Daily Chakwal

*چوآ سیدن شاہ: آن لائن ہراسانی کے الزام پر معاملہ نیشنل سائبر کرائم انویسٹی گیشن ایجنسی (NCCIA) کو بھجوا دیا گیا*
*سوشل میڈیا پر مبینہ کردار کشی کے الزام، خاتون انصاف کی منتظر*

*چوآ سیدن شاہ: مبینہ سائبر ہراسانی کے الزام کا معاملہ نیشنل سائبر کرائم انویسٹی گیشن ایجنسی (NCCIA) کے سپرد*
*آن لائن بدنامی کے الزام پر تحقیقات کے لیے نیشنل سائبر کرائم انویسٹی گیشن ایجنسی (NCCIA) متحرک*

*سوشل میڈیا کے مبینہ غلط استعمال کے الزام پر خاتون کی درخواست نیشنل سائبر کرائم انویسٹی گیشن ایجنسی (NCCIA) کو ارسال*

بیوٹیفکیشن منصوبہ: اگر آج صرف شیشے ٹوٹے ہیں تو کل خدانخواستہ جانیں بھی جا سکتی ہیں
تحریر فیضان شیخ
گزشتہ روز تلہ گنگ میں بیوٹیفکیشن منصوبے کے تحت نصب کیے گئے دو دکانوں کے شیڈ اور فرنٹ بورڈ گر گئے۔ خوش قسمتی سے اس افسوسناک واقعے میں کوئی جانی نقصان نہیں ہوا، تاہم متعدد دکانوں کے قیمتی فرنٹ شیشے ٹوٹ گئے اور دکانداروں کو مالی نقصان برداشت کرنا پڑا۔

ہماری خبر نشر ہونے کے فوراً بعد انتظامیہ متحرک ہوئی اور چند ہی منٹوں میں متاثرہ مقام کو صاف کرا دیا، جس پر انتظامیہ کی بروقت کارروائی قابلِ تحسین ہے۔ تاہم اصل سوال صرف ملبہ اٹھانے کا نہیں بلکہ اس حادثے کی وجوہات معلوم کرنے اور آئندہ ایسے واقعات کی روک تھام کا ہے۔

ہمارا مؤقف پہلے بھی یہی تھا اور آج بھی یہی ہے کہ اگر اس منصوبے کی تعمیر میں کہیں بھی غفلت، ناقص میٹریل، غیر معیاری کاریگری یا انجینئرنگ کے اصولوں سے انحراف ہوا ہے تو فوری طور پر ماہرین پر مشتمل ایک آزاد تکنیکی ٹیم سے مکمل معائنہ کروایا جائے تاکہ مستقبل میں کسی بڑے جانی یا مالی نقصان سے بچا جا سکے۔

حادثے کے بعد یہ تاثر دیا گیا کہ شیڈ نہیں گرے بلکہ دیوار گرنے کی وجہ سے شیڈ نیچے آئے۔ لیکن ایک تعمیراتی شعبے سے وابستہ شخص ہونے کے ناطے عرض کرنا چاہوں گا کہ یہ دیواریں بھی اسی بیوٹیفکیشن منصوبے کا حصہ تھیں۔ ان کی مضبوطی، معیار اور حفاظت کی ذمہ داری بھی اسی ٹھیکیدار اور متعلقہ نگران اداروں پر عائد ہوتی ہے۔

اگر دیوار پہلے سے کمزور تھی تو اس پر بھاری شیڈ اور بڑے سائز کے بورڈ کیوں نصب کیے گئے؟ اور اگر دیوار نئی تعمیر کی گئی تھی تو پھر اسے اس معیار کے مطابق کیوں نہیں بنایا گیا کہ وہ معمولی ہوا اور بارش کا بھی مقابلہ نہ کر سکی؟

اسی نوعیت کی دیواریں تلہ گنگ کے مختلف مقامات پر تعمیر کی گئی ہیں۔ اگر خدانخواستہ کسی مصروف وقت میں یہی دیوار یا شیڈ کسی راہگیر پر گر جاتا تو اس سانحے کی ذمہ داری کون قبول کرتا؟ کیا اس وقت بھی یہی وضاحتیں دی جاتیں کہ "اصل میں دیوار گری تھی، شیڈ نہیں"؟

تعمیراتی اصولوں کے مطابق ایسی فرنٹ دیواروں کو مضبوط بنانے کے لیے مناسب وقفوں سے سپورٹنگ ٹی (T) وال یا بٹرس دیے جاتے ہیں، یا پھر انہیں اسٹیل راڈز اور بھاری ٹی آئرن کے ذریعے مرکزی ڈھانچے کے ساتھ مضبوطی سے باندھا جاتا ہے تاکہ تیز ہوا، بارش اور دیگر موسمی دباؤ کا مقابلہ کیا جا سکے۔ اگر یہ حفاظتی تقاضے نظر انداز کیے گئے ہیں تو یہ معمولی غلطی نہیں بلکہ ایک سنگین تکنیکی کوتاہی ہے۔

آج صرف شیشے ٹوٹے ہیں، مگر کل خدانخواستہ کوئی انسانی جان بھی جا سکتی ہے۔ پاکستان میں موسمیاتی تبدیلیوں کے باعث تیز آندھیاں اور شدید بارشیں معمول بنتی جا رہی ہیں، اس لیے عوامی مقامات پر تعمیر ہونے والے ہر منصوبے میں معیار پر کسی قسم کا سمجھوتہ ناقابلِ قبول ہے۔

افسوس کی بات یہ بھی ہے کہ کچھ حلقوں نے اس واقعے کو اجاگر کرنے کو "درجہ چہارم کی صحافت" قرار دیا۔ سوال یہ ہے کہ کیا عوامی مفاد میں ممکنہ خطرات کی نشاندہی کرنا صحافت نہیں؟ کیا صحافت صرف حادثے کے بعد لاشیں گننے کا نام ہے، یا حادثے سے پہلے خطرے کی نشاندہی کرنا بھی اس کی بنیادی ذمہ داری ہے؟

چند ماہ قبل بابِ چکوال کے لینٹر کا گرنا ،افسوسناک واقعے میں قیمتی انسانی جانیں ضائع ہوئیں۔ ایسے سانحات سے سبق سیکھنے کے بجائے اگر آج بھی تعمیراتی معیار پر سمجھوتہ کیا جائے تو یہ انتہائی تشویش ناک ہے۔

یہ بھی حقیقت ہے کہ وزیراعلیٰ پنجاب مریم نواز شریف نے پنجاب بھر میں خوبصورتی، ترقی اور شہری سہولیات کے لیے متعدد بہترین منصوبے شروع کیے ہیں۔ اچھے کام کی تعریف کرنا بھی ہماری ذمہ داری ہے، لیکن اگر کہیں ناقص تعمیر، غفلت یا کمزور نگرانی کی وجہ سے یہی منصوبے اپنی تکمیل سے پہلے ہی مسائل پیدا کرنے لگیں تو اس سے نہ صرف عوام کو خطرہ لاحق ہوتا ہے بلکہ وزیراعلیٰ کے نیک نامی منصوبوں کی ساکھ بھی متاثر ہوتی ہے۔ ایسے عناصر جو ناقص کام کر کے منصوبوں کو بدنام کرتے ہیں، درحقیقت حکومت کی نیک نیتی کو نقصان پہنچاتے ہیں۔

ہم وزیراعلیٰ پنجاب مریم نواز شریف سے مؤدبانہ گزارش کرتے ہیں کہ اس واقعے کا نوٹس لیتے ہوئے ایک خصوصی تکنیکی ٹیم تلہ گنگ بھیجی جائے جو نہ صرف اس مقام بلکہ پنجاب بھر میں جاری بیوٹیفکیشن منصوبوں کا معیار، ڈیزائن، حفاظتی تقاضے اور تعمیراتی مضبوطی چیک کرے۔ ہر منصوبے کی باقاعدہ تکنیکی منظوری اور کوالٹی آڈٹ یقینی بنایا جائے تاکہ عوامی منصوبے عوام کے لیے سہولت اور خوبصورتی کا ذریعہ بنیں، کسی حادثے یا سانحے کا سبب نہیں۔

تنقید کا مقصد کسی منصوبے کی مخالفت نہیں بلکہ اس کی اصلاح ہے، کیونکہ مضبوط تعمیرات ہی مضبوط ریاست کی پہچان ہوتی ہیں۔

تلہ گنگ میں بیوٹی فکیشن منصوبے کے تحت لگنے والا شیڈ بمع بورڈ زمین بوس دکانداروں کے شیشے ٹوٹ گئے
اگر ٹھیکیدار کی طرف سے کوئی کام میں ناقص مٹیریل استعمال کیا گیا ہے تو اس کی انکوائری ہونی چاہیے تاکہ کسی بڑے نقصان سے بچا جا سکے