SM Media Network

گلگت(پ۔ر)پاکستان مسلم لیگ (ن) گلگت بلتستان کے صوبائی صدر و قائدِ حزبِ اختلاف گلگت بلتستان اسمبلی حافظ حفیظ الرحمن کی گلگت بلتستان کے بجٹ پاس کرنے کیلئے وزیراعلی گلگت بلتستان کی غیر سنجیدگی کے باعث پیدا ہونے والی صورتحال پر گفتگو کرتے ہوئے کہاہےکہ مالی سال 27-2026 کے بجٹ کے حوالے سے پیدا ہونے والا آئینی و مالیاتی تعطل اور گلگت بلتستان نئے مالی سال کے آغاز سے قبل گلگت بلتستان میں ایک سنگین آئینی اور انتظامی بحران کی صورت اختیار کرتا جا رہا ہے۔گلگت بلتستان آرڈر 2018 کے مطابق مالی سال یکم جولائی سے شروع ہو کر 30 جون کو اختتام پذیر ہوتا ہے۔لہٰذا مالی سال27_2026 کا سالانہ بجٹ یکم جولائی سے قبل تیار،پیش،زیرِ بحث، منظور اور قانونی طریقہ کار کے مطابق توثیق شدہ ہونا ضروری ہے تاکہ حکومت کے امور بلا تعطل جاری رہ سکیں۔قائد حزب اختلاف حفیظ الرحمن نے مزید کہاکہ گلگت بلتستان آرڈر 2018 کے آرٹیکل 35 اور 36 کے تحت انتظامی اختیارات حکومتِ گلگت بلتستان کے ذریعے استعمال کیے جاتے ہیں، جس کی سربراہی وزیراعلی کرتے ہیں اور کابینہ ان کے ساتھ مل کر حکومتی امور چلاتی ہے۔اس لیے ایک فعال اور آئینی طور پر قائم حکومت کا وجود مالی اور انتظامی ذمہ داریوں کی ادائیگی کے لیے ناگزیر ہے۔یہ ایک حقیقت ہے کہ گلگت بلتستان اسمبلی نے 22 جون 2026 کو وزیراعلی کا انتخاب کرلیا ہے۔تاہم یہ امر انتہائی تشویشناک ہے کہ منتخب وزیراعلی 2 جولائی 2026 سے قبل حلف اٹھانے کے لیے آمادہ نہیں ہیں۔اس تاخیر نے ایسے وقت میں ایک غیر ضروری آئینی خلاء پیدا کردیا ہے جب حکومت کو نئے مالی سال کے بجٹ سمیت اہم مالیاتی ذمہ داریاں پوری کرنا ہیں۔
آرٹیکل 71 واضح طور پر یہ تقاضا کرتا ہے کہ حکومت ہر مالی سال کے لیے آمدن اور اخراجات کے تخمینوں پر مشتمل سالانہ بجٹ اسمبلی کے سامنے پیش کرے۔اسمبلی کو اس بجٹ پر بحث اور منظوری کا اختیار حاصل ہے،جس کے بعد اسے آئینی تقاضوں کے مطابق نافذ کیا جاتا ہے۔انہوں کہاکہ آرٹیکل 73 یہ واضح کرتا ہے کہ اسمبلی سے منظور شدہ یا قانون کے مطابق منظور تصور کیے جانے والے سالانہ یا ضمنی بجٹ کے بغیر سرکاری خزانے سے کوئی اخراجات نہیں کیے جاسکتے۔اس لیے 30 جون 2026 کے بعد بغیر قانونی بجٹ منظوری کے کسی بھی قسم کے سرکاری اخراجات نہ صرف آئینی بلکہ مالیاتی سوالات کو بھی جنم دیں گے۔یہاں یہ امر بھی قابلِ ذکر ہے کہ آرٹیکل 72 ایک غیر معمولی صورتِ حال کے لیے وضع کیا گیا ہے,یعنی جب اسمبلی تحلیل ہوچکی ہو اور بجٹ کی منظوری دینے کے قابل نہ ہو۔موجودہ صورتحال میں اسمبلی موجود ہے،فعال ہے اور اس نے وزیراعلی کا انتخاب بھی کرلیا ہے۔ لہٰذا آرٹیکل 72 کی غیر معمولی شق کو انتظامی سستی یا سیاسی تاخیر کے جواز کے طور پر استعمال نہیں کیا جا سکتا۔قائدِ حزبِ اختلاف کی حیثیت سے ہمارا واضح مؤقف ہے کہ آئینی عہدے کسی فرد کی ذاتی سہولت یا سیاسی مصلحت کے تابع نہیں ہوسکتے۔جب اسمبلی کسی شخص کو وزیراعلی منتخب کر دے تو اس پر آئینی، قانونی اور اخلاقی ذمہ داری عائد ہوتی ہے کہ وہ بلاتاخیر حلف اٹھائے اور حکومتی نظام کے تسلسل کو یقینی بنائے،خصوصاً بجٹ اور عوامی خدمات کے معاملات میں۔لہٰذا ہم مطالبہ کرتے ہیں کہ منتخب وزیراعلی سے فوری طور پر حلف لیا جائے۔کابینہ کی تشکیل میں مزید تاخیر نہ کی جائے۔آرٹیکل 71 کے مطابق مالی سال 2026-27 کا بجٹ فوری طور پر اسمبلی میں پیش کیا جائے۔آرٹیکل 73 کی مکمل پاسداری کو یقینی بنایا جائے اور قانونی منظوری کے بغیر کوئی سرکاری اخراجات نہ کیے جائیں۔آئینی اور مالیاتی بحران سے بچنے کے لیے گلگت بلتستان اسمبلی کا ہنگامی اجلاس فوری طلب کیا جائے۔قائد حزبِ اختلاف ہر ایسے قانونی،آئینی اور جمہوری اقدام میں تعاون کے لیے تیار ہے جو گلگت بلتستان کے عوام کے مفادات کے تحفظ اور حکومتی نظام کے تسلسل کو یقینی بنائے۔تاہم ہم کسی بھی ایسی کوشش کی بھرپور مخالفت کریں گے جس کے ذریعے آئینی تقاضوں کو نظرانداز کیا جائے یا عوامی خزانے کو اسمبلی کی منظوری کے بغیر استعمال کیا جائے۔
انہوں نے کہاکہ گلگت بلتستان کے عوام شفافیت، آئین کی بالادستی اور مستحکم حکمرانی کے حق دار ہیں۔آئینی ذمہ داریوں کو مؤخر نہیں کیا جاسکتا اور نہ ہی عوامی مفادات کو سیاسی تاخیر کا یرغمال بنایا جا سکتا ہے۔

وفاقی پبلک سروس کمیشن اسلام آباد کی جانب سے محکمہ قانون و انصاف گلگت بلتستان میں اسسٹنٹ ڈپٹی پبلک پراسیکیوٹرز کی خالی اسامیوں پر تقرری کے لیے امتحان میں کامیاب ہونے والے امیدواروں کی تعیناتی کی سفارش

گلگت بلتستان اسمبلی کے رکن امجد حسین ایڈوکیٹ وزیر اعلی گلگت بلتستان تعینات،سروسز جنرل ایڈمنسٹریشن اور کابینہ ڈیپارٹمنٹ سے نوٹیفکیشن جاری

امجد حسین کی بحیثیت وزیر اعلی گلگت بلتستان تعیناتی کا نوٹیفکیشن جاری ، عہدے کا حلف لینے کے بعد فرائض سر انجام دیں گے

گلگت: وفاقی وزیر برائے امور کشمیر و گلگت بلتستان انجینئر امیر مقام نے گلگت بلتستان اسمبلی کے نو منتخب سپیکر عمران ندیم کو بلا مقابلہ سپیکر منتخب ہونے پر کال کرکے مبارکباد پیش کی۔
ٹیلی فونک گفتگو کے دوران وفاقی وزیر نے سپیکر اسمبلی کی خیریت دریافت کرتے ہوئے ان کے لیے نیک تمناؤں کا اظہار کیا۔ انہوں نے اس امید کا اظہار بھی کیا کہ نو منتخب سپیکر اسمبلی اپنی ذمہ داریاں مؤثر انداز میں انجام دیتے ہوئے ایوان کی کارروائی کو جمہوری روایات، آئینی تقاضوں اور پارلیمانی اقدار کے مطابق چلانے میں اہم کردار ادا کریں گے۔
سپیکر گلگت بلتستان اسمبلی نے وفاقی وزیر انجینئر امیر مقام کی جانب سے مبارکباد اور نیک خواہشات پر ان کا شکریہ ادا کرتے ہوئے کہا کہ وہ ایوان کے وقار، پارلیمانی روایات کے فروغ اور عوامی مسائل کے مؤثر حل کے لیے اپنی ذمہ داریاں بھرپور انداز میں نبھانے کی کوشش کریں گے۔

دیامر سے گلگت تک رینٹ اےکار سروس کا نیا کرایہ نامہ جاری

نو اور 10 محرم الحرام کو ملک بھر میں تعطیل کا اعلان