Jk Production

کوٹلی آزاد کشمیر میں انٹرنیٹ سروس بحال ہونا شروع

کوٹلی آزاد کشمیر کے نار، راجدھانی، دولیاں جٹاں، کلپور، جرھوئی اور پرائی میں وائی فائی/انٹرنیٹ سروس بحال ہونا شروع ہو گئی ہے۔

تاہم تتہ پانی، سرساوہ اور پنجیڑہ میں تاحال انٹرنیٹ سروس معطل ہے۔

سابق وزیراعظم آزاد کشمیر اور مسلم لیگ ن کے مرکزی رہنما راجہ محمد فاروق حیدر خان نے کہا ہے کہ صدر مسلم لیگ ن آزاد کشمیر شاہ غلام قادر کی جماعت کے لیے بہت خدمات ہیں ان کے مشورے اور رہنمائی کی مسلم لیگ ن کی نئی حکومت کو بہت ضرورت ہے نئی حکومت جلد فیصلے کرے پونچھ کے حالات کو معمول پر لانے کے لیے اقدامات اٹھائے جائیں .جاری بیان میں راجہ محمد فاروق حیدر خان نے کہا کہ "شاہ غلام قادر ہمارے صدر ہیں۔ ان کو کسی صورت باہر نہیں رکھا جا سکتا۔ مسلم لیگ ن کی حکومت کے لیے ان کی سرپرستی اور رہنمائی ناگزیر ہے. مسلم لیگ ن ایک منظم جماعت ہے اور آزاد کشمیر میں پارٹی کی کامیابیوں کا سہرا تمام عوام کے ساتھ ساتھ سینئر رہنماؤں اورصدر شاہ غلام قادر کی قیادت اور کارکنوں کی محنت کو جاتا ہے۔ موجودہ سیاسی صورتحال میں پارٹی کو متحد رکھنے اور حکومت کو مضبوط بنیاد فراہم کرنے کے لیے صدر کی مشاورت اور راہنمائی اولین ترجیح ہے.مسلم لیگ ن عوامی فلاح کے ایجنڈے پر کام کر رہی ہے اور صدر شاہ غلام قادر کی زیر قیادت جماعت اور نومنتخب وزیراعظم کی قیادت میں قائم حکومت آزاد کشمیر کے عوام کے حقوق اور ترقی کے لیے اپنا کردار ادا کرتی رہے گی۔انہوں نے کہا کہ انٹرنیٹ کی جزوی بحالی کے بجاے پورے آزاد کشمیر میں بیک وقت انٹرنیٹ بحال کیا جاۓ

وزیراعظم آزادکشمیر کے دھرنا ختم کرنے کے بیان پر جموں و کشمیر جوائنٹ عوامی ایکشن کمیٹی نے 3 مطالبات پر دھرنا ختم کرنے کی پیشکش کر دی۔۔*

🟣جبری طور پر گمشدہ کئے گئے افراد کو رہا کیا جائے۔۔

🟣 عوام کے نقصان کا ازالہ کیا جائے۔
🟣 4 اکتوبر 2025ء کے معائدے پر مکمل عمل درآمد کیا جائے۔
ان سب باتوں پر عملدرآمد کے بعد تمام دھرنے ختم کر دئے جائیں گئے۔

بصورت دیگر جموں کشمیر جوائنٹ عوامی ایکشن کمیٹی شہداء کی قربانیوں، اسیران کی قربانیوں، تاجران ، ٹرانسپورٹرز، اوورسیز ، وکلاء ، طلباء، سیاسی کارکنان اور غیرت مند کشمیری عوام کی قربانیوں کو کسی صورت رائیگاں نہیں جانے دے گی۔