Jamote

کوئٹہ، ابڑو ہاؤس

جاموٹ یوتھ بلوچستان کی امن کمیٹی و قبائلی امور کے سینئر ممبر اور سابق ڈائریکٹر جنرل ہیلتھ بلوچستان، ڈاکٹر سلیم اختر ابڑو جاموٹ سے جاموٹ قومی موومنٹ کے سینئر رہنماؤں نے ابڑو ہاؤس، کوئٹہ میں ملاقات کی۔

ملاقات کرنے والے وفد میں کونسلر محمد عالم کھرل جاموٹ، ٹھیکیدار در محمد میرالی، علی گوہر ٹانوری جاموٹ، جاموٹ قومی موومنٹ (JQM) جعفرآباد کے سینئر نائب صدر میر محمد ابڑو جاموٹ اور ڈپٹی جنرل سیکرٹری ظفر اللہ ابڑو جاموٹ شامل تھے۔

ملاقات کے دوران علاقائی، قبائلی اور عوامی مسائل، امن و امان کی صورتحال، سماجی ہم آہنگی، باہمی اتحاد اور عوامی فلاح و بہبود سے متعلق امور پر تفصیلی تبادلہ خیال کیا گیا۔۔۔۔۔۔۔۔

اس موقع پر اس عزم کا اظہار کیا گیا کہ قبائلی روایات، بھائی چارے، امن کے قیام اور عوامی مفادات کے تحفظ کے لیے مشترکہ کاوشوں کو مزید مؤثر اور منظم انداز میں جاری رکھا جائے گا تاکہ علاقے میں پائیدار امن، ترقی اور خوشحالی کو فروغ مل سکے۔

جاموٹ یوتھ بلوچستان کے صوبائی رہنما امن کمیٹی و قبائلی امور کے سنئیر ممبر و سابق ڈائریکٹر جنرل ہیلتھ بلوچستان ڈاکٹر سلیم اختر ابڑو جاموٹ کا جاموٹ اقوام کو پیغام

سیال ہاؤس لاڑکانہ سندھ

"پَنهنجا پاڻ سڃاڻ، ته سڄو جهان تنهنجو ٿي پوندو."

"اگر انسان اپنی اصل اور اپنی پہچان کو جان لے تو پوری دنیا اس کے لیے محبت، عزت اور کامیابی کا راستہ بن جاتی ہے۔"

قبائلی روایات میں اصل کامیابی طاقت کے اظہار میں نہیں بلکہ برداشت، دانشمندی اور صلح میں ہوتی ہے۔ یہی وہ راستہ ہے جو معاشروں کو نفرت سے نکال کر امن، بھائی چارے اور ترقی کی طرف لے جاتا ہے۔

جاموٹ یوتھ بلوچستان نے ایک بار پھر امن، بھائی چارے اور سماجی ہم آہنگی کے فروغ کے لیے اہم کردار ادا کیا۔ اس موقع پر جاموٹ یوتھ بلوچستان کے امن کمیٹی و قبائلی امور کے سینئر ممبر و سابق ڈائریکٹر جنرل ہیلتھ بلوچستان ڈاکٹر سلیم اختر جاموٹ، سردار طارق سیال جاموٹ، سردار زادہ نجف خان کماریو ابڑو جاموٹ اور فریقِ دوم بگٹی برادری کے معزز مشیران نے شرکت کی۔

اجلاس میں بگٹی اور کلہوڑا برادریوں کے درمیان جاری خونی تنازع کو تحمل، تدبر اور روایتی قبائلی اقدار کی روشنی میں زیرِ بحث لایا گیا۔ بزرگوں، معززین اور مشیران کی دانشمندانہ کاوشوں کے نتیجے میں اس دیرینہ تنازع کو خوش اسلوبی سے حل کر لیا گیا، جس پر دونوں برادریوں نے اطمینان اور رضامندی کا اظہار کیا۔

یہ کامیابی اس حقیقت کا ثبوت ہے کہ جب نیت خالص، مقصد امن اور قیادت مخلص ہو تو برسوں پرانے اختلافات بھی محبت، احترام اور افہام و تفہیم کے ذریعے ختم کیے جا سکتے ہیں۔ ایسے اقدامات نہ صرف متاثرہ خاندانوں کے لیے باعثِ سکون ہوتے ہیں بلکہ پورے معاشرے میں امن، اتحاد اور بھائی چارے کی فضا کو مضبوط کرتے ہیں۔

جاموٹ یوتھ بلوچستان ہمیشہ کی طرح امن، انصاف، بھائی چارے اور قبائلی ہم آہنگی کے فروغ کے لیے اپنا مثبت کردار ادا کرتی رہے گی، کیونکہ مضبوط معاشرے کی بنیاد باہمی احترام، برداشت اور اتفاق میں پوشیدہ ہے۔

اللہ تعالیٰ دونوں برادریوں کے درمیان اس بھائی چارے، محبت اور صلح کو ہمیشہ قائم رکھے اور بلوچستان و سندھ کو امن، ترقی اور خوشحالی کا گہوارہ بنائے۔ آمین۔

جاموٹ یوتھ بلوچستان

شاہ عبداللطیف بھٹائی کا خوبصورت پیغامِ امن،

"بھلے ہی نفرت کی چنگاریاں ہر طرف پھیل جائیں، لیکن تم محبت کا وہ دریا بنو جو ہر آگ کو بجھا دے۔ کیونکہ دنیا کا حسن صرف امن اور بھائی چارے میں ہی پوشیدہ ہے۔"

معروف سیاسی سماجی و قبائلی رہنما اور امن کے سفیر، جاموٹ یوتھ بلوچستان کے صوبائی رہنما، امن کمیٹی و قبائلی امور کے سینئر ممبر اور سابق ڈائریکٹر جنرل ہیلتھ بلوچستان ڈاکٹر سلیم اختر ابڑو جاموٹ کی سربراہی میں ایک معزز وفد نے گوٹھ بہار خان لہڑی ضلع شکار پور آمد

اس اہم وفد میں سابق ایم پی اے سردار طارق خان سیال جاموٹ، میر اسد خان کھرل جاموٹ، سید ریاض شاہ، ذوالفقار خان جھکرانی اور دیگر علاقے کے معتبرین شامل تھے۔

اس ملاقات کا بنیادی مقصد کچھ عرصہ قبل معرفانی ابڑو جاموٹ اور لہڑی برادری کے درمیان ہونے والے جھگڑے کو سلجھانا تھا

جس میں لہڑی برادری کا ایک قیمتی جانی نقصان ہوا تھا۔

ڈاکٹر سلیم اختر ابڑو جاموٹ نے گوٹھ بہار خان لہڑی ضلع شکار پور آمد کی۔ مخلصانہ درخواست کی کہ دونوں برادریوں کا باہمی فیصلہ رکھا جائے تاکہ علاقے میں پائیدار امن قائم ہو سکے اور مستقبل میں مزید کسی بھی خون ریزی سے بچا جا سکے۔

اس اہم امن ثالثی کردار کے بعد، ڈاکٹر سلیم اختر ابڑو جاموٹ کی سربراہی میں وفد نے جاگن آمد کی، جہاں انہوں نے سردار بابل خان بھیو جاموٹ کے کزن کے انتقال پر گہرے دکھ اور افسوس کا اظہار کرتے ہوئے پسماندگان سے تعزیت کی۔

بعد ازاں، وفد رتودیرو پہنچا جہاں سردار علی نواز گھاگنرو جاموٹ کے بھائی انور خان گھاگنرو جاموٹ کی وفات پر ان کے اہل خانہ سے دلی ہمدردی اور تعزیت کی گئی اور مرحومین کے درجات کی بلندی کے لیے دعا کی گئی۔

جاموٹ یوتھ بلوچستان