IQRA Library Akbarabad

المہدی ویلفیئر آرگنائزیشن اکبرآباد کی زیر نگرانی امامیہ کمپلیکس اکبرآباد کے تعمیراتی منصوبے کے تحت پلرز کی بنیادوں کے لیے کھدائ کا کام باقاعدہ طور پر جاری ہے۔

یہ منصوبہ مقررہ پلان کے مطابق مرحلہ وار آگے بڑھ رہا ہے۔ اللہ تعالیٰ اس کارِ خیر کو کامیابی سے ہمکنار فرمائے اور جلد از جلد پایۂ تکمیل تک پہنچائے۔ آمین۔

الحمدللہ!
المہدی ویلفیئر آرگنائزیشن اکبرآباد کی کاوشوں سے امامیہ کمپلیکس اکبرآباد کے فیز ون کے تحت لے آؤٹ کا کام بروز اتوار کامیابی کے ساتھ مکمل کر لیا گیا۔
یہ ایک اہم سنگ میل ہے جو اس عظیم منصوبے کی عملی پیش رفت کی عکاسی کرتا ہے۔ ان شاء اللہ یہ کمپلیکس مستقبل میں دینی، تعلیمی، سماجی اور فلاحی سرگرمیوں کا ایک مثالی مرکز ثابت ہوگا۔
ہم اس نیک کام میں تعاون کرنے والے تمام مخیر حضرات، ذمہ داران، رضاکاروں اور اہل علاقہ کے شکر گزار ہیں۔ اللہ تعالیٰ سب کی کاوشوں کو اپنی بارگاہ میں قبول فرمائے، اس منصوبے کو جلد از جلد پایۂ تکمیل تک پہنچائے اور اسے اہل علاقہ کے لیے باعث خیر و برکت بنائے۔ آمین۔

نوجوانان اکبرآباد کمیٹی کے زیر اہتمام اقراء لائبریری اکبرآباد میں ایک اہم اجلاس منعقد ہوا، جس میں اکبرآباد کے نوجوانوں نے بھرپور شرکت کی جبکہ ہوپ آف لائف ویلفیئر ٹرسٹ کے اراکین کی خصوصی موجودگی نے اجلاس کو مزید اہمیت بخشی۔
اجلاس میں نوجوان نسل کو درپیش مسائل، بالخصوص غیر ضروری سرگرمیوں میں وقت کے ضیاع اور تعلیم سے دوری جیسے اہم موضوعات پر تفصیلی گفتگو کی گئی۔ اس موقع پر اس عزم کا اعادہ کیا گیا کہ نوجوانوں کی مثبت رہنمائی، شعور کی بیداری اور ایک باوقار و مہذب معاشرے کی تشکیل کے لیے مشترکہ جدوجہد جاری رکھی جائے گی۔
ہوپ آف لائف ویلفیئر ٹرسٹ نے تمام طلبہ کو یقین دہانی کروائی کہ علاقے میں اس نوعیت کی مثبت سرگرمیوں میں بھرپور تعاون جاری رکھا جائے گا اور مستحق طلبہ کی تعلیم کے حوالے سے معاونت بھی فراہم کی جائے گی۔
بالخصوص محمد ظفر اقبال کی جانب سے نوجوانوں کو جدید دور کے تقاضوں کے مطابق کمپیوٹر کورسز کی طرف راغب کرنے کی کاوشوں کو بھرپور خراج تحسین پیش کیا گیا۔
Deputy Commissioner, Nagar Office of the Chief Secretary, Gilgit Baltistan @

ڈپٹی کمشنر نگر اصغر خان نے اقراء لائبریری کا خصوصی دورہ کیا۔ اس موقع پر انہوں نے لائبریری کے قیام جیسے بہترین علمی اقدام پر مقامی کمیونٹی کو خراج تحسین پیش کیا اور کہا کہ یہ قدم نوجوان نسل کے روشن مستقبل اور فروغ تعلیم میں اہم سنگ میل ہے۔