Life Status

“Obstacles are inevitable, but quitting isn't.”

Huwag mong maliitin ang taong tahimik lumalaban. Hindi lahat ng simple ay mahina, hindi lahat ng mapagpakumbaba ay walang kaya, at hindi lahat ng natatalo sa simula ay talo sa dulo. Sa buhay, mas mahalaga pa rin ang malinis na pangalan kaysa anumang halaga ng pera.

God is my strength.

Huwag mong ikahiya ang pagsasabi ng “hindi.” Hindi ka madamot kapag pinoprotektahan mo ang sarili mong oras, pera, at dignidad. Maaari kang maging mabuting tao nang hindi nagpapagamit. Minsan, ang pinakamahalagang anyo ng kabaitan ay ang pagtatakda ng malinaw na hangganan.

Huwag mong sukatin ang halaga mo batay sa paraan ng pagtrato sa iyo ng mga taong hindi marunong kumilala ng sakripisyo. Ang tunay na pagmamahal ay hindi nanghihiya, hindi nanlalamang at hindi gumagamit ng katahimikan mo bilang pahintulot para saktan ka. Kapag dumating ang araw na kailangan mong piliin ang dignidad mo, huwag matakot lumakad palayo. Minsan, ang pinakamatapang na desisyon ay ang tahimik na pagsasabing: sapat na.

Ang pinakamahalagang yaman sa mundo ay hindi pera o ari-arian. Kundi ang taong pinipiling manatili sa tabi mo kapag wala ka nang maibibigay na kapalit.