Impromptu Sa Radyo

BABAYE NAPALGANG PATAY SULOD SA CR SA TAGUM PUBLIC MARKET

JUST IN!
Naglingkod pa sa toilet bowl ug wala pa nasuot pagbalik ang carsones sa usa ka babaye dihang napalgan sa mga netizens sulod sa cr sa Tagum City Public Market karong gabie lamang Pebrero 1, 2025.

Subay sa nakitang mga id sa bag niini, ginganlan kinig Prospera Dagohoy.

Kasamtangan pa kining gisusi sa mga otoridad aron sayron ang nahitabo sa maong ginang.

Gituohan sa mga nakakita niini nga lagmit giatake sa sakit ang maong babaye. via EBB

📷 ctto

Like Radio

3 PATAY, 2 SAMARAN ATOL SA PAG-SILBI OG WARRANT OF ARREST SA TAGUM

Patay ang 3 ka Indibidwal human misukol sa kapulisan atol sa gikasang operasyon nga warrant of arrest sa Camella Trails, sa dakbayan sa Tagum, Biyernes sa gabie, Enero 31, 2025.

Pinaagi sa report gikan sa hepe sa Tagum City Police Station PLCOL Wildemar Tiu nagpahigayon og joint operation ang kwerpo sa PIU DNPPO, SWAT 1st DNMFC, ug RID PIT DPPO sa pagserbi sa warrant of arrest batok sa duha ka mga pinangita sa balaod gumikan sa kasong two counts of murder nga sila si Norman Saquian ug Rozendel Cañete.

Pag-abot sa lokasyon sa kapulisan diin e-serve na unta ang warrant of arrest matud pa, namusil gilayon ang mga suspek, hinungdan sa pagbinayluay og buto tali operating units nga miresulta sa samarang si PSSG Evan S. Tapayan, ug nasamdan usab sa tiil nga bahin si PCpl Jayson Baliad kinsa mga sakop sa SWAT Team.

Sa nahitabong aksyon, midagan pagawas ang mga suspetsado nga si Cañete ug lain pang usa ka wala mailhing lalaki samtang nagpaarak sa second floor ang lain pang suspek nga si Saquian diin naigo kini sa otoridad ug nadala pa sa Davao Regional Medical Center (DRMC) apan gideklarang dead on arrival sa doktor.

Samtang sa bakanteng lote nakabsan sa kinabuhi si Cañete human nakigpinusilay pa kini ug napuruhan sa mga operatiba.

Naabtan usab sa creek nga bahin ang mitagong kauban sa duha kinsa nailhang usa ka Renz Balmaceda, nga misukol og pinusilay diin napatay usab sa mga otoridad.

Luwas ra usab sa peligro ang duha ka sakop sa SWAT team kinsa naangol sa maong operasyon.

Gumikan sa maong insedente gi-cordon sa dul-an 5 ka oras ang entry ug exit point sa Camella Trails Timog sa syudad. (via EBB)

Like Radio

E-GOVERNANCE BILL NI SEN. CAYETANO HAPIT NA MAAPROBAHAN SA SENADO

MAAPROBAHAN NA SA DILI MADUGAY ANG GIDUSO NI SEN. ALAN PETER CAYETANO MAHITUNGOD SA BALAODNON NGA NAGTUMONG SA PAG-DIGITIZE SA MGA PROSESO UG SERBISYO SA GOBYERNO HUMAN KINI MAPASAR SA IKA-DUHANG PAGBASA NIADTONG NAKALABAYNG ADLAW, ENERO 21, 2025.

SA SESYON SA PLENARYA, GIPRESENTAR SA SPONSOR SA PROPOSAL NGA SI SEN CAYETANO ANG IYANG AMENDMENTS SA SENATE BILL NO. 2781- SA E-GOVERNANCE ACT.

SUMALA PA NGA ANG MAONG BALAODNON MIUSWAG WALA PAY USA KA SEMANA HUMAN KINI MIAGI SA PANAHON SA INTERPILASYON.

PINAAGI MATUD PA SA MAONG BILL, MAMAHIMONG SAYON ANG PAG-ACCESS UG PAG-BAY-LUAY OG MGA DATOS UG IMPORMASYON TALI SA TANANG BUHATAN SA GOBYERNO.

DUGANG PA NGA ANG TANAN NAGTUMONG SA PAGPAYANO SA KINATIBUK-ANG
KASINATIAN SA MGA PILIPINO SA PAKIGTRANSAKSYON SA GOBYERNO,

MAMAHIMONG WALA NAY TAAS NGA LINYA SA GOBYERNO O WALA NAY PAGBALHIN-BALHIN SA LAING APPS ARON MAKA-ACCES LAMANG SA MGA SERBISYO SA GOBYERNO.

UNA NIINI, SI CAYETANO KINSA MAOY CHAIRPERSON SA DEPARTMENT OF SCIENCE AND TECHNOLOGY, NIHATAG OG GIBUG-ATON SA KAMAHINUNGDANON SA PAGGAMIT SA TEKNOLOHIYA ALANG SA PASPAS NGA NATION-BUILDING.

Like Radio

MUSLIM SEKTOR SA MABINI DDO HUGOT NGA GISUPORTAHAN NI BUDAC

Hugot ang suporta ni Konsehal ug Board Member Jammaila “Kim Sala” Budac ngadto sa Muslim Sector sa lungsod sa Mabini Davao de Oro

Dungan sa tinuig nga Kanduri gipaniguro ni Budac sa maong sector ang iyang kanunay ug walay duha-duha nga pagsuporta ngadto kanila pinaagi sa iyang mga programa nga kanunay gihatod alang sa katawhang Mabinians.

Sumala pa niini, nga ang iyahang makanunayong pagpangga sa Muslim Sector sa lungsod magpabilin permi tungod usab sa ilang pagpangga kaniya.

Kahinumduman nga si Budac ang committee chair sa Tourism sa nahisgutang lungsod diin naila kining abtik ug kanunay naga lantaw alang sa kaayuhan sa maong munisipalidad kinsa usab giatangan sa katawhan gumikan sa mga ayudang ginasungkit niini sa nasyunal nga panggamhanan diin madasigon niining ginabubo alang sa katawhan sa maong munisipalidad.

Like Radio

The officials and employees of LGU Nabunturan headed by Hon. Myrocel Clarin Balili, are deeply saddened by the passing of our former DILG Provincial Director, sir Noel Duarte, who led with dedication and integrity in the field of public service.

PD Wing as he was fondly called, will be remembered for his unwavering commitment to public service and the betterment of all, through his mentorship and wisdom. His legacy will live on forever.

Our thoughts and prayers are with his family, friends, and colleagues during this difficult time. May eternal rest be granted to his soul.

P25 - MILYON PONDO SA MAIP NI BM JAMMAILA BUDAC

Mapasalamaton si PCL Pres. BM Jammaila "Kim Sala" Budac human nga gihatagan kinig pondo nga P25 Milyon gikan sa nasyunal nga panggamhanan pinaagi sa Medical Assistance to Indigent Patients (MAIP).

Sumala pa, nga daku kining tabang alang sa katawhan hilabi na sa mga residente sa lungsod sa Mabini Davao de Oro kinsa nanginahaglan alang sa ilang mga medikal nga katuyoan.

Kahinumduman nga pipila na ka mga Mabinians ang nakasulay nga mahatagan ni Budac og susamang assistance diin gihimo pa niiing zero billing ang ilang obligasyon nganha sa mga balay tambalanan.

Like Radio

SUSPEK SA PAGPUSIL-PATAY SA BABAYE SA FREEDOM PARK TAGUM CITY SA NILABAYNG TUIG NASIKOP NA

Nasikop na ang gikonsederang most wanted nga indibidwal sa dakbayan sa Tagum kinsa nag-unang suspek sa pagpamusil patay sa usa ka Erlinda Manghano niadtong Enero 11, 2024 didto sa Freedom Park sa nahisgutang syudad.

Gibutyag nga nadakpan sa mga sakop sa kapulisan sa Tandag City Police Station ang usa ka Sherwin Barrot niadto pang Nobyembre 9, 2024.

Sumala pa, narekober sa mga otoridad ang usa ka armas nga nagkompirma sa kalambigitan niini sa kamatayon ni Manghano subay sa usa ka ballistic examination diin mikomperma usab sa lain pang napulo (10) ka mga shooting incidents sa Rehiyon 11 ug 13.

📷 PNP Tagum
Like Radio

𝐇𝐀𝐏𝐏𝐘 𝐍𝐄𝐖 𝐘𝐄𝐀𝐑 𝐌𝐀𝐁𝐈𝐍𝐈𝐀𝐍𝐒

Hinaut nga ang bag-ong tuig magdala kaninyo og kalipay, kahimsog, ug daghang mga oportunidad.
Magpadayon kita sa pagtinabangay ug pag-amuma sa atong mga gipangandoy. Sa pag-abot sa tuig 2025,mag-ampo kita nga puno kini sa mga panalangin ug kalampusan.

Daghan kaayong salamat sa inyong pagsuporta og paghigugma.

𝐆𝐑𝐄𝐄𝐓𝐈𝐍𝐆𝐒 𝐅𝐑𝐎𝐌: 𝐇𝐎𝐍. 𝐊𝐈𝐌- 𝐒𝐀𝐋𝐀 𝐁𝐔𝐃𝐀𝐂

Like Radio

JUST IN: SIKAT NGA BISDAK CONTENT CREATOR / VLOGGER LOLA WENDING, NIPANAW NA

Gikomperma pinaagi sa post sa Facebook sa apo nga si Irven John Valenzuela ang pagpanaw ni Lola Wending karong gabie lamang Disyembre 29, 2024.

Si lola Wending nailhan sa social media sa iyang mga pakatok ug pakatawa nga diin mitatak na sa mga panumduman sa mga fans nga likod sa iyang pangidaron nakahatag pa kini og pakatawa ug kaaligre mapa batan-on ug hamtong man nga mga followers niini.
(via Hyacinth Bual)

Salamat lola Wending!
Padayon sa panaw 💗

📷 Lola Wending

Like Radio

STARBUCKS TAGUM ABRE NA!

Giabrehan na ang pinaka-unang Starbucks Tagum City branch.
Abre kini gikan alas - 7 sa buntag ngadto alas-12 Midnight.

Location : Brgy., Visayan Village, Tagum City near Big 8 Hotel.

📸 LGU Tagum

Like Radio Shien Y'all

LANTAWA!
Gituohang hulagway sa mga suspek sa pagpanulis ug pagpusil patay sa pasahero sa bus ug pagpangilog og motorsiklo aron maoy himuong getaway vehicle didto sa lungsod sa Carmen Davao del Norte hapon sa Disyembre 28, 2024 nikuyanap karon sa social media.

Manhunt operation gilusad na karon sa kapulisan aron sa pagtugis sa mga suspetsado.
via Hyacinth Bual
Like Radio


📷 credit