The BodyForge Human Performance Institute

Ħaġa li tinstema’ ovvja.

Imma l-ammont ta’ nies li jibqgħu jagħmlu l-istess ħaġa u jittamaw f’riżultat differenti hu TAL-BLIEGĦ.

Fiehmni waħda kif jekk ma tbiddel xejn f’li qed tagħmel, kif qed tippretendi li tinbidel xi ħaġa f’ħajtek.

Assolutament MA JISTAX IKUN.

Naf li l-bidla tbeżża'.

Però ibqgħu ċerti li n-nuqqas ta’ bidla, speċjalment meta tkun qiegħed f’ħofra f’ħajtek, hija ħafna aktar tal-biża'.

Għax din hi garanzija li int mhux talli se tibqa fejn dejjem kont, imma ħa tħaffer ħofra iżjed fonda.

Tajjar dik l-apatija minn hemm.

Xammar il-kmiem u EJJA ĦA NAĦDMU.

Mingħajr saħħtek M’INT XEJN.

Ara kemm jista' jkollok xinxilli f’ħajtek.

Ħwejjeġ, deheb, karozzi, vilel, dgħajjes – kemm trid hawn affarijiet materjali li huma assoċjati mas-suċċess illum.

U L-EBDA WAĦDA MINNHOM m’hi mportanti daqs saħħtek.

Għax meta timrad, KOLLOX tkun lest tagħti biex terġa' tiġi sewwa.

Nerġa' ngħidlek - mingħajr saħħtek M’INTI XEJN.

Hu ħsieb TIEGĦEK INNIFSEK jekk vera trid tieħu ħsieb min tħobb.

Qumu minn hemm u EJJA ĦA NAĦDMU.

M’hemmx fejn tinfixel.

Jekk ma taħsibx għal għada mill-llum, l-nkwiet se jiġri warajk.

Imma żomm f’moħħok li din ĦTIJA TIEGĦEK, u TIEGĦEK BISS.

Jekk fis-sajf ma tlestix għax-xitwa, ħsara se jkollok.

Jekk fiż-żmien il-ġid ma twarrabx xi ħaġa għal ġenb, x’ħin tiġi bżonn u tfittex, ma ssib xejn.

U bl-istess mod, jekk saħħtek ma taħsbilhiex illum għax trid int, għada se jkollok tagħmel li ma tridx bil-fors.

Affarijiet minn ewl id-dinja imma TAL-BLIEGĦ kemm hawn ma jagħtux każ.

Isimgħu minni u tagħmlux ċuċati llum li se tħallashom BIZ-ZALZA għada.

Qumu minn hemm u EJJA ĦA NAĦDMU.

Tinstema KONTRADIZZJONI hux?

Imma nwiegħdkom li M’HIJIEX.

It-tfal għandhom bżonn għeruq SODI f’ħajjithom.

Iridu PRINĊIPJI li għandhom valur dejjiemi minn kmieni kemm jista' jkun.

Għax x’ħin jgħaddu minn xi burraxka tal-ħajja, huma dawk il-prinċipji li ħa jankrawhom FIS-SOD.

U jridu ġwienaħ ħalli jkunu jistgħu jtiru minn fejn huma u jaslu fejn JISTĦOQQILHOM f’ħajjithom.

Mingħajr ma jinsew il-pedamenti ta’ karattru mibni fuq valuri vera li huma tant RARI llum.

ĦUDU ĦSIEBHOM lit-tfal.

Għax dawk IL-FUTUR TAGĦNA.

Qumu minn hemm u EJJA ĦA NAĦDMU.

Waħda mill-veritajiet IL-KBAR tal-ħajja din.

Hawn wisq nies iġibu ELF SKUŻA biex jevitaw li jagħmlu dak li hemm bżonn isir.

U dawn l-iskużi ilibbsuhom KULL TIP ta’ ħwejjeġ biex jidhru leġittimi.

Naf għax nisma' balla minnhom kulljum dal-kutrumbajsi mentali.

Sfortunatament, KULL SKUŻA li qed tgħid illum se JIDDISPJAĊIK GĦAL MEWT li għidtha.

Għax qed tisraqlek l-aktar ħaġa prezzjuża li għandek f’ħajtek.

SAĦĦTEK.

Tagħmilx żbalji llum li se tħallashom BIZ-ZALZA għada.

Qumu minn hemm u EJJA ĦA NAĦDMU.

Fl-għaqda hemm SAĦĦA KBIRA.

Meta int tkun parti minn grupp li qed jaħdem ma’ xulxin għal GĦAN WIEĦED, se ssib li ħa tasal ħafna aktar il-quddiem milli qatt tista' tasal waħdek,

Il-qawwa li hemm fl-unita mirakli tagħmel.

U din ħaġa li trid tesperjenzaha biex tifimha ta’ vera.

Tajjar kollox minn idejk, xammar il-kmiem u EJJA ĦA NAĦDMU.

Tħalluhomx jitnejjku bikom iżjed.

Il-kirurġija kożmetika llum saret parti minn ħajjitna.

U waħda mill-aktar proċeduri komuni hi t-tkabbir tas-sider.

Imma fil-waqt li dawn l-interventi saru ħaġa normali, ma jfissirx li m’għandhomx konsegwenzi.

Fil-fatt, hawn ħafna nisa li jkollhom il-problemi meta jagħmlu l-breast implants.

Problemi li f’ċerta każijiet jippersistu anke wara li jneħħuhom.

Dawn jinkludu infjammazzjoni, għejja, uġiegħ fil-ġogi, u problemi newroloġiċi, fost affarijiet oħrajn.

U fil-waqt li is-saline breast implants huma kkonsidrati li jikkawżaw inqas problemi mis-silicone implants, it-tnejn huma assoċjati ma’ breast implant-associated anaplastic large cell lymphoma (BIA-ALCL).

Dan apparti l-problemi mekkaniċi li jistgħu jiġru bħal capsular contracture, infezzjonijiet, bidliet fis-sensazzjoni fis-sider u anke fin-nippliet, jew meta jitħarrkulek jew jinfaqgħu l-implants.

Iġifieri meta tagħmel dil-proċedura, trid dejjem tibqa’ tagħmel kontrolli regolari biex tara li m’hemmx problemi.

Il-punt hu li minkejja li din hija proċedura komuni, tiġi b’ħafna riskji moħbija.

Kif dejjem ngħidilkom, aħjar minn naturali m’hemmx.

Għax it-tbagħbis man-Natura, ħafna drabi, nkwiet iġib.

Qumu minn hemm u EJJA ĦA NAĦDMU.

Meta ħa titgħallem tara affarik?

U mhux dejjem moħħok f’ta’ ħaddieħor.

Kullħadd għandu l-kapaċitajiet individwali tiegħu.

U ta’ ħadd m’huma l-istess.

Fejn kapaċi tasal int u fejn għandek tasal int huma kwalitajiet u għanijiet personali tiegħek.

U int dawk BISS trid iżżomm f’moħħok.

Għax jekk tipprova tagħmel bħal ħaddieħor biex timpressjona lil ħaddieħor, ħa tispiċċa tweġġa' u tkun iddiżappuntat għalxejn.

Iffoka fuqek innifsek u l-ħila tiegħek u tkun ĦAFNA aktar kuntent fil-ħajja.

Qumu minn hemm u EJJA ĦA NAĦDMU.