Zaeem Rasheed

“15 سال سے زائد عمر کی لڑکی کو زبردستی والد کے ساتھ نہیں رکھا جا سکتا”
ہائی کورٹ کا اہم فیصلہ!

محمد مصطفیٰ نے ضابطۂ فوجداری 1898 کی دفعہ 491 کے تحت ایک ہیبیس کارپس درخواست دائر کی، جس میں اپنی کمسن بیٹی کنزہ رانی کی بازیابی کی استدعا کی گئی۔ مؤقف یہ اختیار کیا گیا کہ بچی غیر متعلقہ افراد یعنی دانیہ بی بی عرف نسرین اور مزمل کے پاس رہ رہی ہے، جبکہ بطور والد اور فطری سرپرست، درخواست گزار کو اس کی تحویل سے محروم نہیں کیا جا سکتا۔

عدالت کے روبرو کنزہ رانی پیش ہوئی اور اس نے والد کو پہچانتے ہوئے ان کے ساتھ رہنے سے انکار کیا۔ اس نے بتایا کہ والد کی دوسری شادی اور سوتیلی ماں کے رویے کے باعث وہ خوفزدہ اور غیر مطمئن ہے، لہٰذا اپنی خالہ کے گھر رہنا چاہتی ہے۔ عدالت نے ابتدائی طور پر اسے دارالامان بھجوا دیا۔

ڈپٹی پراسیکیوٹر جنرل نے مؤقف اختیار کیا کہ پنجاب ڈیسٹیٹیوٹ اینڈ نیگلیکٹڈ چلڈرن ایکٹ 2004 کے تحت ایسے بچوں کی تحویل چائلڈ پروٹیکشن یونٹ کے ذریعے منظم کی جاتی ہے۔ انہوں نے مزید وضاحت کی کہ پاکستانی قوانین، بشمول Majority Act، Guardian and Wards Act اور اسلامی قانون کے مطابق 18 سال عمرِ بلوغت کی حد ہے۔ پنجاب چائلڈ میرج ریسٹرینٹ آرڈیننس 2026 کے تحت بھی لڑکی کی شادی کی کم از کم عمر 18 سال مقرر کی گئی ہے۔

عدالت نے قرار دیا کہ اگرچہ بچی بعض حوالوں سے “Destitute and Neglected Child” کے زمرے میں آ سکتی ہے، مگر چونکہ اس کی عمر 15 سال سے زائد ہے، اس لیے پنجاب ڈیسٹیٹیوٹ اینڈ نیگلیکٹڈ چلڈرن ایکٹ 2004 کے تحت اس کی تحویل کو عدالت کے ذریعے ریگولیٹ نہیں کیا جا سکتا۔

عدالت نے اہم آبزرویشن دی کہ:

* کسی بالغ یا سمجھ بوجھ رکھنے والے بڑے بچے کو اس کی مرضی کے خلاف والدین کے گھر میں زبردستی نہیں رکھا جا سکتا۔
* آزادی، وقار اور تحفظ ہر شہری کا بنیادی حق ہے۔
* والدین کا کردار جبر نہیں بلکہ رہنمائی اور تحفظ فراہم کرنا ہے۔
* مذہب اور ثقافت کو انسانی وقار اور تحفظ کے خلاف استعمال نہیں کیا جا سکتا۔

عدالت نے مزید قرار دیا کہ اگر 15 سال سے زائد عمر کا بچہ اپنی مرضی سے کسی محفوظ اور اخلاقی ماحول میں رہ رہا ہو تو اسے زبردستی والدین یا شیلٹر ہوم بھیجنا مناسب نہیں، الا یہ کہ گارڈین کورٹ باقاعدہ فیصلہ کرے۔

چنانچہ عدالت نے حکم دیا کہ کنزہ رانی کو فوراً دارالامان سے رہا کیا جائے اور وہ اپنی مرضی کے مطابق خالہ کے ساتھ رہ سکتی ہے۔ البتہ اگر والد تحویل حاصل کرنا چاہتے ہیں تو وہ متعلقہ گارڈین کورٹ سے رجوع کر سکتے ہیں، جہاں معاملہ قانون کے مطابق طے کیا جائے
— in Lahore.