ်ပေးထားတဲ့ ဂရန်မှာတော့ (၂) မျိုး ခွဲခြားပြီး သိရပါမယ်။

(က) ရန်ကုန်မြို့တော် စည်ပင်သာယာနယ်နမိတ်အတွင်းမှာ နေထိုင်သူများရဲ့ မြေဂရန်တွေကို ယခင်က ရန်ကုန်မြို့ပြနှင့်အိမ်ရာ ဖွံ့ဖြိုးရေးဦးစီးဌာနက ထုတ်ပေးခဲ့ပါတယ်။ ယခုအခါ ရန်ကုန်မြို့တော်စည်ပင်သာယာရေးကော်မတီက လွှဲပြောင်းလက်ခံဆောင်ရွက်ပေးပါတယ်။ ဒါကြောင့် အိမ်ဂရန် ပျောက်တာ ဆိုလျှင်တော့၊ ရန်ကုန်မြို့တော် စည်ပင်သာယာရေးကော်မတီ မြို့ပြမြေစီမံခန့်ခွဲမှုဌာနမှာ သွားရောက် လျှောက်ထားရပါမယ်။ ဂရန်ပျောက် စတင်လျှောက်ထားတဲ့ နေရာကတော့ ရန်ကုန်မြို့တော်ခန်းမ (၄၆-လမ်း) မှာ လျှောက်ရမှာဖြစ်ပါတယ်။ ရုံးဖွင့်တဲ့ သတ်မှတ်နေ့ရက်မှာ လျှောက်လို့ ရပါတယ်။

(ခ) ဒုတိယအချက်ကတော့ ရန်ကုန်မြို့တော်စည်ပင်သာယာရေး နယ်နိမိတ်အတွင်းမှာရှိတဲ့ စက်မှုဇုန်မြေကွက် ဂရန်တွေကိုတော့ နေပြည်တော် မြို့ပြနှင့်အိမ်ရာဖွံ့ဖြိုးရေးဦးစီးဌာန (ရုံးချုပ်) မှာ လျှောက်ထားရမှာ ဖြစ်ပါတယ်။

မြေငှါးစာချုပ် (ဂရန်) ပျောက်ဆုံး/ပျက်စီးရင် ဂရန်မိတ္တူထုတ်ပေးရန်လျှောက်ထားရာမှာ ယူဆောင်သွားရမယ့် လိုအပ်ချက်များကတော့

အနှစ် (၃၀) / အနှစ် (၆၀) / မြေငှါးစာချုပ် / အိမ်ဂရန်လျှောက်ရင် လိုအပ်ချက်များ

(၁) နိုင်ငံသားကတ်ပြားမိတ္တူ / အမျိုးသားမှတ်ပုံတင်မိတ္တူ (မူရင်းပြရမည်)

(၂) အမည်ပေါက်ကိုယ်တိုင်လျှောက်ထားခြင်း

(၃) မြေငှါး (ဂရန်) စာချုပ်အမှန်တကယ် ပျောက်ဆုံး / ပျက်စီးကြောင်း တရားရုံးကျမ်းကျိန်လွှာ (မူရင်း) နောက်ဆုံးပေးဆောင်ထားတဲ့ မြေခွန်ပြေစာ (မူရင်း)

(၄) မှတ်ပုံတင် စာချုပ်စာတမ်းများ

(၅) တရားစွဲလို့ အနိုင်ရခဲ့တဲ့ ဂရန်ဖြစ်ရင် တရားရုံး အမိန့်ဒီဂရီတို့အပြင် အိမ်မြေ မြေငှါး ဂရန်ပျက်စီးသွားကြောင်း မိမိနေထိုင်ရာ ရပ်ကွက်အုပ်ချုပ်ရေးမှူးရုံးက မှန်ကန်ကြောင်း ထောက်ခံချက် ထုတ်ပေးပါတယ်။

(၆) အဲ့ဒီမှန်ကန်ကြောင်း ထောက်ခံချက်ကို မိမိနေထိုင်ရာ မြို့နယ်ရဲတပ်ဖွဲ့ စခန်းမှာ သွားရောက်ပြီး မှန်ကန်ကြောင်း ထပ်ဆင့် ထောက်ခံချက် လက်မှတ်ရေးထိုးပေးရန် လျှောက်ထားရပါမယ်။

(၇) ပျောက်ဆုံးခြင်းဖြစ်ပါက မြို့နယ် အထွေထွေအုပ်ချုပ်ရေးဦးစီးဌာန၊ အုပ်ချုပ်ရေးမှူးထောက်ခံချက် ပါရှိရပါတယ်။ အဲဒီထောက်ခံချက်များ ရပြီးရင် ရန်ကုန်မြို့တော်စည်ပင်မှာ ဆက်လျှောက်ရပါမယ်။

ရှင်းလင်းချက်
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

(အမည်ပေါက်သေဆုံးရင် ကျန်ရစ်သူ ဇနီး/ ခင်ပွန်း (သို့မဟုတ်) ဇနီး / ခင်ပွန်း သေဆုံးရင် သား(သို့) သမီး များက အမွေဆက်ခံပိုင်ဆိုင်ကြောင်း စာချုပ်ချုပ်ဆိုရန် လိုအပ်ပါတယ်။ မြို့တော်စည်ပင်မြေယာဌာနမှာ အမွေဆက်ခံပ်ိုင်ဆိုင်ကြောင်း မြေပုံ/ မြေရာဇဝင် ကူးရပါမယ်။ အဲဒီလို မြေပုံကူးတဲ့အခါ ။ မြေအမည်ပေါက်သူရဲ့ ဇနီး (သို့) ခင်ပွန်းတို့အား အမွေဆက်ခံပိုင်ဆိုင်ကြောင်း တရားရုံးက တရားသူကြီးရှေ့မှာ ကျမ်းကျိန်လုပ်ရပါတယ်။ ထို့အတူ ခြေရင်းခေါင်းရင်း (သို့) တစ်လမ်းတည်းနေ သူတို့ကလည်း မြေအမည်ပေါက်သူနှင့် ဇနီး / ခင်ပွန်းတော်စပ်ကြောင်း သေဆုံးသည်မှာ မှန်ကန်ကြောင်း တရားရုံးမှာ ကျမ်းကျိန်ပြုလုပ်ပေးရပါမယ်။ မြေအမည်ပေါက်သူ မိဘနှစ်ပါးလုံးမရှိလျှင် ကျန်ရစ်သော သားသမီးများက အထက်ပါတိုင်း ကျမ်းကျိန်ရပါမယ်။

ဒီနေရာမှာ "မောင်ကောင်းဖေ"အနေနဲ့ ထပ်လောင်းပြောပြချင်တာကတော့ ကျမ်းကျိန်တယ်ဆိုတာ ဗုဒ္ဓဘာသာဝင်တွေ အတွက်သာ ဖြစ်တယ်။ ခရစ်ယာန်ဘာသာဝင်နှင့် မွတ်စလင်ဘာသာဝင်များအတွက်တော့ ကျမ်းကျိန်လို့မရပဲ ကတိသစ္စာပြုလွှာ လို့ရေးပါမယ်။ ဒါ့အပြင် မြေအမည်ပေါက်ကွယ်လွန်သူဟာ သူသေရင် ဘယ်သူ့ကို ပေးပါဆိုတဲ့ သေးတမ်းစာရေးသားခဲ့ခြင်း မရှိဘူးဆိုတာ ထည့်သွင်း ကတိသစ္စာပြုရပါမယ်။ "မောင်ကောင်းဖေ" ယခုရှင်းပြနေတာတွေကတော့ အမည်ပေါက် ကိုယ်တိုင်သေဆုံးခဲ့ရင် ကျန်ရစ်သူများက လျှောက်ထားပုံကို ရှင်းပြတာ ဖြစ်ပါတယ်။

စီစစ်ထုတ်ပေးခြင်း တရားဝင်သေတမ်းစာရေးခဲ့ရင် သေတမ်းစာမှာပါအရ အမွေဆက်ခံသူက အထက်ပါအတိုင်း ကတိပြုရမယ်။ မြေငှါးဂရန်စာချုပ် မိတ္တူကို မူလအမည်ပေါက်ဖြင့်ပင် ထုတ်ပေးပါတယ်။ မြေငှါး ဂရန်မိတ္တူထုတ်ပေးရာမှာ မြေယာဌာနက အောက်ပါအတိုင်းဆောင်ရွက်ပေးပါတယ်။

ဆောင်ရွက်ပုံအဆင့်ဆင့်
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
သတ်မှတ်ထားသော ပုံစံကို အိမ်ဂရန်ပျောက်လျင် ရန်ကုန်မြို့တော်ခန်းမ မြေယာဌာန သွားရမယ်။

စက်မှုဂရန်ပျောက်ဆုံးပါက မြို့ပြနှင့်အိမ်ရာ ဖွံ့ဖြိုးရေး ဦးစီးဌာန (မြေနှင့်အခွန်) ဌာနတို့မှာ ပုံစံဝယ်ယူပြီး ယင်းပုံစံမှာ ဖြည့်သွင်းရပါတယ်။

အထက်မှာ ဖော်ပြခဲ့တဲ့ သက်ဆိုင်ရာစာချုပ်စာတမ်း အထောက်အထားများကို တင်ပြရမယ်။ သတ်မှတ်ထားတဲ့ စာရွက်စာတမ်းများ ပြည့်စုံမှုရှိ မရှိ သက်ဆိုင်ရာမြေငှါးဂရန် မိတ္တူ လျှောက်တဲ့ မြို့နယ်က ဌာနစုမှူးက မှန်ကန်မှုရှိ မရှိ မူရင်းများနှင့် တိုက်ဆိုင်စစ်ဆေးကြည့်ပါတယ်။ မှန်ကန်မှုရှိရင် မူရင်းများကို ပြန်ပေးပြီး အမှုတွဲကို လက်မှတ်ထိုးပြီး လက်ခံပါတယ်။

သက်ဆိုင်ရာ ရပ်ကွက်အုပ်ချုပ်ရေးမှူးရုံးနဲ့ မြို့နယ် အထွေထွေအုပ်ချုပ်ရေးမှူးရုံးတို့မှာ ကြော်ငြာကပ်ရမယ် ကန့်ကွက်ရန် ရှိ မရှိ ကြော်ငြာစာရွက် (၄)ရွက်ကိုပါ တစ်ပါတည်းထည့်ပေးလိုက်ပါတယ် ။ သက်ဆိုင်ရာ ရပ်ကွက် အုပ်ချုပ်ရေးမှူးနဲ့ မြို့နယ်အထွေထွေ အုပ်ချုပ်ရေးမှူးတို့က လက်ခံရရှိကြောင်း လက်မှတ်ရေးထိုးပြီး စည်းတံဆိပ်နှိပ်ပေးပါလိမ့်မယ်။

စာရွက် (၄) ရွက်ကတော့ မိမိလက်ခံက တစ်စောင် ၊ ရပ်ကွက်ရုံးတစ်စောင် နှင့် မြို့နယ် အထွေထွေအုပ်ချုပ်ရေးမှူးရုံးမှာ ကြော်ငြာကပ်ဖို့ (တစ်စောင်) ရန်ကုန်မြို့တော်စည်ပင်မြေယာဌာနကို ပြန်ပို့ပေးရမယ့် ရပ်ကွက်အုပ်ချုပ်ရေးမှူး ၊ မြို့နယ်အထွေထွေအုပ်ချုပ်ရေးမှူးတို့က စည်းတံဆိပ်နဲ့ လက်မှတ်ပါတဲ့ ကန်ကွက်နိုင်ကြောင်း တစ်စောင် ဖြစ်ပါတယ်။ လက်မှတ်ထိုးပြီး ကြော်ငြကို (၇) ရက်ပြည့်ရင် မြို့တော်ခန်းမ မြေယာဌာနကို ပြန်ပို့ရပါတယ်။

ကြေးမုံ/ မြန်မာ့အလင်း သတင်းစားများတွင် (၇)ရက်အတွင်း ကန့်ကွက်နိုင်ကြောင်း ကြော်ငြာပေးခြင်း ကို ပြုလုပ်ရပါတယ်။ မြေယာဌာနက မြေတိုင်းဆင်းပြီး ကွင်းဆင်းကြည့်ရှုမယ်။ မြေပြင်တွေ့ရှိချက်နဲ့ လျှောက်ထားမှုက မှန်ကန်မှုရှိ မရှိ အဆင့်ဆင့်တင်ပြပါတယ်။ နေ့စဉ်ထုတ်မြန်မာ့အလင်းနဲ့ ကြေးမုံသတင်းစာတို့မှာလည်း မြေငှါးဂရန် မိတ္တူလျှောက်ထားမှုနဲ့ ပတ်သတ်လို့ ကန့်ကွက်သူ ရှိမရှိ ကြော်ငြာပေးရပါတယ်။ ကန့်ကွက်သူရှိမရှိ စောင့်ကြည့်ရပါတယ်။ တရားရုံးတွင် အမှုအခင်းများ ကင်းရှင်းပြီး မြေပြင်တွင် ပြဿနာတစ်စုံတစ်ရာမရှိပါက သတ်မှတ်ဝန်ဆောင်ခ ပေးသွင်းရပါတယ်။

ကန့်ကွက်သူမရှိရင် မြေငှါးဂရန် မိတ္တူထုတ်ပေးဖို့ အဆင့်ဆင့်ဆောင်ရွက်ပေးပါတယ်။ ကန့်ကွက်သူရှိရင်လည်း ဘာကြောင့်ကန့်ကွက်ရကြောင်း အထောက်အထားခိုင်လုံစွာနဲ့ မြို့တော်ခန်းမမှာ လာရောက် လျှောက်ထားရပါတယ်။ လိုအပ်ရင် မြေယာ ဌာနမှူးက နှစ်ဘက်ခေါ်ယူတွေ့ဆုံ ညှိနှိုင်းဆောင်ရွက်ပေးပါတယ်။ ဒါကြောင့် ရန်ကုန်စည်ပင်သာယာ မြေနည်းဥပဒေ အပိုဒ် (၂၅) အရ ကန့်ကွက်ရန်ကြော်ငြာ တစ်လထုတ်ရခြင်း ဖြစ်ပါတယ်။

တိုက်ဆိုင်စစ်ဆေးပြီး ဂရန်ထုတ်ပေးခြင်း
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
(က) တစ်လထုတ်ပြန်ပြီးပါက မြေစာရင်းနှင့် လျှောက်ထားသူရဲ့ ပိုင်ဆိုင်မှု စာချုပ်စာတမ်းများ တိုက်ဆိုင်စစ်ဆေးခြင်း တရားရုံးက အနိုင်ရသူဖြစ်ပါက တရားရုံး အမိန့်ဒီဂရီ များနှင့် တိုက်ဆိုင် စစ်ဆေးခြင်း

(ခ) ၁၉၈၇ ခုနှစ် မရွှေ့ပြောင်းနိုင်သော ပစ္စည်းလွှဲပြောင်းကန့်သတ်သည့် ဥပဒေနှင့် ငြိစွန်းမှု ရှိ/ မရှိ စစ်ဆေးခြင်း။

(ဂ) ပြည့်စုံမှန်ကန်ပါက ရန်ကုန်မြို့တော်စည်ပင်သာယာရေးကော်မတီ ၊ ဂရန်ထုတ်ပေးရေး ဘုတ်အဖွဲ့သို့ တင်ပြရပါတယ်။ ပြည့်စုံမှန်ကန်ကြောင်း ဘုတ်အဖွဲ့က ခွင့်ပြုချက်ရရှိရင် မြေငှါးဂရန် စာချုပ်မိတ္တူ ထုတ်ပေးနိုင်ရန် ဌာနတွင် သတ်မှတ်သည့် မြေငှါးခငွေ ပေးသွင်းပြီးရင် မြေငှါးဂရန် မိတ္တူ ထုတ်ယူလို့ရပါပြီ။

ဒါကြောင့် မြေငှါးဂရန် ပျောက်ရင် ရန်ကုန်မြို့တော်စည်ပင်သာယာရေးကော်မတီ မြို့ပြမြေစီမံခန့်ခွဲမှု ဌာနနှင့် ရန်ုကုန်/ နေပြည်တော် မြို့ပြနှင့် အိမ်ရာဖွံ့ဖြိုးရေး ဦးစီးဌာနတို့မှာ မြေငှါးဂရန်မိတ္တူကို ကိုယ်တိုင်သွားရောက်လျှောက်လို့ရပါပြီ။

✍စာဖတ်သူပရိသတ်များ မြေငှါး (ဂရန်) မိတ္တူမှန် လက်ဝယ်ကိုင်ပြီး ပျော်ရွှင်နိုင်ကြပါစေ ✍

Credit​ to လွှတ်တော်ရှေ့နေမောင်ကောင်းဖေ

#အိမ်ခြံမြေစာချုပ်စာတမ်း
#အိမ်ခြံမြေဗဟုသုတ

နှစ်သစ် ဆုတောင်း💚

၁၃၈၈ ခုနှစ်၊ မြန်မာနှစ်သစ်ကူး အခါသမယမှာ...
ကပ်ကြီးသုံးပါး၊ ဘေးဆိုးအန္တရာယ်အပေါင်းတို့မှ ကင်းဝေးကြပြီး စိတ်၏ချမ်းသာခြင်း ကိုယ်၏ကျန်းမာခြင်းတို့နဲ့ ပြည့်စုံကြပါစေ။
🍀🍀🍀🍀🍀

စီးပွားတွေဒီရေအလားတိုးတက်နိုင်ပါစေ 🍀❤️

နှစ်ဟောင်းက အညစ်အကြေးတွေ အားလုံးကို ဆေးကြောသန့်စင်ပြီး နှစ်သစ်မှာ လိုအင်ဆန္ဒတွေ တစ်လုံးတစ်ဝတည်း ပြည့်စုံနိုင်ကြပါစေကြောင်း
YLP Team မိသားစုမှ ဆုမွန်ကောင်း တောင်းပေးလိုက်ပါတယ်ရှင့်😘😘😘😘😘