Yasin Valley

السلام علیکم دوستو!
کل میں گلگت سے یاسین آ رہا تھا۔ جب ہم راوشن کے مقام پر پہنچے تو سامنے سے اسلام آباد نمبر کی ایک گاڑی آ رہی تھی۔
ہماری گاڑی میں 14 مسافر سمیت خواتین بھی موجود تھے اور سڑک انتہائی تنگ ہونے کی وجہ سے ہماری گاڑی کو سائیڈ دینے کے لیے پیچھے جگہ موجود نہیں تھی۔ ہم نے سامنے والی گاڑی کے ڈرائیور سے مؤدبانہ انداز میں کہا کہ گاڑی کو تھوڑا سا سائیڈ دیں تاکہ دونوں گاڑیاں بحفاظت گزر سکیں۔
لیکن اسی دوران مذکورہ شخص نے اپنی گاڑی سے AK-47 نکال لی اور اسلحہ دکھا کر ہمیں ڈرانے کی کوشش کی۔ ہم نے صورتحال کو مزید خراب کرنے کے بجائے تحمل اور اخلاق کا مظاہرہ کیا اور معاملہ ختم کیا۔
ہم سے ایک غلطی ضرور ہوئی کہ ہم اس گاڑی کا نمبر نوٹ نہ کر سکے۔
اب سوال یہ ہے کہ امن کی سرزمین ضلع غزر میں اس طرح اسلحہ لہرا کر عام مسافروں کو خوفزدہ کرنا کہاں تک مناسب ہے؟
راستے میں معمولی ٹریفک کے مسئلے پر اسلحہ نکالنا نہ صرف انتہائی تشویشناک ہے بلکہ دوسروں کی جان و سلامتی کے لیے بھی خطرہ بن سکتا ہے۔
ہم متعلقہ اداروں سے اپیل کرتے ہیں کہ ایسے واقعات کا سنجیدگی سے نوٹس لیا جائے تاکہ ضلع غزر کی پُرامن فضا خراب نہ ہو اور مسافروں کو راستے میں کسی قسم کے خوف کا سامنا نہ کرنا پڑے۔

فرق واضح ہے 😆😀

اِنَّا لِلّٰهِ وَاِنَّا إِلَيْهِ رَاجِعُونَ
نہایت رنج و غم کے ساتھ یہ دل خراش خبر موصول ہوئی کہ وادیٔ یاسین کے علاقے ہندور سے تعلق رکھنے والے پاک فوج کے بہادر سپوت شہید نائیک نصرت وطنِ عزیز کے دفاع کا مقدس فریضہ انجام دیتے ہوئے جامِ شہادت نوش کر گئے۔
شہادت ایک ایسا عظیم رتبہ ہے جو اللہ تعالیٰ اپنے برگزیدہ بندوں کو عطا فرماتا ہے۔ شہید نائیک نصرت نے اپنی جان کا نذرانہ پیش کر کے مادرِ وطن کی حفاظت، قومی سلامتی اور آنے والی نسلوں کے محفوظ مستقبل کے لیے لازوال قربانی دی۔ ان کی بہادری، فرض شناسی، ایثار، حب الوطنی اور جذبۂ خدمت ہمیشہ یاد رکھے جائیں گے اور قوم کے لیے باعثِ فخر رہیں گے۔
ہم اس عظیم سانحے پر شہید کے اہلِ خانہ، عزیز و اقارب اور پوری قوم سے دلی تعزیت اور ہمدردی کا اظہار کرتے ہیں۔ اللہ تعالیٰ شہید نائیک نصرت کی کامل مغفرت فرمائے، ان کے درجات بلند فرمائے، ان کی قبر کو جنت کے باغوں میں سے ایک باغ بنا دے، انہیں جنت الفردوس میں اعلیٰ مقام عطا فرمائے، اور تمام لواحقین کو صبرِ جمیل، حوصلہ اور استقامت عطا فرمائے۔
آمین یا رب العالمین۔ 🤲🇵🇰
شہداءِ وطن ہماری قوم کا سرمایۂ افتخار، ہماری آزادی کی ضمانت اور ہماری بقا کی علامت ہیں۔ ان کی بے مثال قربانیاں ہمیشہ ہمارے دلوں میں زندہ رہیں گی اور آنے والی نسلوں کے لیے حوصلے، وفا اور حب الوطنی کا روشن استعارہ بنی رہیں گی۔

Congratulations 🎈🎊🎉