CFIDP DTI R3 - Central Luzon

🥥🌴 𝐂𝐅𝐈𝐃𝐏 𝐋𝐎𝐎𝐊: 𝐎𝐍!🥥🌴 💚
Central Luzon’s 18 CFIDP beneficiaries—proud in 𝐨𝐟𝐟𝐢𝐜𝐢𝐚𝐥 𝐬𝐡𝐢𝐫𝐭𝐬, 𝐣𝐚𝐜𝐤𝐞𝐭𝐬 & 𝐭𝐨𝐤𝐞𝐧𝐬!

✨ 𝐓𝐎𝐃𝐀𝐘’𝐒 𝐎𝐔𝐑 𝐅𝐈𝐍𝐀𝐋 𝐒𝐇𝐎𝐖𝐂𝐀𝐒𝐄 — 𝐃𝐎𝐍’𝐓 𝐌𝐈𝐒𝐒 𝐎𝐔𝐓! ✨
Discover, taste, and support our talented coconut-based MSMEs! 🥥
📍 SMX Convention Center Manila | 🕗 Until 8PM only!

🥥🌴 𝖣𝖠𝖸 4: 𝖢𝖮𝖢𝖮𝖭𝖴𝖳 — 𝖡𝖴𝖳 𝖬𝖠𝖪𝖤 𝖨𝖳 𝖢𝖤𝖭𝖳𝖱𝖠𝖫 𝖫𝖴𝖹𝖮𝖭! 🌴🥥

Why settle for plain coconut? Our MSMEs whip them into tasty, handy, wow-worthy products you’ll love! ✨ No boring niyog here—we turned them into treats, treasures, and total must-haves! 🤩

⏰ 𝗦𝗛𝗢𝗣 𝗡𝗢𝗪—𝗪𝗘'𝗥𝗘 𝗛𝗘𝗥𝗘 𝗨𝗡𝗧𝗜𝗟 𝗦𝗨𝗡𝗗𝗔𝗬, 𝗔𝗨𝗚𝗨𝗦𝗧 30, 2026
📍 𝗦𝗠𝗫 𝗖𝗢𝗡𝗩𝗘𝗡𝗧𝗜𝗢𝗡 𝗖𝗘𝗡𝗧𝗘𝗥 𝗠𝗔𝗡𝗜𝗟𝗔, 𝗣𝗔𝗦𝗔𝗬 𝗖𝗜𝗧𝗬
Swing by DTI Region 3 booths—your new coconut favorite is waiting! 🥥💚

🌴🥥 𝐂𝐄𝐍𝐓𝐑𝐀𝐋 𝐋𝐔𝐙𝐎𝐍’𝐒 𝐂𝐎𝐂𝐎𝐍𝐔𝐓 𝐈𝐍𝐍𝐎𝐕𝐀𝐓𝐈𝐎𝐍𝐒 𝐓𝐀𝐊𝐄 𝐓𝐇𝐄 𝐍𝐀𝐓𝐈𝐎𝐍𝐀𝐋 𝐒𝐓𝐀𝐆𝐄! 🌴🥥

DTI Region 3 proudly brings 21 participating MSMEs to the Coconut Philippines Trade Fair 2026, happening August 26–30, 2026, at the SMX Convention Center Manila, with 18 of the participating MSMEs being CFIDP beneficiaries.

📍𝐀𝐮𝐫𝐨𝐫𝐚: 8 𝐌𝐒𝐌𝐄𝐬
📍 𝐁𝐚𝐭𝐚𝐚𝐧: 2 𝐌𝐒𝐌𝐄𝐬
📍 𝐙𝐚𝐦𝐛𝐚𝐥𝐞𝐬: 1 𝐌𝐒𝐌𝐄
📍 𝐏𝐚𝐦𝐩𝐚𝐧𝐠𝐚: 5 𝐌𝐒𝐌𝐄𝐬
📍 𝐁𝐮𝐥𝐚𝐜𝐚𝐧: 4 𝐌𝐒𝐌𝐄𝐬
📍 𝐍𝐮𝐞𝐯𝐚 𝐄𝐜𝐢𝐣𝐚: 1 𝐌𝐒𝐌𝐄

From food products to handcrafted creations, our entrepreneurs across Central Luzon continue to develop innovative and market-ready products using coconut and other locally available resources.

Visit the 𝗗𝗧𝗜 𝗥𝗲𝗴𝗶𝗼𝗻 3 𝗯𝗼𝗼𝘁𝗵𝘀 and discover the products and stories of our local entrepreneurs. Explore, connect, and support Central Luzon’s growing coconut-based enterprises! 🌴

🌴 16 𝗞𝗼𝗼𝗽𝗲𝗿𝗮𝘁𝗶𝗯𝗮 𝗮𝘁 𝗔𝘀𝗼𝘀𝗮𝘀𝘆𝗼𝗻, 𝗡𝗮𝗸𝗶𝗶𝘀𝗮 𝘀𝗮 𝗖𝗙𝗜𝗗𝗣 𝗣𝗿𝗼𝗳𝗶𝗹𝗶𝗻𝗴 𝗮𝘁 𝗢𝗿𝗶𝗲𝗻𝘁𝗮𝘁𝗶𝗼𝗻 𝘀𝗮 𝗗𝗶𝗻𝗴𝗮𝗹𝗮𝗻, 𝗔𝘂𝗿𝗼𝗿𝗮.

Labing-anim (16) Farmers’ Cooperatives and Associations (FCAs) ang nakiisa sa CFIDP Profiling, Orientation, and Presentation of the Convergence Project na isinagawa ng DTI-Aurora sa Dingalan Agri-Business Incubation Hub, Dingalan, Aurora nitong Agosto 13, 2026.

Bago ang aktibidad, nagsagawa ang DTI-Aurora ng courtesy call kay Hon. Aurora G. Taay, Municipal Mayor ng Dingalan. Nagpapasalamat din ang DTI-Aurora sa Municipal Cooperative Development Office (MCDO) sa pangunguna ni Mr. Freddirieck Ramos, na nanguna sa pakikipag-ugnayan at pagtitipon ng mga kooperatiba at samahan, at nagbigay ng suporta sa buong aktibidad.

Tinalakay sa programa ang CFIDP, mga programa at interbensyon ng DTI, at ang Convergence Project para sa Dingalan, kabilang ang mga plano at target para sa CY 2027.

Isinagawa ang aktibidad bilang suporta sa CFIDP Convergence Initiative ng Regional Inter-Agency Technical Committee (RIATC) Region III, kung saan kinilala ang Dingalan, Aurora bilang convergence area ng CFIDP para sa sama-sama at magkakaugnay na pagpapatupad ng mga interbensyon tungo sa pagpapaunlad ng industriya ng niyog.

Naging daan din ang aktibidad upang makilala ang mga kooperatiba at asosasyon na mayroon nang mga produktong maaaring higit pang mapaunlad. Sa talakayan, natukoy na ang ilan sa mga ito ay nangangailangan pa ng gabay sa pagtugon at pagkumpleto ng mga kinakailangang dokumento at pahintulot para sa kanilang negosyo. Binigyang-diin din ang suporta ng DTI sa pagtulong sa mga organisasyong ito, mula sa pagpapaunlad ng kanilang produkto hanggang sa pagpapakilala nito sa mas malawak na merkado sa pamamagitan ng mga trade fair, market promotion activities, packaging at labeling interventions, at iba pang kaugnay na tulong.

Sa pamamagitan ng aktibidad na ito, patuloy na inilalapit ng DTI ang mga oportunidad sa ilalim ng CFIDP sa mga coconut farmers at kanilang mga organisasyon, hindi lamang sa pamamagitan ng profiling at orientation, kundi maging sa paghahanda ng kanilang mga produkto at negosyo para sa mas malawak na merkado at sa patuloy na pagpapaunlad ng kanilang kabuhayan. 🌴

🌴 𝙼𝚞𝚕𝚊 𝙿𝚊𝚐𝚙𝚛𝚘𝚜𝚎𝚜𝚘 𝙷𝚊𝚗𝚐𝚐𝚊𝚗𝚐 𝙿𝚊𝚐𝚗𝚎𝚗𝚎𝚐𝚘𝚜𝚢𝚘: 𝙿𝚒𝚗𝚊𝚕𝚊𝚕𝚊𝚔𝚊𝚜 𝚊𝚗𝚐 𝙿𝚊𝚐𝚕𝚒𝚔𝚑𝚊 𝚗𝚐 𝚖𝚐𝚊 𝙿𝚛𝚘𝚍𝚞𝚔𝚝𝚘𝚗𝚐 𝙽𝚒𝚢𝚘𝚐.

Matagumpay na isinagawa ang 3-Day Skills Training on Coconut Products Processing sa Dalugan, Casiguran, Aurora noong Agosto 4–6, 2026, kung saan dalawampu’t limang (25) coconut farmers mula sa Dalugan Agrarian Reform Beneficiaries Cooperative (DARBECO) ang lumahok.

Pinangunahan ito ng DTI-Aurora sa pamamagitan ng pagtutulungan ng DTI-CARP at CFIDP Aurora, katuwang ang ATI-Central Luzon, DAR Aurora, at Central Luzon State University (CLSU). Sa pamamagitan ng mga praktikal na pagsasanay, matagumpay na nakagawa ang mga kalahok ng Milky Macapuno Candy, Coconut Preserve, at Buko Juice. Nakiisa rin ang PCA-Aurora upang ipakilala ang Coconut Farmers and Industry Development Plan (CFIDP) at ibahagi ang mga benepisyo at programang maaaring mapakinabangan ng mga magniniyog.

Layunin ng aktibidad na hindi lamang maturuan ang mga kalahok ng mga bagong paraan ng pagproseso ng niyog, kundi mahikayat at masuportahan din ang DARBECO sa pagpapaunlad ng kanilang mga produkto tungo sa aktuwal na negosyo at paghahanda para sa mas malawak na merkado. Bilang bahagi ng suporta, isinagawa rin ang packaging at labeling ng kanilang mga natapos na produkto.

Noong Agosto 5, 2026, kasabay ng pagsasagawa ng pagsasanay, nagsagawa rin ng pagbisita sa Calabgan, Casiguran upang kunin ang naferment na coconut wine mula sa naunang Skills Training on Tropical Coconut Wine Processing na isinagawa noong Hulyo 22, 2026. Matapos ang proseso ng fermentation, isinagawa rin ang packaging at labeling ng mga nabuong coconut wine bilang bahagi ng pagpapatuloy ng pagpapaunlad ng produkto at paghahanda nito para sa mga susunod na oportunidad sa merkado.

Lubos ang pasasalamat kay Ms. Jessica Rustia ng Central Luzon State University (CLSU) sa kanyang taos-pusong pagbabahagi ng kaalaman at praktikal na paggabay sa mga kalahok. Kitang-kita ang kanyang tunay na hangaring makatulong at makapagbahagi ng kaalaman sa kabila ng pabago-bagong panahon at matinding init.

Patuloy ang suporta ng DTI Region 3 at mga katuwang na ahensya sa mga magniniyog at kooperatiba, mula sa pagpapaunlad ng produkto hanggang sa packaging, labeling, at paghahanda para sa mas malawak na oportunidad sa merkado. 🌴

🌴 𝐊𝐚𝐚𝐥𝐚𝐦𝐚𝐧, 𝐊𝐨𝐧𝐞𝐤𝐬𝐲𝐨𝐧, 𝐚𝐭 𝐎𝐩𝐨𝐫𝐭𝐮𝐧𝐢𝐝𝐚𝐝: 11 𝐂𝐅𝐈𝐃𝐏 𝐌𝐒𝐌𝐄𝐬 𝐬𝐚 4𝐭𝐡 𝐏𝐫𝐨𝐯𝐢𝐧𝐜𝐢𝐚𝐥 𝐁𝐮𝐬𝐢𝐧𝐞𝐬𝐬 𝐅𝐨𝐫𝐮𝐦🌴

Labing isa (11) CFIDP Beneficiaries/MSMEs mula sa Aurora ang nakiisa sa 4th Provincial Business Forum 2026 na may temang “Navigating the Shift: Building Resilient & Future-Ready MSMEs,” na isinagawa noong Agosto 3, 2026 sa Baler Convention Center, Brgy. Reserva, Baler, Aurora.

Pinangunahan ng Provincial Government of Aurora sa pamamagitan ng Provincial Local Economic Development and Investment Promotions Office, layunin ng forum na palakasin ang kaalaman, katatagan, at pagiging handa ng mga lokal na MSMEs sa nagbabagong kalagayan ng negosyo.

Nakiisa ang DTI Aurora sa mahalagang pagtitipon, kung saan ibinahagi ang mga pangunahing programa at serbisyo ng ahensya para sa patuloy na paglago at pagiging kompetitibo ng mga MSMEs. Tampok din ang mini trade fair kung saan naipakita at na-promote ng mga kalahok ang kanilang mga lokal na produkto.