Mobile Guide Journal

အာကာသ ဝတ်စုံ အတွင်းဒီဇိုင်းကို ပြသခဲ့တဲ့ Prada

အာကာသလုပ်ငန်း တစ်ခုဖြစ်တဲ့ Axiom Space နဲ့ နာမည်ကျော် ဖက်ရှင် အမှတ်တံဆိပ် တစ်ခုဖြစ်တဲ့ Prada တို့ ပူးပေါင်းပြီးယမန်နေ့တုန်းက နယူးယောက်မြို့မှာ ပွဲတစ်ခု ပြု လုပ်ခဲ့ပါတယ်။ အဲဒီ ပွဲမှာ အာကာသ ဝတ်စုံ ဒီဇိုင်းအကြောင်းကို ရှင်းလင်းပြောပြခဲ့ပါတယ်။ Axiom Space နဲ့ Prada တို့ ပူးပေါင်းဖန်တီးထားတဲ့ အာကာသ ဝတ်စုံဟာ ဝတ်ဆင်သူရဲ့ အပူချိန်ကို ထိန်းပေးရုံသာမက သက်သောင့်သက်သာဖြစ်အောင်လည်း ဆောင်ရွက်ပေးထားပါတယ်။ဝတ်စုံမှာ ပြွန်လေးတွေပါရှိကာ ရေအေးတွေက လှည့်ပတ်စီးဆင်းပေးနေပါမယ်။

စက်ရုပ် အက-န်ခံရတဲ့ ကလေးငယ်

တ-ရုတ် နိုင်ငံ Xinjiang က လှည့်လည်ပွဲ တစ်ခုမှာ လူတူစက်ရုပ်တစ်ရုပ်ဟာ အပြာရောင် ဆံပင်တုကို တပ်ကာ ကွန်ဖူး စကေးတွေ ပြသခဲ့ပါတယ်။ အဲဒီ မှာ ကလေးငယ်တစ်ယောက်ဟာ လူအုပ်ကြားထဲကနေ အနည်းငယ် ရှေ့ရောက်နေခဲ့ပါတယ်။ စက်ရုပ်ဟာ ကလေးရဲ့ အနားရောက်ချိန် သိုင်းကွက်ပြသရင်း ကလေး ဗိုက်ကို က-- န်မိသွားပါတယ်။ ကလေးလည်း န-- ာကျ---င်မှုဒဏ်ကို ခံစားသွားရပါတယ်။ ကံကောင်းတာက ကလေး ဟာ ပြင်းပြင်းထန်ထန် ဒဏ်ရာမရခဲ့ပါဘူး။ စက်ရုပ်ထိန်းချုပ်သူတွေလည်း ချက်ချင်းဆိုသလို စက်ရုပ်ကို ဟန်ချက်ညီအောင် ပြန်ထိန်းခဲ့ရပါတယ်။ ခုခေတ်မှာ စက်ရုပ်တွေကိုလည်း သတိထားဖို့ လိုနေပါပြီ။

အာရှ ရဲ့ ဒုတိယ အချမ်းသာဆုံးသူ ဖြစ်လာတဲ့ TikTok တည်ထောင်သူ

ByteDance co-founder ဖြစ်သူ Zhang Yiming ဟာ အာရှ တိုက်မှာ ဒုတိယ အချမ်းသာဆုံးသူဖြစ်လာကာ တ- ရုတ် နိုင်ငံမှာ တော့ အချမ်းသာဆုံး သူအဖြစ် မှတ်တမ်း ဝင်ထားပါပြီ။ ByteDance ရဲ့ video app TikTok ဟာ လစဉ်တိုင်းမှာ သုံးစွဲသူတွေ ပိုတိုးလာနေကာ အခုဆိုရင် သူ့ရဲ့ ပိုင်ဆိုင်မှုက US$92.8 billion အထိ ဖြစ်လာပါပြီ။ အာရှ တိုက်ရဲ့ အချမ်းသာဆုံး ပထမ နဲ့ တတိယ နှစ်ယောက်ကတော့ အိန္ဒိယ က ဖြစ်ကာ သူတို့တွေဟာ တခြား စီးပွားရေး နယ်ပယ်က ဖြစ်ပါတယ်။အာရှ တိုက်မှာ လက်ရှိ အနေအထားအရ နည်းပညာလုပ်ငန်း နဲ့ ပတ်သက်လို့ အချမ်းသာဆုံး ဖြစ်လာတဲ့ သူက Zhang Yiming ပဲ ရှိပါသေးတယ်။

Tesla ရဲ့Autopilot စနစ်က ကားကို ရေကန်ထဲကျစေကာ မောင်းသူ 6-သ ဆုံ-း ခဲ့

Florida က အသက် ၈၇ နှစ်အရွယ် အဘိုးအိုဟာ Tesla Model Y ကားကို မောင်းနှင်စဉ် Autopilot စနစ်နဲ့ မောင်းခဲ့ပြီး အဲဒီ နောက် ကားဟာ လမ်းပေါ်ကနေ ချော်ထွက်l လမ်းဘေးက လျှပ်စစ်ဘုံးကိုဝင်တိုက် ပြီး ရေကန်ထဲ ကျခဲ့ကာ အဲဒီ အဘိုးအိုလည်း 6-သ ဆုံ-း ခဲ့ ပါတယ်။ အဘိုးအိုဟာ ဒဏ်ရာတွေ ရပြီး ဆေးရုံ ရောက်မှ ဆုံ-း ခဲ့တာပါ။ အတူလိုက်ပါစီးနင်းတဲ့ ၇၅ နှစ်အရွယ် အဘွားကတော့ အသက်ရှင်ခဲ့ပါတယ်။ကားမတော်တဆမှုက Wesley Chapel မှာ ဖြစ်ခဲ့ကာ အဲဒီ နေရာမှာ သတ်မှတ်ထားတဲ့ ကားမောင်းရမယ့် နှုန်းကတော့ 30 mph ဖြစ်ပါတယ်။ ကားက ဘယ်လောက် နှုန်းနဲ့ မောင်းခဲ့လဲ ဆိုတာနဲ့ အခြား အကြောင်းအရာတွေကို စုံစမ်းစစ်ဆေးနေဆဲ ဖြစ်ပါတယ်။

Facebook ကို တရားစွဲမယ့် ထိုင်းစားသုံးသူများကောင်စီ

Facebook အသုံးပြုသူများကို လိမ်လည်နေတဲ့ ကြော်ငြာတွေ l အွန်လိုင်းပေါ်က ပစ္စည်းအတုအပ ရောင်းချနေမှုတွေနဲ့ တခြားနစ်နာအောင်လုပ်နေတဲ့ အကောင့်တွေ စာမျက်နှာတွေကို Meta အနေနဲ့ ထိရောက်အောင်မကာကွယ်ပေးလို့ ထိုင်းစားသုံးသူများကောင်စီက Facebook နဲ့ ပတ်သက်လို့ တရားစွဲဖို့ ပြင်ဆင်နေပါပြီ။ Meta ကို ထိုင်းဘက်က တရားစွဲတာဟာ အခုအကြိမ်က ပထမဆုံး ဖြစ်ပါတယ်။ ထိုင်းမှာ Facebook သုံးသူ 51 သန်း ဝန်းကျင်ရှိပါတယ်။ Facebook နဲ့ ပတ်သက်လို့ ကောင်စီ ဆီကို တိုင်ကြားတဲ့ အမှုအရေအတွက်ဟာ 2024 ခုနှစ် ကနေ 2026 ခုနှစ်အတွင်းမှာ 3800 ဝန်းကျင်ရှိပါတယ်။ လာမယ့် ၈ ရက်နေ့မှာ အမှုကိစ္စ ကို စတင်မှာ ဖြစ်ပါတယ်။

မြန်မာနိုင်ငံရဲ့ စိုးရိမ်ဖွယ် ကျန်းမာရေး တစ်ရပ်အဖြစ် ဆက်လက်တည်ရှိနေတဲ့ သွေးတိုးရောဂါ

မြန်မာနိုင်ငံမှာ အရွယ်ရောက်ပြီးသူ ၃ ယောက် မှာ ၁ ယောက်ဟာ သွေးတိုးရောဂါ ခံစားနေရတယ်လို့ ခန့်မှန်းထားပါတယ်။ ဒါပေမယ့် လူအတော်များများက ကျန်းမာရေးအသိ အားနည်းတာနဲ့ ပုံမှန်ကျန်းမာရေးစစ်ဆေးမှု မပြုလုပ်တာတွေကြောင့် ကိုယ့်ကိုယ်ကိုယ် သွေးတိုးရှိနေကြောင်း မသိကြပါဘူး။မြန်မာနိုင်ငံမှာ သွေးတိုးရောဂါကို အချိန်မီ သိရှိပြီး ထိန်းချုပ်ကုသနိုင်ဖို့အတွက် အခြေခံ ကျန်းမာရေးဝန်ဆောင်မှုတွေနဲ့ လူထုအခြေပြု ရောဂါရှာဖွေစစ်ဆေးရေး အစီအစဉ်တွေကို ကမ္ဘာ့ကျန်းမာရေးအဖွဲ့ (WHO) ရဲ့ ပံ့ပိုးကူညီမှုနဲ့အတူ တိုးမြှင့်လုပ်ဆောင်နေပြီ ဖြစ်ပါတယ်။ ကျန်းမာရေးစောင့်ရှောက်မှုဆိုင်ရာ ဖြေရှင်းချက်တွေ ပံ့ပိုးပေးနေတဲ့ Zuellig Pharma အနေနဲ့ သွေးတိုးရောဂါနဲ့ ပြင်းထန်နောက်ဆက်တွဲ ကျန်းမာရေးပြဿနာတွေကို ဖြေရှင်းဖို့ အရေးကြီးတယ်ဆိုတာ သိရှိနားလည်ထားပါတယ်။ ကျန်းမာရေးစောင့်ရှောက်မှုဆိုင်ရာ အဖွဲ့အစည်းတစ်ခုအနေနဲ့ လက်ခံထားတဲ့ ခံယူချက်က ကျန်းမာရေးစောင့်ရှောက်မှုဆိုတာ ဆေးဝါးသပ်သပ် မဟုတ်ဘဲ ပြည်သူတွေအနေနဲ့ ကိုယ့်ရဲ့ ကျန်းမာရေးအန္တရာယ်တွေကို အချိန်မီ နားလည်သဘောပေါက်ပြီး ရောဂါအခြေအနေ မပြင်းထန်လာခင်မှာတင် လိုအပ်တဲ့ ဆေးကုသမှုခံယူနိုင်ဖို့ ကူညီပေးခြင်းဖြစ်ပါတယ်။
ကြိုတင်ကာကွယ်ရမယ့် နည်းလမ်းတွေကတော့
• သွေးပေါင်ချိန်ကို ပုံမှန်တိုင်းတာ စစ်ဆေးတာ
• အငံ အလွန်အကျွံစားသုံးမှုကို ဆင်ခြင်တာနဲ့ ကျန်းမာမျှတတဲ့ အစာအာဟာရတွေကို စားသုံးတာ
• တက်ကြွတဲ့ ကိုယ်လက်လှုပ်ရှားမှု ရှိတာ
• စိတ်ဖိစီးမှု လျော့ချပြီး လုံလောက်စွာ အိပ်စက်အနားယူတာ
• ကျန်းမာရေးဆိုင်ရာ အကြံပြုချက်တွေကို အချိန်မီရယူတာတွေ အပြင် လိုအပ်မယ်ဆိုရင် ဆရာဝန်ညွှန်ကြားချက်တွေအတိုင်း ကုသမှုတွေ လိုက်နာဆောင်ရွက်တာတို့ ပါဝင်ပါတယ်။
သွေးတိုးရောဂါကို ကာကွယ်နိုင်ဖို့က ကျန်းမာရေးဗဟုသုတရှိမှုက စတင်ပါတယ်။ ရောဂါ အချိန်မီ ရှာဖွေတွေ့ရှိမှုကစလို့ တိကျသေချာတဲ့ ကျန်းမာရေးဆိုင်ရာ ဆုံးဖြတ်ချက်တွေနဲ့ အားလုံးပူးပေါင်းပါဝင်မှုကနေတစ်ဆင့် မြန်မာနိုင်ငံအနေနဲ့ မကူးစက်နိုင်တဲ့ ရောဂါ (NCDs) တွေရဲ့ ရေရှည်ကျန်းမာရေးဆိုးကျိုးတွေကို လျှော့ချဖို့အတွက် ဆက်လက် အောင်မြင်အောင် လုပ်ဆောင်သွားနိုင်မှာ ဖြစ်ပါတယ်။

လူတူစက်ရုပ် ရောင်းချဖို့ အားစိုက်ထုတ် လုပ်ဆောင်မယ့် BYD

EV ကား ထုတ်ရောင်းတဲ့ အပိုင်းမှာ နာမည်ရှိတဲ့ BYD ဟာ လူတူစက်ရုပ် ထုတ်လုပ်ရောင်းချတဲ့ အပိုင်းကိုလည်း အားထည့်လုပ်ဆောင်ပါတော့မယ်။ ဒါကြောင့် လူတူစက်ရုပ်ထုတ်လုပ်ဖို့ အတွက် ကမ္ဘာတစ်ဝှမ်းက ကျွမ်းကျင်ပညာရှင်တွေကို အလုပ်ခန့်တော့မှာ ဖြစ်ပါတယ်။ လူတူစက်ရုပ် ထုတ်လုပ်ရောင်းချဖို့ အတွက် BYD ဟာ ရှိပြီးသား ဈေးကွက် ဆိုင်ရာ အရောင်းကိုယ်စားလှယ်တွေ အပြင် အခြား လုပ်ငန်းစုတွေနဲ့ လည်း ပူးပေါင်း လုပ်ဆောင်နိုင်ပါတယ်။

လောင်စာ တစ်လီတာ နဲ့ 911 km အကွာအဝေးကို မောင်းနိုင်မယ့် မော်တော်ယာဉ်

အမေရိကန် Brigham Young တက္ကသိုလ်က ကျောင်းသားတွေ တီထွင်ထားတဲ့ အဲဒီ ယာဉ်ဟာ 49 kg အလေးချိန်ပဲ ရှိကာ လောင်စာ တစ်လီတာကို 911 km အကွာအဝေးလောက်အထိ မောင်းနိုင်ပါမယ်။ တစ်ယောက်တည်း စီးလို့ရမယ့် ယာဉ် ဖြစ်ကာ carbon fiber နဲ့ အဓိက တည်ဆောက်ထားပါတယ်။ အမြန်ဆုံး မောင်းနိုင်မယ့် နှုန်းကတော့ 37 km/h ဖြစ်ပါတယ်။

ထိုင်းနိုင်ငံရှိ TrueMoney Wallet မှ မြန်မာနိုင်ငံရှိ KBZPay Wallet သို့မဟုတ် KBZ Bank အကောင့်များသို့ တိုက်ရိုက်ငွေလွှဲနိုင်မည်

ထိုင်းနိုင်ငံရှိ TrueMoney Wallet မှ မြန်မာနိုင်ငံရှိ KBZPay Wallet သို့မဟုတ် KBZ Bank အကောင့်များသို့ တိုက်ရိုက်ငွေလွှဲနိုင်မည်ဖြစ်ပါသည်။TrueMoney Wallet၊ KBZPay နှင့် ကမ္ဘောဇဘဏ် အကောင့်များကြား တိုက်ရိုက်ချိတ်ဆက်မှုမှတစ်ဆင့် မိသားစုများအကြား ငွေကြေးထောက်ပံ့မှုနှင့် ချိတ်ဆက် ပေါင်းစည်းမှုများကို ပိုမိုကောင်းမွန်စေမှာ ဖြစ်ပါသည်။ အဆိုပါဝန်ဆောင်မှုအသစ်သည် မြင့်မားသော လုံခြုံရေး၊ အချိန်နှင့်တစ်ပြေးညီ ငွေလွှဲနိုင်မှုနှင့် သုံးစွဲသူများအတွက် လွယ်ကူရိုးရှင်းသော လုပ်ငန်းစဉ်များ စသည့် အကျိုးကျေးဇူးများကို ပေးစွမ်းနိုင်မည်ဖြစ်ပါသည်။

ရုပ်ရှင်ရုံ အိမ်သာ ကြမ်းပြင်က TV မျက်နှာပြင်

ရုပ်ရှင်သွားကြည့်တဲ့အခါ ဇာတ်လမ်းပြနေချိန် မတတ်သာလို့ အိမ်သာခဏသွားရတဲ့အခါ ဇာတ်ကွက်အချို့ လွတ်သွားပါတယ်။ အိမ်သာကပြန်လာချိန် ဇာတ်လမ်းဘာဖြစ်သွားလဲ ဆိုတာ အပေါင်းအသင်းတွေကို မေးရတာမျိုး ရှိပါတယ်။ အဲဒီလို အနေအထားမျိုးတွေကို အထိုက်အလျောက် ဖြေရှင်းပေးနိုင်ဖို့ အတွက်ဆွစ်ဇာလန်နိုင်ငံက အဆင့်မြင့် ဇိမ်ခံ ရုပ်ရှင်ရုံ အချို့ကတော့ အိမ်သာကြမ်းပြင်မှာ screen တပ်ဆင်ပေးထားပါတယ်။ ဒါကြောင့် အိမ်သာထဲ ရောက်နေလည်း ဇာတ်ကွက် အချို့ကို မလွတ်ဘဲ ကြည့်ရှုနိုင်ပါမယ်။ အချို့ အိမ်သာထဲက screen တွေဟာ ရုံထဲက ဇာတ်လမ်းကို ပြပေးနေပေမယ့် အချို့ screen တွေကတော့ အချိန်အများစုမှာ ကြော်ငြာတွေကို ပြသနေတတ်ပါတယ်။