Local Government Elections & Rural Development Department KP

گزشتہ شب CRBC کینال میں شگاف پڑنے اور سیلابی صورتحال کے بعد تحصیل میونسپل ایڈمنسٹریشن (TMA) پہاڑپور کے اہلکار ہنگامی بنیادوں پر امدادی سرگرمیوں میں مصروفِ عمل ہیں۔

شدید سیلاب سے متاثرہ علاقوں میں انسانوں اور جانوروں کو محفوظ مقامات تک منتقل کرنے کے ساتھ ساتھ سیلاب متاثرین کے لیے امدادی سامان کی ترسیل اور تقسیم کا عمل بھی جاری ہے۔

محکمہ لوکل گورنمنٹ، الیکشنز اینڈ رورل ڈویلپمنٹ خیبرپختونخوا کی متعلقہ فیلڈ ٹیمیں ہنگامی صورتحال میں عوام کی خدمت اور معاونت کے لیے متحرک ہیں۔

فرض شناسی کی ایک قابلِ تحسین مثال ۔
رات 3 بجے، جب شہر سکون کی نیند سو رہا تھا، تحصیل میونسپل ایڈمنسٹریشن (TMA) چارسدہ کے محنتی کارکن برسوں سے بند نالیوں کی صفائی اور بحالی کے لیے اپنے فرائض انجام دے رہے تھے۔
یہ محض صفائی کا کام نہیں، بلکہ اپنے علاقے اور فرائض سے بے لوث وابستگی، محنت، ذمہ داری اور عوامی خدمت کی ایک بہترین مثال ہے۔ ایسے فرض شناس اور محنتی کارکن ہی عوامی خدمت کے اصل ہیرو ہیں۔
سلام ہے ان محنتی کارکنوں کو، جو وقت کی پروا کیے بغیر عوام کی خدمت میں مصروفِ عمل رہتے ہیں۔

محکمہ لوکل گورنمنٹ، الیکشنز اینڈ رورل ڈویلپمنٹ خیبرپختونخوا میں جنرل بس اسٹینڈ پشاور سے متعلق ایک اہم اجلاس منعقد ہوا، جس کی صدارت سیکرٹری لوکل گورنمنٹ، الیکشنز اینڈ رورل ڈویلپمنٹ خیبرپختونخوا نے کی۔
اجلاس میں پشاور ڈویلپمنٹ اتھارٹی (PDA) اور کیپیٹل میٹروپولیٹن گورنمنٹ پشاور (CMG) کے نمائندگان نے شرکت کی۔
اجلاس میں جنرل بس اسٹینڈ سے متعلق انتظامی امور، موجودہ صورتحال اور مستقبل کے لائحہ عمل پر غور کیا گیا، جبکہ عوام کو بہتر اور مؤثر سہولیات کی فراہمی کے لیے مختلف امور کا جائزہ لیا گیا۔

محکمہ لوکل گورنمنٹ، الیکشنز اینڈ رورل ڈویلپمنٹ خیبر پختونخوا میں صوبائی حکومت کے وژن اور اوپن ڈور پالیسی کے تحت ایک اہم اجلاس منعقد ہوا، جس کی صدارت سیکرٹری لوکل گورنمنٹ، الیکشنز اینڈ رورل ڈویلپمنٹ خیبر پختونخوا نے اپنے دفتر میں کی۔

صوبائی حکومت خیبر پختونخوا کے احکامات اور وژن کے تحت محکمہ بلدیات کے متعلقہ ذیلی ادارے صفائی مہم میں بھرپور کردار ادا کر رہے ہیں۔ مختلف علاقوں میں روزانہ کی بنیاد پر صفائی کی سرگرمیاں جاری ہیں، جن کے دوران سڑکوں، گلیوں اور عوامی مقامات سے کچرا اٹھا کر ماحول کو صاف ستھرا بنایا جا رہا ہے۔

ان اقدامات کا مقصد شہریوں کو صاف، صحت مند اور خوشگوار ماحول فراہم کرنا ہے۔

عوام سے اپیل ہے کہ صفائی برقرار رکھنے کے لیے اپنا کردار ادا کریں، کچرا مقررہ مقامات پر ڈالیں اور اپنے اردگرد کے ماحول کو صاف رکھنے میں انتظامیہ کے ساتھ تعاون کریں۔

صاف ماحول، صحت مند زندگی — ہم سب کی مشترکہ ذمہ داری۔

عوامی شکایت پر فوری کارروائی — کچہری قبرستان ڈیرہ اسماعیل خان کی صفائی۔

عوامی شکایت کا بروقت ازالہ، محکمہ بلدیات خیبر پختونخوا کی ترجیح۔

کچہری قبرستان، ڈیرہ اسماعیل خان میں صفائی کی ناقص صورتحال سے متعلق شکایت موصول ہونے پر سیکرٹری لوکل گورنمنٹ، الیکشنز اینڈ رورل ڈویلپمنٹ ڈیپارٹمنٹ نے فوری نوٹس لیتے ہوئے محکمہ کے متعلقہ ذیلی اداروں کو قبرستان کی صفائی اور بحالی کے لیے ضروری اقدامات کی ہدایت کی۔

ہدایت پر ڈائریکٹوریٹ لوکل گورنمنٹ، ٹی ایم اے اور ڈبلیو ایس ایس سی ڈیرہ اسماعیل خان کے عملے نے مشترکہ صفائی آپریشن کرتے ہوئے:
قبرستان سے جھاڑیاں اور غیر ضروری گھاس صاف کی۔
درختوں کی تراش خراش کی۔
ملبہ اور دیگر غیر ضروری مواد ہٹایا۔
قبرستان کی مجموعی صفائی اور ماحول کو بہتر بنایا۔

یہ اقدام اس عزم کا اظہار ہے کہ عوامی شکایات پر فوری کارروائی اور شہریوں کو بہتر بلدیاتی خدمات کی فراہمی محکمہ لوکل گورنمنٹ کی اولین ترجیحات میں شامل ہے۔

صوبائی حکومت خیبرپختونخوا کے وژن اور وزیرِ بلدیات خیبرپختونخوا کی ہدایات کی روشنی میں محکمہ لوکل گورنمنٹ کی جانب سے عوامی سہولیات کی بہتری، صفائی ستھرائی اور انسدادِ ڈینگی کے لیے عملی اقدامات کا سلسلہ جاری ہے۔

ہنگامی بحالی کا آپریشن:
شدید بارش کے باعث سڑک پر لینڈ سلائیڈنگ سے جمع ہونے والے بھاری ملبے کو ہٹانے کے لیے بلدیاتی عملہ ہنگامی بنیادوں پر کلیئرنس آپریشن میں مصروفِ عمل ہے۔ اس اقدام کا مقصد سڑک کی بحالی، ٹریفک کی روانی کو یقینی بنانا اور عوام کے محفوظ سفر کو ممکن بنانا ہے۔

صفائی اور انسدادِ ڈینگی:
متعلقہ بلدیاتی اداروں کے سینیٹیشن عملے کی جانب سے مختلف علاقوں اور بازاروں میں صفائی، نالیوں کی صفائی، جمع شدہ گندگی کو مناسب طریقے سے ٹھکانے لگانے اور ممکنہ ڈینگی افزائش گاہوں کے خاتمے کے لیے مؤثر اقدامات جاری ہیں۔

محکمہ لوکل گورنمنٹ، الیکشنز اینڈ رورل ڈویلپمنٹ خیبر پختونخوا میں آج سروس ڈیلیوری کے حوالے سے ایک اہم اجلاس منعقد ہوا۔

اجلاس میں عوام کو فراہم کی جانے والی بلدیاتی خدمات کے معیار، موجودہ سروس ڈیلیوری میکانزم، درپیش مسائل اور عوامی سہولیات میں مزید بہتری کے لیے مختلف اقدامات کا تفصیلی جائزہ لیا گیا۔

اجلاس کے دوران District Service Delivery Conference (DSDC) Dashboard کا بھی جائزہ لیا گیا اور مختلف اضلاع میں سروس ڈیلیوری کی صورتحال، کارکردگی اور متعلقہ اشاریوں پر پیش رفت کا جائزہ لیا گیا۔

اجلاس میں شفاف، مؤثر اور عوام دوست سروس ڈیلیوری کو یقینی بنانے، عوامی شکایات کے بروقت ازالے اور متعلقہ اداروں کی کارکردگی کو مزید بہتر بنانے پر زور دیا گیا۔

ہفتہ وار صفائی اور ڈینگی سے بچاؤ مہم کے تحت تحصیل میونسپل ایڈمنسٹریشن کرم میں صفائی سرگرمیاں جاری۔

آج بروز بدھ، 02 ستمبر 2026، صوبائی حکومت خیبر پختونخوا کی ہدایات پر ہفتہ وار صفائی اور ڈینگی سے بچاؤ مہم کے تحت تحصیل میونسپل ایڈمنسٹریشن کرم کے عملے کی جانب سے مختلف علاقوں میں صفائی اور نکاسیٔ آب کی خصوصی سرگرمیاں انجام دی گئیں۔

اس دوران مختلف دفاتر، رہائشی علاقوں اور عوامی مقامات میں نالیوں کی صفائی کی گئی، جبکہ صفائی کے دوران نکالا گیا کچرا موقع سے فوری طور پر اٹھا کر مناسب طریقے سے ٹھکانے لگایا گیا۔

ان سرگرمیوں کا مقصد بہتر نکاسیٔ آب، ممکنہ ڈینگی افزائش گاہوں کا خاتمہ اور شہریوں کے لیے صاف ستھرا و صحت مند ماحول یقینی بنانا ہے۔