Senator Rozi khan kakar

کوئٹہ: پاکستان پیپلز پارٹی کے مرکزی رہنما سینیٹر روزی خان کاکڑ سے ضلع شیرانی کے قبائلی عمائدین اور نوجوانوں نے پارٹی سیکریٹریٹ آفس میں ملاقات کی۔

ملاقات کے دوران ضلع شیرانی کو درپیش مسائل اور عوامی فلاح و بہبود سے متعلق مختلف امور پر تفصیلی تبادلۂ خیال کیا گیا۔

اس موقع پر سینیٹر روزی خان کاکڑ نے قبائلی عمائدین کو یقین دہانی کرائی کہ ان شاء اللہ ضلع شیرانی کے مسائل کے حل اور عوام کی آواز کو ہر فورم پر مؤثر انداز میں اٹھانے کے لیے بھرپور کردار ادا کیا جائے گا۔

اس موقع پر پاکستان پیپلز پارٹی کے سینئر ساتھی، کوئٹہ سٹی کے عہدیداران ضلعی عہدیداران اور جیالے بھی موجود تھے۔

کوئٹہ: پاکستان پیپلز پارٹی کے مرکزی رہنما سینیٹر روزی خان کاکڑ نے بلوچستان امن کمیٹی کے سربراہ لالا یوسف خلجی کی اہلیہ اور کامران خان خلجی کی والدہ کے انتقال پر ان سے اظہارِ تعزیت کیا اور مرحومہ کے ایصالِ ثواب کے لیے فاتحہ خوانی کی۔

اس موقع پر انہوں نے دعا کی کہ اللہ تعالیٰ مرحومہ کی مغفرت فرمائے، انہیں جنت الفردوس میں اعلیٰ مقام عطا کرے اور پسماندگان کو یہ صدمہ صبر و استقامت کے ساتھ برداشت کرنے کی توفیق دے۔ آمین۔

کوئٹہ: پاکستان پیپلز پارٹی کوئٹہ سٹی کے زیر اہتمام آج سٹی سیکریٹریٹ سرکی روڈ پر تقریب کا انعقاد کیا گیا۔

تقریب میں پاکستان پیپلز پارٹی کے مرکزی رہنما سینیٹر روزی خان کاکڑ توسط سے اور پی پی پی کوئٹہ سٹی کے صدر نورالدین کاکڑ کی موجودگی میں صوبائی وزیر ایریگیشن میر محمد صادق عمرانی کی جانب سے پارٹی کے کارکنوں اور جیالوں میں ملازمتوں کے تقرری آرڈرز تقسیم کیے گئے۔

اس موقع پر پی پی پی کوئٹہ سٹی کے صدر نورالدین کاکڑ نے کارکنوں میں تقرری آرڈرز تقسیم کرتے ہوئے کہا کہ پارٹی کے وفادار کارکنوں کی خدمات اور جدوجہد کو ہمیشہ سراہا جائے گا۔

ملازمتوں کے تقرری آرڈرز حاصل کرنے والوں میں پاکستان پیپلز پارٹی کوئٹہ سٹی کے میڈیا کوآرڈینیٹر ظفر خان داوی، پی ایس ایف کے اسرار شاہوانی، مصویر خان، صوبائی کونسل کے رکن حاجی عبدالغفور سلیمانخیل، کوئٹہ سٹی کے کونسل ممبران عبدالواحد باکسر، اللہ نور ترین اور دیگر ساتھی شامل تھے۔

اس موقع پر پارٹی جیالوں نے صوبائی وزیر ایریگیشن میر محمد صادق عمرانی، پاکستان پیپلز پارٹی کے مرکزی رہنما سینیٹر روزی خان کاکڑ اور پی پی پی کوئٹہ سٹی کے صدر نورالدین کاکڑ کا خصوصی شکریہ ادا کرتے ہوئے کہا کہ پارٹی کارکنوں کو روزگار کے مواقع فراہم کرنا ایک قابلِ تحسین اقدام ہے، جس سے کارکنوں کی حوصلہ افزائی ہوئی ہے اور ان کی خدمات کا اعتراف بھی کیا گیا ہے۔

تقریب میں پاکستان پیپلز پارٹی کوئٹہ سٹی کے عہدیداران، سینئر ساتھیوں اور کارکنوں کی بڑی تعداد نے شرکت کی۔

کوئٹہ: پاکستان پیپلز پارٹی کے مرکزی رہنما اور بلدیاتی الیکشن سیل کے سربراہ سینیٹر روزی خان کاکڑ سے سیول سیکریٹریٹ بلدیاتی الیکشن سیل آفس میں مختلف اضلاع کے عہدیداران اور کارکنان نے ملاقات کی۔

ملاقات کے موقع پر بلدیاتی انتخابات، پارٹی تنظیمی امور اور عوامی مسائل پر تفصیلی تبادلہ خیال کیا گیا۔

سینیٹر روزی خان کاکڑ نے عہدیداران اور کارکنان پر زور دیا کہ وہ پارٹی پیغام کو گھر گھر پہنچانے اور عوامی خدمت کے جذبے کے ساتھ اپنی ذمہ داریاں ادا کریں۔

انہوں نے کہا کہ پاکستان پیپلز پارٹی ایک عوامی جماعت ہے جو جمہوری اقدار اور عوامی حقوق کے تحفظ پر یقین رکھتی ہے، اور بلدیاتی انتخابات میں پارٹی کو مزید مضبوط اور فعال بنانے کے لیے تمام کارکنان کا کردار انتہائی اہم ہے۔

ملاقات میں پارٹی کی تنظیمی سرگرمیوں کو مزید مؤثر بنانے اور باہمی رابطوں کو مضبوط کرنے پر بھی اتفاق کیا گیا۔