OrMin Conference

As we journey through October, may our Conference Calendar remind us that every gathering is an opportunity to worship, connect, serve, and grow together in Christ.

Let us continue walking with Jesus, journeying with the Anawim with hearts ready to serve, hands willing to help, and faith that moves us forward.

📅 October 2026 Conference Calendar

Blessed Day Everyone♥️♥️♥️ Salamat sa nakaraang gawain ng pagdiriwang ng Fellowship of the Least Coins sa bawat Iglesya Lokal. Sa darating pong Sabado Ika 3 ng Oktobre ay ating isasagawa ang Dedication of the Coins. Atin pong dalhin ang ating mga nalikom at magsamasama sa pagsamba at pagtatalaga.🙏

📅SECOND COUNCIL MEETING OF ORIENTAL MINDORO CONFERENCE

Matagumpay na idinaos ang Ikalawang Pagpupulong ng Konsilyo ng Oriental Mindoro Conference noong Setyembre 19, 2026, sa UCCP MERIT, Victoria, Oriental Mindoro.

Buong pasasalamat sa Panginoon sa pagkakataong muling magtipon ang mga pinuno at kinatawan ng ating Conference upang sama-samang talakayin ang mahahalagang usapin, programa, gawain, at mga susunod na hakbang para sa patuloy na pagpapatibay ng ministeryo at misyon ng Simbahan.

Lubos din nating ipinagpapasalamat ang makabuluhang presensya ng SLJ Bishop Luisito Saliendra, na nagbigay ng panahon, pakikipagkapwa, at mga kaisipang nagsilbing pagpapalakas at gabay sa ating pagpupulong.

Taos-pusong pasasalamat sa lahat ng mga kasapi ng Konsilyo, mga opisyal, mga Manggagawa, at mga kinatawan na nakiisa at naglaan ng kanilang panahon, paglilingkod, at pananagutan para sa ikabubuti ng ating Conference.

Nawa’y patuloy tayong pagkalooban ng Diyos ng karunungan, pagkakaisa, at katapatan sa pagtupad ng ating tungkulin habang sama-sama nating isinusulong ang misyon at paglilingkod ng Panginoon at sa Kanyang Iglesya.

Sa pagkakaisa, paglilingkod, at pananampalataya—patuloy sa misyon ng Panginoong Hesus.

SA BAWAT NAKIKITA AT HINDI NAKIKITANG PAGLILINGKOD, MARAMING SALAMAT! 🙏❤️

Noong Setyembre 5, 2026, ginanap sa UCCP Poblacion 4, Victoria, Oriental Mindoro ang isang makabuluhang pagdiriwang ng Pastors and Church Workers Appreciation —isang araw ng pagkilala, pasasalamat, at pagpupugay sa mga taong patuloy na naglilingkod sa Panginoon at sa Kanyang sambayanan.

Ngunit sa likod ng matagumpay na programa ay ang mga kamay at pusong tahimik na naglingkod. Sa mga naghanda ng pagkain, nag-asikaso sa kusina, naglinis at nag-ayos ng lugar, naghanda ng mga kagamitan at programa, nag-coordinate, naghatid, nag-ayos, at sa lahat ng tumulong sa anumang paraan—kayo rin ay mahalagang bahagi ng tagumpay ng araw na ito.

Maaaring hindi lahat ng inyong ginawa ay nakita sa entablado, ngunit bawat paghahanda, bawat pagod, at bawat munting paglilingkod ay mahalaga sa paningin ng Diyos.

“Magaling, mabuti at tapat na alipin! Yamang naging tapat ka sa kakaunting bagay, pamamahalain kita sa maraming bagay. Makihati ka sa kaligayahan ng iyong panginoon.” — Mateo 25:23

Sa ating mga Pastor, Church Workers, volunteers, kitchen team, food preparers, organizers, at lahat ng naging bahagi ng paghahandang ito, taos-puso ang aming pasasalamat.

Ang isang matagumpay na gawain ay hindi lamang bunga ng mga taong nasa harapan, kundi pati ng mga taong tahimik na kumikilos sa likuran.

Maraming salamat sa inyong oras, lakas, talento, sakripisyo, at pusong handang maglingkod. Tunay na ang inyong paglilingkod ay isang pagpapakita ng pag-ibig sa Diyos at sa Kanyang bayan.

Sa harap man o sa likod ng entablado—bawat lingkod ay mahalaga.
Bawat kamay ay may ambag. Bawat puso ay may bahagi. At bawat paglilingkod ay para sa Panginoon. 🙏✨

Salamat sa inyong lahat! Pagpalain nawa kayo ng Diyos sa inyong tapat na paglilingkod.

KAYO’Y TUNAY NA BIYAYA SA PAGLILINGKOD! 🙏✨

Noong Setyembre 5, 2026, sama-sama nating ipinagdiwang sa UCCP Poblacion 4, Victoria, Oriental Mindoro ang isang espesyal na araw ng pagkilala at pasasalamat para sa ating mga Pastor at Church Workers—mga lingkod na buong pusong naglalaan ng panahon, lakas, at buhay para sa gawain ng Panginoon at sa Kanyang sambayanan.

Sa bawat pangangaral, pananalangin, pagdalaw, pagpapayo, pagtuturo, at tahimik na paglilingkod, kayo ay nagiging kasangkapan ng Diyos upang magbigay ng pag-asa, lakas, at pananampalataya sa iba. Maaaring hindi man masuklian ng anumang materyal na bagay ang inyong sakripisyo, ngunit ang inyong katapatan ay nakikita at pinahahalagahan ng Diyos.

“Magaling, mabuti at tapat na alipin! Yamang naging tapat ka sa kakaunting bagay, pamamahalain kita sa maraming bagay. Makihati ka sa kaligayahan ng iyong panginoon.”
— Mateo 25:23

Sa lahat ng ating Pastors at Church Workers, maraming salamat sa inyong tapat na paglilingkod, walang sawang sakripisyo, at pusong handang maglingkod. Kayo ay hindi lamang mga manggagawa ng simbahan—kayo ay mga tagapagdala ng pag-ibig at presensya ng Diyos sa Kanyang bayan.

Patuloy kayong maging ilaw, gabay, at pagpapala sa marami.
Ang inyong paglilingkod ay mahalaga. Ang inyong sakripisyo ay hindi nasasayang. At higit sa lahat, ang Diyos ay nalulugod sa inyong katapatan.❤️

Mabuhay ang ating mga Pastor at Church Workers!
Salamat sa inyong tapat na paglilingkod sa Panginoon!🙏

Ngayon, ating ipinapakilala ang mga bago at regular na kaanib ng UCCP Bucayao —sa katauhan nina Dan, Eumie, Nemue at Samuel 🙌🏻✨

Magsilbi nawa silang inspirasyon na patuloy maglingkod ng may takot at pananalig sa Diyos na lumikha ng sanlibutan🤍

PRAISE AND WORSHIP | UCCP BUCAYAO’s ANNIVERSARY

Happening now the on-going fellowship and Christian’s Sunday School of UCCP Bucayao after the water baptism—started at 2 pm in the afternoon. Celebrating their fruitful and faithful days as they look back how their simple church started back then.

September 6, 2026 — SUNDAY

UCCP Local churches are now conducting their Sunday’s school, happening simultaneously.

Conference Minister (CM), Rev. Virgilio P. Tejada leads baptism and confirmation of 3 CYF and 1 water baptism as well—from UCCP Bucayao, Oriental Mindoro.

Stay tuned and wait patiently for more updates! 🤍

Yohoo, sa photographer ang tingin😉

Part 2 | Here comes the glimpse of an hours during church workers and Pastoral appreciation!

Thank you for being patient, for patient is a virtue and these photos are worth the wait💕