Iskcon Rampur Gaushala

गौसेवा भनेको केवल गाईको सेवा मात्र होइन, धर्म, प्रकृति र मानवताको सेवा पनि हो।

गौमाता

गौमाता! तिमी करुणाकी सागर,
स्नेह र ममताको पावन आगार।
निस्वार्थ भावले संसार पाल्छ्यौ,
मौन बनेर पनि प्रेम सिकाउँछ्यौ।

तिम्रो दूध अमृतसरि जीवनदाता,
गोबर–गोमूत्र प्रकृतिका रक्षक महान्।
हरियाली खेतका तिमी आधार,
समृद्ध गाउँका तिमी श्रृङ्गार।

ऋषि–मुनिले तिम्रो महिमा गाए,
वेद–पुराणले तिम्रो यश फैलाए।
जहाँ गौमाताको सम्मान हुन्छ,
त्यहाँ सुख, शान्ति र लक्ष्मी वास गर्छ।

श्रीकृष्णकी प्रिय, व्रजकी शान,
तिमीभित्र बस्छ दिव्य पहिचान।
गौसेवामा छ धर्मको सार,
मानव जीवनको यही आधार।

आऊँ, सबै मिली प्रण गरौँ,
गौरक्षाको दीप सधैं भरौँ।
गौमाताको रक्षा हाम्रो अभियान बनोस्,
हरेक हृदयमा दया, धर्म र प्रेम फैलियोस्।

व्रतहरूमा उत्तम यस पावन दिनमा लीलाधारी भगवान श्री कृष्ण र गौ माताको कृपा एवं आशीर्वाद तपाईं र तपाईंको परिवारमा सधैं रहिरहोस्। सुख, शान्ति र समृद्धिको मङ्गलमय कामना!

आज अक्षय तृतीया को पावन अवसरमा सम्पूर्ण गौ प्रेमीहरु लाई हार्दिक मंगलमय शुभकामना!
​अक्षय तृतीयालाई सनातन धर्ममा अत्यन्तै शुभ र 'अबूझ मुहूर्त' (कुनै पनि शुभ कार्यका लागि साइत हेर्नु नपर्ने दिन) मानिन्छ। यस विशेष दिनको धार्मिक र सांस्कृतिक महत्व
रहेको छ ।
​अक्षय फलको प्राप्ति: 'अक्षय' को अर्थ हुन्छ जसको कहिल्यै क्षय वा विनाश हुँदैन। आजको दिन गरिएका दान, जप र सत्कर्मको फल अनन्त र स्थायी हुने विश्वास गरिन्छ।
पौराणिक मान्यता अनुसार आजकै दिनबाट सतयुग र त्रेतायुगको सुरुवात भएको मानिन्छ।
भगवान विष्णुको छैटौं अवतारका रूपमा मानिने भगवान परशुरामको जन्म आजकै दिन भएको थियो।
​पवित्र नदिमा स्नान र दान: आजको दिन गंगा स्नान गर्नु दान गर्नु निकै फलदायी मानिन्छ।
​ आज भगवान विष्णु र माता लक्ष्मीको विशेष पूजा गरिन्छ। धेरैले आजकै दिनबाट नयाँ व्यवसाय वा मांगलिक कार्यको सुरुवात गर्छन्।
आजको दिन पितृहरूको नाममा जल र अन्न दान गर्नाले पितृ उद्वार हुन्छ
​तपाईंको आजको दिन र आगामी समय सुखद, समृद्ध र 'अक्षय' बनोस्! सबै लाई शुभकामना छ ।

सूचना! सूचना!! सूचना!!!
​विषय: गौ-शालाको नाममा अनाधिकृत रूपमा चन्दा संकलन भइरहेको बारे अत्यन्त जरुरी सूचना
​रामपुर १६ स्थित इस्कोन रामपुर गौ-शालासँग सम्बन्धित सम्पूर्ण भक्तजन, स्थानीय बासिन्दा तथा आम जनसमुदायमा यसै सूचनामार्फत जानकारी गराइन्छ कि, विगत केही समयदेखि विभिन्न व्यक्तिहरूले यस गौ-शालाको नाम लिएर अनाधिकृत रूपमा पैसा तथा सहयोग उठाउने जस्ता कार्यहरू गरिरहेको पाइएको छ।
​यस सम्बन्धमा इस्कोन रामपुर गौ-शाला निम्न कुराहरू स्पष्ट पार्न चाहन्छ:
​१. यो गौ-शाला पूर्ण रूपमा इस्कोन (ISKCON) द्वारा सञ्चालन तथा व्यवस्थापन हुँदै आएको छ। तथा अन्य कुनै संघ सस्था वा व्यक्तीसंग सम्नय नरहेको स्पष्ट गराउन चाहान्छौ ।
३. गौ-संरक्षण अभियानमा सहयोग गर्न चाहनुहुने महानुभावहरूले कसैको व्यक्तिगत प्रलोभनमा नपरी गौ-शालाको आधिकारिक बैंक खातामा मात्र दान जम्मा गरिदिनुहुन हार्दिक अनुरोध गर्दछौं।

​विशेष अनुरोध:
स्थानीय बासिन्दाहरूलाई गौ-शालासँग सम्बन्धित कुनै पनि जानकारी, सहयोग वा जिज्ञासा भएमा सिधै गौ-शालामा सम्पर्क गर्नहुन विनम्र अनुरोध गर्दछौं।
​थप जानकारीका लागि कृपया हाम्रो आधिकारिक सम्पर्क नम्बरमा सिधै सम्पर्क गर्नुहोला। यस पवित्र गौ-संरक्षण अभियानलाई सफल पार्न यहाँहरूको सही सहयोगको अपेक्षा गर्दछौं।
​धन्यवाद।
​व्यवस्थापन:
इस्कोन रामपुर गौ-शाला
रामपुर-१६, बेहडाबाबा क्षेत्र
सम्पर्क नम्बर :986-9130847
:9844181225

जय श्री राम! जय गौमाता!
​रामनवमी तथा नयाँ वर्ष २०८३ को पावन अवसरमा सम्पूर्ण धर्मानुरागी महानुभावहरूमा सुख, शान्ति र समृद्धिको हार्दिक मंगलमय शुभकामना व्यक्त गर्दछौं।
​मर्यादा पुरुषोत्तम भगवान श्री राम र माता लक्ष्मीको आशिर्वादले यहाँको जीवन सधैं उज्यालो रहोस्।
​✍️ ISKCON रामपुर गौशाला परिवार
📞 गौ सेवाको लागि सम्पर्क: 9844181225