Poon Owner's Association

𝐏𝐈𝐒𝐓𝐀𝐍𝐆 𝐋𝐔𝐏𝐈 𝟐𝟎𝟐𝟔 | 𝐀𝐍𝐆 𝐏𝐀𝐆𝐓𝐀𝐓𝐀𝐏𝐎𝐒 𝐍𝐆 𝐈𝐊𝐀-𝟐𝟑𝟒 𝐓𝐀𝐎𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍𝐓𝐀 𝐑𝐎𝐒𝐀 𝐃𝐄 𝐋𝐈𝐌𝐀

Matapos ang isang buwan ng pagdiriwang, panalangin, at mga gawain para sa kapistahan ni Santa Rosa de Lima, tayo ay muling magsasama-sama para sa Pistang Lupi sa Agosto 30, 2026.

Bilang pagtatapos ng ika-234 na taong pagdiriwang ng Kapistahan ni Santa Rosa de Lima, inaanyayahan ang lahat ng parokyano at deboto na makiisa sa mga gawain sa araw na ito. Tampok dito ang Grand Replica & Friends of St. Rose of Lima Procession, bilang sama-samang pagpapakita ng ating debosyon at pasasalamat sa ating Rosang Pintakasi.

𝗩𝗶𝘃𝗮 𝗦𝗮𝗻𝘁𝗮 𝗥𝗼𝘀𝗮 𝗱𝗲 𝗟𝗶𝗺𝗮! 𝗩𝗶𝘃𝗮 𝗥𝗼𝘀𝗮𝗻𝗴 𝗣𝗶𝗻𝘁𝗮𝗸𝗮𝘀𝗶!



**nOwnersAssociation

𝐓𝐈𝐍𝐈𝐆 𝐍𝐆 𝐃𝐄𝐁𝐎𝐒𝐘𝐎𝐍
𝐌𝐠𝐚 𝐏𝐚𝐧𝐚𝐥𝐚𝐧𝐠𝐢𝐧, 𝐇𝐢𝐦𝐚𝐥𝐚, 𝐚𝐭 𝐏𝐚𝐭𝐨𝐭𝐨𝐨 𝐧𝐠 𝐦𝐠𝐚 𝐃𝐞𝐛𝐨𝐭𝐨 𝐧𝐢 𝐒𝐚𝐧𝐭𝐚 𝐑𝐨𝐬𝐚 𝐝𝐞 𝐋𝐢𝐦𝐚

Ang “Tinig ng Debosyon” ay hindi lamang isang kalipunan ng mga panalangin at patotoo. Ito ay bahagi ng ating paghahanda at dokumentasyon para sa hangaring maiangat ang ating Parokya bilang isang Diocesan Shrine na nakatalaga sa ating minamahal na patrona, Santa Rosa de Lima.

Sa pamamagitan ng mga salaysay ng ating mga deboto—mga panalanging ipinagkatiwala, biyayang natanggap, mga himalang nasaksihan, at mga karanasang nagpatibay sa pananampalataya—nais nating maipakita ang malalim, buhay, at patuloy na lumalawak na debosyon ng mga mananampalataya kay Santa Rosa de Lima.

Inaanyayahan namin ang lahat ng deboto na magbahagi ng kanilang sariling patotoo. Kumuha ng papel mula sa nakalaang kahon, isulat ang inyong kuwento, at ihulog ito sa “Tinig ng Debosyon” box.

Hinihiling din na ilagay ang buong pangalan, tirahan, at contact number upang magkaroon ng wastong dokumentasyon at, kung kinakailangan, ay makapagbigay ng karagdagang impormasyon para sa mga layunin ng Parokya.

Santa Rosa de Lima, aming Rosang Pintakasi, ipanalangin mo kami!

*Matatagpuan ito sa paanan ng Imahen ni Santa Rosa de Lima (Peru) sa gilid ng simbahan.

𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐀𝐏𝐎𝐒𝐓𝐎𝐋 𝐒𝐀𝐍 𝐁𝐀𝐑𝐓𝐎𝐋𝐎𝐌𝐄
𝗔𝗴𝗼𝘀𝘁𝗼 𝟮𝟰

Si San Bartolome, ayon sa sinaunang tradisyon, siya ay naging martir sa pamamagitan ng pagbabalat sa kanyang katawan nang buhay at pagkatapos ay pagpugot sa kanya, dahil sa kanyang pagtangging talikuran ang pananampalataya kay Kristo.

Ang kanyang pagkamartir ay nagpapaalala sa atin na ang pananampalataya ay hindi lamang ipinahahayag sa salita, kundi higit na pinatutunayan sa katapatan at sakripisyo. Sa kanyang pamamagitan, hilingin natin ang biyayang magkaroon ng pusong hindi sumusuko at pananampalatayang handang maglingkod hanggang sa wakas.


**nOwnersAssociation

Kahit man patapos na ang araw ng ating kapistahan, kasabay ng pagtahimik ng mga kampana ng simbahan, unti-unting nawawala sa hangin ang masasayang tugtugin ng mga mosiko, humuhupa ang ingay ng mga paputok, at dahan-dahang nauubos ang sindi ng mga kandilang ating inialay.

Ngunit sa kabila ng pagtatapos ng mga pagdiriwang, nanatili ang tinig ng panalangin at ang maningas na debosyon ng mga deboto ng ating mahal na Patron, Santa Rosa de Lima. Ang apoy ng pananampalataya ay patuloy na nag-aalab sa puso ng bawat deboto, sapagkat ang pag-ibig at pagtitiwala sa ating Rosang Pintakasi ay hindi nagtatapos kasabay ng kapistahan

Sapagkat ang pagtatapos ng kapistahan ay hindi kailanman katapusan, kundi isang panibagong simula—isang bagong taon ng patuloy na paggabay, pag-iingat, at paglingap sa atin ng ating mahal na Patron at Rosang Pintakasi, Santa Rosa de Lima.


𝐈-𝐜𝐨𝐦𝐦𝐞𝐧𝐭 𝐨 𝐢-𝐬𝐡𝐚𝐫𝐞 𝐚𝐧𝐠 𝐢𝐧𝐲𝐨𝐧𝐠 𝐦𝐠𝐚 𝐥𝐚𝐫𝐚𝐰𝐚𝐧 𝐤𝐚𝐬𝐚𝐦𝐚 𝐬𝐢 𝐒𝐚𝐧𝐭𝐚 𝐑𝐨𝐬𝐚 𝐝𝐞 𝐋𝐢𝐦𝐚 𝐛𝐢𝐥𝐚𝐧𝐠 𝐛𝐚𝐡𝐚𝐠𝐢 𝐧𝐠 𝐚𝐭𝐢𝐧𝐠 𝐬𝐚𝐦𝐚-𝐬𝐚𝐦𝐚𝐧𝐠 𝐩𝐚𝐠𝐠𝐮𝐧𝐢𝐭𝐚 𝐚𝐭 𝐩𝐚𝐠𝐛𝐚𝐛𝐚𝐡𝐚𝐠𝐢 𝐧𝐠 𝐦𝐠𝐚 𝐦𝐚𝐬𝐚𝐬𝐚𝐲𝐚𝐧𝐠 𝐚𝐥𝐚𝐚𝐥𝐚 𝐧𝐠 𝐤𝐚𝐩𝐢𝐬𝐭𝐚𝐡𝐚𝐧𝐠 𝐢𝐭𝐨.

𝐒𝐚𝐧𝐭𝐚 𝐑𝐨𝐬𝐚 𝐝𝐞 𝐋𝐢𝐦𝐚, 𝐚𝐦𝐢𝐧𝐠 𝐑𝐨𝐬𝐚𝐧𝐠 𝐏𝐢𝐧𝐭𝐚𝐤𝐚𝐬𝐢, 𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢! 🌹🌹🌹

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐑𝐎𝐒𝐀𝐍𝐆 𝐏𝐈𝐍𝐓𝐀𝐊𝐀𝐒𝐈 - 𝐒𝐀𝐍𝐓𝐀 𝐑𝐎𝐒𝐀 𝐃𝐄 𝐋𝐈𝐌𝐀!

Sa araw na ito, buong saya at pananampalataya nating ipinagdiriwang ang kapistahan ni Santa Rosa de Lima, ang ating Rosang Pintakasi at patrona ng ating pamayanan.

Sa loob ng 234 na taon, patuloy na naging bahagi ng buhay ng ating mga ninuno at ng mga susunod na salinlahi ang debosyon kay Santa Rosa de Lima. Sa paglipas ng mga taon, nanatili ang ating pananalig at paggalang sa kanya bilang huwaran ng kababaang-loob, panalangin, paglilingkod, at pagmamahal sa Diyos at sa kapwa.

Sa bawat panalangin, Misa, prusisyon, at gawaing nakalaan para sa kapistahan, nawa’y lalo nating mapalalim ang ating pagkakaisa bilang isang pamayanan.

Sa patuloy na paglalakbay ng ating parokya, nawa’y manatiling buhay ang debosyon kay Santa Rosa de Lima at maipasa ito sa mga susunod pang salinlahi.

𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙥𝙞𝙨𝙩𝙖𝙝𝙖𝙣, 𝙎𝙖𝙣𝙩𝙖 𝙍𝙤𝙨𝙖 𝙙𝙚 𝙇𝙞𝙢𝙖!
𝙑𝙞𝙫𝙖 𝙎𝙖𝙣𝙩𝙖 𝙍𝙤𝙨𝙖! 𝙑𝙞𝙫𝙖 𝙍𝙤𝙨𝙖𝙣𝙜 𝙋𝙞𝙣𝙩𝙖𝙠𝙖𝙨𝙞!



**nOwnersAssociation

𝐈𝐊𝐀𝐒𝐈𝐘𝐀𝐌 𝐍𝐀 𝐀𝐑𝐀𝐖 𝐍𝐆 𝐏𝐀𝐌𝐈𝐌𝐈𝐍𝐓𝐔𝐇𝐎 𝐊𝐀𝐘 𝐒𝐀𝐍𝐓𝐀 𝐑𝐎𝐒𝐀 𝐃𝐄 𝐋𝐈𝐌𝐀
𝗔𝗴𝗼𝘀𝘁𝗼 𝟐𝟐 | 𝐕𝐈𝐒𝐏𝐄𝐑𝐀𝐒 𝐃𝐄 𝐋𝐀 𝐅𝐈𝐄𝐒𝐓𝐀

𝗣𝗔𝗡𝗔𝗟𝗔𝗡𝗚𝗜𝗡
O mapalad na Santa Rosa, sa pagdamay mo sa malaking hirap na tiniis ng iyong sinisintang Esposo sa pagkamatay niya sa krus, ninais mo at natupad ang iyong nasa, na sa oras ng iyong kamatayan ay mapuno ang buo mong katawan nang di masabing sakit, hanggang sa nawika mo na hindi mo inaakala na ang katawan ng tao ay magkakasiyang pagpisanan ng gayong kahirapan na dumating sa iyo. Ipanalangin mo ako, mahal na pintakasi, sa Esposo mong napako sa krus, na sa oras ng aking paghihirap at paghihingalo ay matiis ko rin nang taimtim at magaan sa loob ang tanang sakit na darating sa aking katawan upang ang kaluluwa ko ay palaring magkamit ng maluwalhating kapayapaan na nalalaan sa mga anak ng Diyos. Sa pamamagitan mo ay aking makamtan nawa ang tanging biyaya na hinihiling ko sa pagsisiyam na ito, kung sakaling kalooban ng Diyos, at ikagagaling ng aking kaluluwa. Amen

𝙎𝙖𝙣𝙩𝙖 𝙍𝙤𝙨𝙖 𝙙𝙚 𝙇𝙞𝙢𝙖, 𝙖𝙢𝙞𝙣𝙜 𝙍𝙤𝙨𝙖𝙣𝙜 𝙋𝙞𝙣𝙩𝙖𝙠𝙖𝙨𝙞, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞!



**nOwnersAssociation

𝟏 𝗻𝗮 𝗮𝗿𝗮𝘄 𝗻𝗮 𝗹𝗮𝗻𝗴! 𝗣𝗶𝘀𝘁𝗮 𝗻𝗮 𝗻𝗴 𝗥𝗼𝘀𝗮𝗻𝗴 𝗣𝗶𝗻𝘁𝗮𝗸𝗮𝘀𝗶!

Bukas na ang pinakahihintay na pagdiriwang ng 234th Fiesta Solemne bilang parangal sa ating minamahal na patrona, Santa Rosa de Lima, ang Rosang Pintakasi! Halina’t sama-sama nating ipagdiwang ang matibay na pananampalataya at debosyong patuloy na nagbubuklod sa ating sambayanan.

𝙎𝙖𝙣𝙩𝙖 𝙍𝙤𝙨𝙖 𝙙𝙚 𝙇𝙞𝙢𝙖, 𝙖𝙢𝙞𝙣𝙜 𝙍𝙤𝙨𝙖𝙣𝙜 𝙋𝙞𝙣𝙩𝙖𝙠𝙖𝙨𝙞, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞!


**nOwnersAssociation

𝐈𝐊𝐀𝐖𝐀𝐋𝐎𝐍𝐆 𝐀𝐑𝐀𝐖 𝐍𝐆 𝐏𝐀𝐌𝐈𝐌𝐈𝐍𝐓𝐔𝐇𝐎 𝐊𝐀𝐘 𝐒𝐀𝐍𝐓𝐀 𝐑𝐎𝐒𝐀 𝐃𝐄 𝐋𝐈𝐌𝐀
𝗔𝗴𝗼𝘀𝘁𝗼 𝟐𝟏 | 𝐀𝐍𝐓𝐄𝐕𝐈𝐒𝐏𝐄𝐑𝐀𝐒 𝐃𝐄 𝐋𝐀 𝐅𝐈𝐄𝐒𝐓𝐀

𝗣𝗔𝗡𝗔𝗟𝗔𝗡𝗚𝗜𝗡
O mapalad na Santa Rosa, upang hindi mo makalimutan ang sinisinta mong Esposo, isinabit mo sa isang mataas na pako ang munting buhok na natira sa iyong ulo at pinabayaan mong mabitin ang kaawa-awa mong katawan. O marangal na Santa, ako ay naglilo sa aking masintahing Ama, kaya ako ang siyang dapat mabiting kapares mo. Ako nga ang sukat magparusang sadya sa aking katawang makasalanan. Datapuwa’t ang kabigatan ng loob ko sa gawang magaling ang siyang nangyayari, at tila hindi ako makakakuhang halimbawa sa iyong labis na pagpapakasakit. Kaya nga, ipanalangin mo sa Diyos, mahal na pintakasi, na ang aking panimdim ay huwag mahiwalay sa oras ng kamatayan at ang aking puso ay paglagusan nitong tatlong sibat – masakit na pagsisisi sa aking mga kasalanan, isang malaking pagkatakot sa Diyos, at maningas na pag-ibig sa kapwa tao. Sa pamamagitan mo ay aking makamtan nawa ang tanging biyaya na hinihiling ko sa pagsisiyam na ito, kung sakaling kalooban ng Diyos, at ikagagaling ng aking kaluluwa. Amen

𝙎𝙖𝙣𝙩𝙖 𝙍𝙤𝙨𝙖 𝙙𝙚 𝙇𝙞𝙢𝙖, 𝙖𝙢𝙞𝙣𝙜 𝙍𝙤𝙨𝙖𝙣𝙜 𝙋𝙞𝙣𝙩𝙖𝙠𝙖𝙨𝙞, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞!



**nOwnersAssociation

𝟮 𝗻𝗮 𝗮𝗿𝗮𝘄 𝗻𝗮 𝗹𝗮𝗻𝗴! 𝗣𝗶𝘀𝘁𝗮 𝗻𝗮 𝗻𝗴 𝗥𝗼𝘀𝗮𝗻𝗴 𝗣𝗶𝗻𝘁𝗮𝗸𝗮𝘀𝗶!

𝐓𝐑𝐈𝐕𝐈𝐀 𝐍𝐈 𝐑𝐎𝐒𝐀! 𝐊𝐢𝐥𝐚𝐥𝐚𝐧𝐢𝐧 𝐚𝐧𝐠 𝐑𝐨𝐬𝐚𝐧𝐠 𝐏𝐢𝐧𝐭𝐚𝐤𝐚𝐬𝐢
𝘈𝘭𝘢𝘮 𝘮𝘰 𝘣𝘢?!?

Sa loob ng seryeng “Trivia ni Rosa!”, muli nating nakilala ang buhay, pananampalataya, sakripisyo, at paglilingkod ni Santa Rosa de Lima. Nawa’y ang kanyang halimbawa ay magsilbing inspirasyon sa atin na mamuhay mang may pananampalataya,kababang-loob, pagmamahal sa Diyos, at malasakit sa kapwa.

𝙎𝙖𝙣𝙩𝙖 𝙍𝙤𝙨𝙖 𝙙𝙚 𝙇𝙞𝙢𝙖, 𝙖𝙢𝙞𝙣𝙜 𝙍𝙤𝙨𝙖𝙣𝙜 𝙋𝙞𝙣𝙩𝙖𝙠𝙖𝙨𝙞, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞!



**nOwnersAssociation