Daily Rehbar Digital

Daily Rahbar NewsPaper
2 June 2026
More details
www.dailyrehbar.com

گلگت (پ ر) گلگت بلتستان نیوز پیپرز سوسائٹی کے نائب صدر منظور حسین شاہ نے یو میڈیا نیٹ ورک کے لائیو پروگرام میں روزنامہ "گلگت بلتستان ایکسپریس" کے ایڈیٹر عامر جان سرور کے ساتھ ڈاکٹر زمان کے غیر مہذب رویے کی شدید مذمت کی ہے۔
انہوں نے کہا کہ صحافی معاشرے کی آواز ہیں اور ان کے ساتھ توہین آمیز سلوک آزادیٔ صحافت پر حملے کے مترادف ہے۔ منظور حسین شاہ نے تمام میڈیا تنظیموں سے مطالبہ کیا کہ ڈاکٹر زمان کی ڈیجیٹل اور پرنٹ میڈیا کوریج پر پابندی عائد کی جائے تاکہ آئندہ ایسے واقعات کی روک تھام ہوسکے۔
انہوں نے اس عزم کا اظہار کیا کہ صحافی برادری کے وقار، تحفظ اور آزادیٔ اظہار کے لیے ہر فورم پر آواز بلند کی جائے گی۔

سکردو(نامہ نگار) سکردو کے علاقے ہوتو شیرپیا میں اسلامی تحریک پاکستان کے زیر اہتمام ایک پروقار اور کامیاب شمولیتی پروگرام کا انعقاد کیا گیا، جس میں اسلامی تحریک پاکستان کے مرکزی ڈپٹی جنرل سیکرٹری محمد علی قائد، علماء کرام، عمائدینِ علاقہ، معززین، بزرگوں اور نوجوانوں کی بڑی تعداد نے شرکت کی۔
تقریب کے دوران عوام نے شیخ نثار حسین سرباز کے ساتھ اپنی بھرپور محبت، اعتماد اور حمایت کا اظہار کرتے ہوئے اس عزم کا اعادہ کیا کہ عوامی خدمت، اتحاد اور ترقی کے مشن میں وہ ہر قدم پر ان کے شانہ بشانہ کھڑے رہیں گے۔
اس موقع پر مقررین نے خطاب کرتے ہوئے کہا کہ عوام کی بڑھتی ہوئی حمایت اس بات کا واضح ثبوت ہے کہ اسلامی تحریک پاکستان عوام کے دلوں کی آواز بن چکی ہے اور انشاءاللہ آنے والے انتخابات میں کامیابی اسلامی تحریک پاکستان کا مقدر ہوگی۔
تقریب کے اختتام پر علاقے کی ترقی، عوامی مسائل کے حل اور اتحاد و اتفاق کے فروغ کے عزم کا بھی اظہار کیا گیا۔

#سکردو #ہوتوشیرپیا #محمدعلیقائد #شیخنثارحسینسرباز

گلگت(رھبر نیوز) نگر حلقہ نمبر 5 سے نوجوان سیاستدان ریاض اکبر نے اپنے ساتھیوں سمیت مجلس وحدت مسلمین میں باقاعدہ شمولیت اختیار کر لی۔ شمولیتی تقریب صوبائی سیکریٹریٹ گلگت میں منعقد ہوئی جس میں پارٹی رہنماؤں، کارکنان اور مختلف سیاسی شخصیات نے شرکت کی۔
سیاسی حلقوں کے مطابق گزشتہ روز مجلس وحدت مسلمین کے پارلیمانی بورڈ کے اجلاس میں حلقہ نمبر 5 نگر سے مختلف امیدواروں نے انٹرویوز دیے تھے جن میں شیخ ذاکر حسین، ریاض اکبر، وزیر جہانگیر ،حاجی رضوان، فیصل شایری سمیت دیگر افراد شامل تھے۔ پارلیمانی بورڈ نے سفارشات مرتب کرکے اعلیٰ قیادت کو ارسال کیں، جس کی منظوری کے بعد آزاد امیدوار ریاض اکبر کو مشترکہ امیدوار نامزد کرتے ہوئے ٹکٹ جاری کر دیا گیا۔
اس موقع پر ریاض اکبر نے کہا کہ وہ عوامی مسائل کے حل اور حلقے کی ترقی کے لیے مشترکہ پلیٹ فارم سے بھرپور کردار ادا کریں گے۔
سیاسی مبصرین کے مطابق پاکستان تحریک انصاف اور مجلس وحدت مسلمین کے مشترکہ امیدوار کی حیثیت سے ریاض اکبر کی انٹری نے حلقہ نمبر 5 نگر کی انتخابی فضا کو مزید گرم کر دیا

#الیکشن2026