The Infallible Word PH

1 Corinto 6:19-20
[19] Hindi ba ninyo alam na ang inyong katawan ay templo ng Espiritu Santo na nasa inyo at ipinagkaloob ng Diyos sa inyo? Hindi ninyo pag-aari ang inyong katawan; [20] sapagkat binili na kayo sa isang halaga. Kaya't gamitin ninyo ang inyong katawan upang maparangalan ang Diyos.

1 Corinto 3:21-23
[21] Kaya't huwag ipagmalaki ninuman na siya'y tagasunod ng sinuman, sapagkat ang lahat ay para sa inyo: [22] si Pablo, si Apolos, at si Pedro, ang sanlibutang ito, ang buhay, ang kamatayan, ang kasalukuyan, at ang hinaharap; lahat ng ito'y para sa inyo. [23] At kayo'y para kay Cristo, at si Cristo nama'y para sa Diyos.

⚠️ PAALALA SA LAHAT

Huwag agad maniwala sa lahat ng nakikita sa social media.

Huwag mag-share ng balita nang hindi muna sinusuri kung ito ay totoo.

Sabi ng Biblia:

Kawikaan 14:15
Pinaniniwalaan ng taong wala sa katinuan ang lahat ng kanyang napapakinggan, ngunit ang taong maalam umunawa ay pinag-iisipan ang kanyang napakinggan.

📖 Suriin ang balita. Isipin ang epekto. Hanapin ang katotohanan.

At higit sa lahat, manatili tayo sa katotohanan ng Salita ng Diyos.

The Infallible Word PH — Ang Salita ng Diyos ang ating gabay sa katotohanan. 🙏📖

Filipos 2:5-11
[5] Nawa'y magkaroon kayo ng kaisipan na tulad ng kay Cristo Jesus. [6] Kahit taglay niya ang kalikasan ng Diyos, hindi niya ipinagpilitang manatiling kapantay ng Diyos. [7] Sa halip, kusa niyang binitawan ang pagiging kapantay ng Diyos, at namuhay na isang alipin. Ipinanganak siya bilang tao. At nang siya'y maging tao, [8] nagpakumbaba siya at naging masunurin hanggang kamatayan, maging ito man ay kamatayan sa krus. [9] Dahil dito, siya'y lubusang itinaas ng Diyos, at binigyan ng pangalang higit sa lahat ng pangalan. [10] Sa gayon, sa pangalan ni Jesus ay luluhod at magpupuri ang lahat ng nasa langit, nasa lupa, at nasa ilalim ng lupa. [11] At ang lahat ay magpapahayag na si Jesu-Cristo ay Panginoon, sa ikaluluwalhati ng Diyos Ama.

Roma 13:1-5
[1] Ang bawat tao'y dapat pasakop sa mga pinuno ng pamahalaan, sapagkat walang pamahalaang hindi mula sa Diyos, at ang Diyos ang nagtatag ng mga pamahalaang umiiral. [2] Kaya nga, ang lumalaban sa pamahalaan ay lumalaban sa itinalaga ng Diyos; at sila'y nararapat sa parusa. [3] Ang mga pinuno ay hindi dapat katakutan ng taong gumagawa ng mabuti. Ang mga gumagawa lamang ng masama ang dapat matakot. Kung ayaw mong matakot sa mga namumuno, gumawa ka ng mabuti, at pararangalan ka nila. [4] Sila'y mga lingkod ng Diyos para sa ikabubuti mo. Ngunit kung gumagawa ka ng masama, dapat kang matakot dahil sila'y may kapangyarihang magparusa. Sila'y mga lingkod ng Diyos, na nagpaparusa sa mga gumagawa ng masama. [5] Kaya nga, dapat kayong pasakop sa kanila, hindi lamang upang hindi kayo maparusahan, kundi alang-alang na rin sa inyong budhi.