Hourpost

BASAHA:

Oplan sa Kaagapay, Kalinaw ug Kalamboan (K*K) nga gipahigayon sa Davnor Coliseum niadtong Septyembre 2.Gitunol sa PLGU Davnor ang mga nagkadaiyang serbisyo sama sa medikal, tambag legal, libreng tambal ug uban pa. Nahimo kini gumikan sab sa pakig-alayon sa mga pribadong sektor ug uban pang ahensya sa gobyerno.

✍️📸 LORNA TRIPOLI

Bahay Pag-asa gisaulog ang Pahiyas festival sa ika-12 nga anibersaryo

Gisaulog sa Bahay Pag-asa sa New Corella ang Pahiyas Festival isip kabahin sa ika-12 nga anibersaryo niini karong adlawa Septyembre 1, nga may temang “Pahiyas ng Pag-asa: 12 Years Cultivating Hope, Transforming Lives, and Changing the Future.”

Gipasabot sa kalihukan ang paghatag og ikaduhang higayon sa mga menor de edad nga nakasala, pagpalambo sa ilang mga talento ug pag-andam kanila sa pagbalik sa komunidad.

Gipasidunggan usab ang mga ahensya, organisasyon, donors ug volunteers nga misuporta sa rehabilitasyon sa mga kabataan. Samtang, 23 ka residente sa Bahay Pag-asa mipakita sa ilang talento pinaagi sa bibo nilang sayaw, artwork ug handicrafs.

✍️📸 LORNA TRIPOLI

ATM: Gitunol ngadto sa 60 ka mga estudyante ang tig bayente mil pesos ubos sa Educational Assistance Program agi'g hiniusang suporta sa Probinsyal nga Panggamhanan sa Davao del Norte ug Office of the Presidential Adviser on Peace and Reconciliation and Unity ( OPAPRU). Ang mga magtutungha gikan sa nagkadaiyang tulonghaan sa probinsya ug sila sab anak sa mga Friends Rescued (FR). Gidumala sa Provincial Treasurer's Office (PTO) ang pagtunol sa maong tabang pinansyal nga gihimo sa VIP Clubhouse, DNSTC, Mankilam, Tagum City.

ATM: Walop sa zumba competition ang ubang mga nurses ug medical staff sa Davao del Norte Hospital Carmen Zone, alang sa pagsaulog sa National Hospital Week 2026, lakip na niini ang Mr. and Ms. Health Care Ambassador nga kompetisyon.

ATM: "Bigay Bigas Para sa Masa" pagahimoon karon sa Davnor Gym alang sa mga gi-ilang vulnerable sector sa syudad sa Tagum.