Winner Remain

တန်းတက်အသင်းဟားစီးတီးကို ရာသီအဖွင့်မှာ အရှုံးပေးခဲ့ရတဲ့ မန်ယူ

ဟားစီးတီး ၂-၀ မန်ယူ

ဒီနေ့ပွဲမှာ မန်ယူအသင်းရဲ့ နောက်တန်းနဲ့ ကွင်းလယ်အမှားများနေတာတွေ့ရတယ်။ ဒရိုဂူကို ပထမပိုင်းအပြီးမှာ ရပ်ရှ်ဖို့ဒ်နဲ့ လူစားလဲခဲ့တယ်။ ရပ်ရှ်ဖို့ဒ် ခြေစွမ်းသိပ်မပြနိုင်ပေမဲ့ ရုန်းအား ပြေးအားက ကောင်းတြန်းပါ။ မန်ယူကစားကွက်နဲ့ အသားကျဖို့ နည်းနည်းလိုသေးတယ်လို့မြင်တယ်။ နွေရာသီတုန်းက ထွက်ခွါသွားတဲ့ ကက်စမဲရိုးနေရာက်ို အစားထိုးခေါ်ယူထားတဲ့ ဆန်းတို့စ်ရော တယ်လီမန်းပါ မန်ယူကစားဟန်နဲ့ အဆင်မပြေတာကိုတွေ့ရတယ်။ တန်းတက်အသင်းကို ရှုံးနိမ့်ခဲ့တာကြောင့် ကာရစ်အတွက်တော့ အရင်မန်ယူနည်းပြတွေလိုပဲ ဖြစ်လာတော့မလားဆိုတာတော့ ဆက်လက်စောင့်ကြည့်ရပါမယ်။

Photo CRD

ပထမပိုင်းအပြီး တန်းတက် ဟားစီးတီးကို ၂ ဂိုးပြတ်နဲ့ရှုံးနိမ့်နေတဲ့ မန်ယူ

Photo Crd

FFE အစီအစဉ် ပျက်ပြားပြီးနောက် ဖီဖာဥက္ကဋ္ဌ အင်ဖန်တီနိုအပေါ် ထောက်ခံမှုများ ဆက်တိုက်ရုပ်သိမ်းခံနေရ

ဖီဖာဥက္ကဋ္ဌ ဂျီယန်နီ အင်ဖန်တီနို၏ ဖီဖာစီးပွားရေးလုပ်ငန်းရှယ်ယာများကို ပုဂ္ဂလိကရင်းနှီးမြှုပ်နှံသူများထံ ရောင်းချမည့် FIFA Forward Enterprises (FFE) အစီအစဉ် ပျက်ပြားသွားပြီးနောက် လာမည့်ရွေးကောက်ပွဲအတွက် ၎င်းအပေါ် ထောက်ခံမှုများကို နိုင်ငံတကာဘောလုံးအဖွဲ့ချုပ်များက ပြန်လည်ရုပ်သိမ်းလာကြသည်။

အင်ဖန်တီနိုသည် ဖီဖာ၏ စီးပွားရေးနှင့် ပွဲစဉ်လုပ်ငန်း ရှယ်ယာ ၂၁ ရာခိုင်နှုန်းကို အမေရိကန်သမ္မတဟောင်း ထရမ့်၏ သမက်ဖြစ်သူ ဂျရတ် ကွတ်ရှ်နာ၏ ညီဖြစ်သူ ဂျော့ရှ် ကွတ်ရှ်နာ ပိုင်ဆိုင်သော ရင်းနှီးမြှုပ်နှံမှုကုမ္ပဏီထံ ဒေါ်လာ ၄.၂ ဘီလီယံဖြင့် လျှို့ဝှက်ရောင်းချရန် ကြိုးပမ်းခဲ့သည်။ ဤကိစ္စကို ဥရောပဘောလုံးအဖွဲ့ချုပ် (UEFA) အပါအဝင် ဘောလုံးလောကတစ်ခုလုံးက ပြင်းပြင်းထန်ထန် ကန့်ကွက်ခဲ့ကြပြီး၊ အစီအစဉ်ကို မဖျက်သိမ်းပါက ကမ္ဘာ့ဖလားကို သပိတ်မှောက်မည်ဟု ခြိမ်းခြောက်သည်အထိ အခြေအနေ ဆိုးရွားခဲ့သည်။ ဖီဖာ၏ တာဝန်ရှိသူတစ်ဦးကပင် ၎င်းသည် "လူတစ်ယောက်တည်း၏ ပရောဂျက်" ဟု ဝေဖန်ခဲ့ရာ အင်ဖန်တီနိုသည် ပြီးခဲ့သည့် သောကြာနေ့တွင် ဤအစီအစဉ်ကို ဖျက်သိမ်းခဲ့ရသည်။

အစီအစဉ် ဖျက်သိမ်းလိုက်သော်လည်း အင်ဖန်တီနို၏ ခေါင်းဆောင်မှုအပေါ် ယုံကြည်မှု ကျဆင်းသွားခဲ့သည်။ ထို့ကြောင့် အင်္ဂလန် (FA)၊ ဝေးလ်စ် (FAW) နှင့် ဆားဘီးယား (FSS) ဘောလုံးအဖွဲ့ချုပ်တို့က လာမည့် ၂၀၂၇ ရွေးကောက်ပွဲတွင် ၎င်းအား ထောက်ခံမည့် ကတိကဝတ်များကို တရားဝင် ရုပ်သိမ်းလိုက်ပြီဖြစ်သည်။ ဥရောပရှိ အခြားနိုင်ငံများကလည်း ဤအတိုင်း ဆက်လက်လုပ်ဆောင်လာဖွယ်ရှိသည်။ အင်ဖန်တီနို၏ မိခင်နိုင်ငံဖြစ်သော ဆွစ်ဇာလန်ကပင် ၎င်းအား မျက်စိစုံမှိတ် ထောက်ခံတော့မည်မဟုတ်ဘဲ လက်ရှိအခြေအနေများကို စောင့်ကြည့်ပြီးမှ ဆုံးဖြတ်မည်ဟု ဆိုသည်။

ယခင်က အင်ဖန်တီနိုသည် နိုင်ငံပေါင်း ၂၁၁ နိုင်ငံအနက် ၂၀၀ ကျော်၏ ထောက်ခံမှုဖြင့် ပြိုင်ဘက်မရှိ ဆက်လက်အရွေးခံရရန် ရှိနေခဲ့သည်။ သို့သော် ယခုအခါ မြောက်အမေရိကတိုက် (Concacaf) ဘက်မှ နိုင်ငံများကလည်း ၎င်းအပေါ် ယုံကြည်မှု လျော့ကျလာနေသည်။ လက်ရှိ ဖီဖာဒုဥက္ကဋ္ဌ ဗစ်တာ မွန်တက်ဂလီယာနီ (Victor Montagliani) ကလည်း ဥက္ကဋ္ဌနေရာအတွက် ဝင်ရောက်ယှဉ်ပြိုင်ရန် အလေးအနက် စဉ်းစားနေပြီဖြစ်သည်။

အင်ဖန်တီနို၏ ပွင့်လင်းမြင်သာမှုမရှိသော ဆုံးဖြတ်ချက်တစ်ခုကြောင့် ကမ္ဘာ့ဘောလုံးလောက၏ ယုံကြည်မှုကို ဆုံးရှုံးခဲ့ရပြီး လာမည့်သက်တမ်းအတွက် ၎င်း၏ ဖီဖာဥက္ကဋ္ဌနေရာသည် ကြီးမားသော ခြိမ်းခြောက်မှုများနှင့် ရင်ဆိုင်နေရပြီဖြစ်သည်။

မူဒရစ်ရဲ့ တားဆီးမြစ်ဆေးကြောင့် ၄ နှစ်ပွဲပယ်ပြစ်ဒဏ်ကို FA ရုတ်သိမ်း

ချဲလ်ဆီးတောင်ပံကစားသမား မီခိုင်းလို မူဒရစ်ဟာ တားမြစ်ဆေး (Meldonium) သုံးစွဲမှု စွဲချက်နဲ့ ၂၀၂၄ ခုနှစ် ဒီဇင်ဘာလကတည်းက ယာယီပွဲပယ်ခံခဲ့ရပြီး နောက်ပိုင်းမှာ ၄ နှစ်အထိ ပွဲပယ်ပြစ်ဒဏ် ချမှတ်ခံခဲ့ရပါတယ်။ အဲဒီနောက်မှာတော့ ကစားသမားဘက်က အားကစားခုံသမာဓိရုံး (CAS) ထံ အယူခံဝင်ခဲ့ပါတယ်။
ယခုအခါမှာတော့ ကမ္ဘာ့တားမြစ်ဆေးတိုက်ဖျက်ရေးအေဂျင်စီ (WADA) ရဲ့ စည်းမျဉ်းသစ်တွေ ပြောင်းလဲသတ်မှတ်လိုက်တဲ့အတွက် မူဒရစ်ဆီကနေ တွေ့ရှိခဲ့တဲ့ ဆေးပမာဏဟာ အရေးယူရလောက်တဲ့ ပမာဏမျိုး (Positive) မဟုတ်တော့ပါဘူး။ ဒါကြောင့် အင်္ဂလန်ဘောလုံးအဖွဲ့ချုပ် (FA) က သူ့အပေါ်ချမှတ်ထားတဲ့ ပွဲပယ်ပြစ်ဒဏ်ကို တရားဝင် ပြန်လည်ရုပ်သိမ်းပေးလိုက်ပြီ ဖြစ်ပါတယ်။
မူဒရစ်အနေနဲ့ တားမြစ်ဆေးကို တမင်ရည်ရွယ်သုံးစွဲခဲ့တာ မဟုတ်ဘူးလို့ အစကတည်းက ရပ်တည်ခဲ့တာပါ။ ပြစ်ဒဏ်ကင်းလွတ်သွားပြီဖြစ်တဲ့အတွက် သူဟာ ဘောလုံးပွဲစဉ်တွေမှာ ချက်ချင်း ပြန်လည်ကစားခွင့်ရရှိပြီဖြစ်ပြီး၊ လက်ရှိ ဟောင်ကောင်ကို ရောက်ရှိနေတဲ့ ချဲလ်ဆီးလူစာရင်းဆီကို သွားရောက်ပူးပေါင်းတော့မှာ ဖြစ်ပါတယ်။