Markhor Times

گلگت // صوبائی وزیرِ تعلیم گلگت بلتستان امان علی عامر کی زیرِ صدارت ضلع دیامر کے تعلیمی مسائل، تعلیمی اداروں کی موجودہ صورتحال اور اصلاحاتی اقدامات کے حوالے سے اہم اجلاس منعقد ہوا۔ اجلاس میں ڈپٹی اسپیکر ملک کفایت الرحمن، صوبائی وزیرِ داخلہ محمد دلپذیر صوبائی وزیرِ تعمیرات محمد نسیم، ممبر صوبائی اسمبلی عطا اللہ خان ، سیکرٹری سکول ایجوکیشن ظفر وقار تاج ڈائریکٹر جنرل اسکولز محمد مرتضیٰ، ڈائریکٹر کالجز محمد عالم ، ڈائریکٹر ایجوکیشن دیامر و استور اور ڈپٹی ڈائریکٹر دیامر اور دیگر متعلقہ افسران نے شرکت کی۔
اجلاس کے دوران ضلع دیامر کے سرکاری تعلیمی اداروں کی مجموعی صورتحال، اساتذہ و طلبہ کو درپیش مسائل، اسکولوں میں بنیادی سہولیات کی فراہمی، انفراسٹرکچر، تدریسی معیار، اساتذہ و طلبہ کی حاضری، اسکولوں کی مانیٹرنگ اور جاری تعلیمی اصلاحات کا تفصیلی جائزہ لیا گیا۔ متعلقہ حکام نے ضلع میں تعلیمی شعبے کی بہتری کے لیے جاری اقدامات، درپیش رکاوٹوں اور مستقبل کی ترجیحات کے حوالے سے اجلاس کو بریفنگ دی۔
اس موقع پر منتخب نمائندگان نے اپنے حلقوں میں تعلیمی اداروں کو درپیش مسائل، اساتذہ کی کمی، بنیادی سہولیات اور دیگر اہم امور سے صوبائی وزیرِ تعلیم کو آگاہ کیا اور ان کے حل کے لیے تجاویز پیش کیں۔
صوبائی وزیرِ تعلیم امان علی عامر نے کہا کہ دیامر میں معیاری تعلیم کی فراہمی حکومت کی اہم ترجیحات میں شامل ہے۔ انہوں نے متعلقہ افسران کو ہدایت کی کہ اسکولوں میں تدریسی عمل کو مؤثر بنایا جائے، اساتذہ اور طلبہ کی حاضری کو یقینی بنایا جائے، اسکولوں کی باقاعدگی سے مانیٹرنگ کی جائے اور طلبہ کی تعلیمی کارکردگی میں بہتری کے لیے عملی اقدامات کیے جائیں۔
انہوں نے مزید ہدایت کی کہ تعلیمی اداروں میں دستیاب وسائل کو مؤثر انداز میں بروئے کار لاتے ہوئے بنیادی سہولیات کی فراہمی اور انفراسٹرکچر سے متعلق مسائل کو ترجیحی بنیادوں پر حل کیا جائے۔ صوبائی وزیر نے واضح کیا کہ افسران صرف دفتری امور تک محدود نہ رہیں بلکہ فیلڈ میں موجود رہ کر اسکولوں کی صورتحال، تدریسی عمل اور اساتذہ کی کارکردگی کی مؤثر نگرانی کریں۔
اجلاس میں اس عزم کا اظہار کیا گیا کہ ضلع دیامر میں تعلیمی معیار کو مزید بہتر بنانے، اسکولوں میں نظم و ضبط اور حاضری کے نظام کو مؤثر بنانے اور طلبہ کو بہتر تعلیمی ماحول فراہم کرنے کے لیے محکمہ تعلیم اور منتخب نمائندگان باہمی رابطے کے ساتھ اقدامات جاری رکھیں گے۔

تانگیر کو دبئی بنائیں گے نئے صوبے بنے تو ہم بھی وزیراعظم بن سکیں گے امجد ایڈوکیٹ نے سب کو یکساں بجٹ تقسیم کیا ہے
ڈپٹی اسپیکر ملک کفایت الرحمان کی عمران شیر خان کے پروگرام مین گفتگو

عالمی یومِ قلب 2026 گلگت کارڈیک ہسپتال میں عالمی تھیم "دل کی دھڑکن کو نظر انداز نہ کریں" (Don’t Miss the Beat) کے تحت منایا گیا۔

تقریب میں محکمۂ صحت گلگت بلتستان کے ایڈیشنل سیکریٹری، جناب ارشاد حسین نے بطور مہمانِ خصوصی شرکت کی۔

تقریب میں میڈیکل سپرنٹنڈنٹ، کنسلٹنٹ کارڈیالوجسٹس، میڈیکل آفیسرز، نرسنگ اسٹاف، پیرا میڈیکل اسٹاف، مریضوں اور ان کے لواحقین نے شرکت کی۔

"آئیے مل کر ہر دھڑکن کی حفاظت کریں اور ایک صحت مند مستقبل کی بنیاد رکھیں۔"

سکردو: علی شیر خان انچن پولو ٹورنامنٹ کے فائنل کے اختتام پر مقپون پولو گراؤنڈ قیدی نمبر 804 کے نعروں سے گونج اٹھا۔

چترال کی فوزیہ کیسے قدیمی ثقافتی ملبوثات کو اجاگر کر رہی ہیں

سکردو کی انیلہ نے ایک ہزار سے کاروبار شروع کیا تھا آج لاکھوں کما رہی ہیں

شیلہ نور کامیاب کاروباری کے طور سامنےآ رہی ہیں جنہوں نے بڑی محنت سے کاروبار کو شروع کیا

گلگت کی نائیلہ سلیم کیسے خودکفیل بنی؟

خواتین کو بااختیار بنانے کے لیئے AKRSPکے تعاون سے ایک پروگرام کا انعقاد کیا جس میں گلگت بلتستان سمیت چترال سے بھی خواتین نے شرکت کی