Physiofix

مش كل تمرين لازم يكون مثالي… المهم إنك تستمر. 🤍

القوة ما بتنبنى بيوم، والتغيير ما بيصير من تمرين واحد ،الفرق الحقيقي بصنعه الالتزام و الاستمرار.

عندك وجع بالرقبة؟ 👀

👈 مش دايمًا المشكلة بتكون في الفقرات نفسها أحيانًا بيكون في تغيّر بطريقة عمل عضلات الرقبة قوتها او توازنها .

الـDeep Neck Flexors هي عضلات عميقة بتساعد على تثبيت الرقبة والتحكم بحركتها.
عند بعض الأشخاص اللي عندهم ألم بالرقبة، ممكن تقل قدرتها على التحمل والتحكم، ويتغيّر معها عمل باقي عضلات الرقبة.

⁉️ عشان هيك، بنستخدم اختبارات مثل هذا الاختبار لتقييم قدرة عضلات الرقبة العميقة على التحمل والتحكم.

📊 والأبحاث بتشير إن تدريب هذه العضلات ممكن يساعد بعض الأشخاص اللي عندهم ألم بالرقبة على تحسين وظيفة العضلات وتقليل الألم.

⚠️ ممكن تجرب الاختبار إذا ما عندك إصابة أو أعراض مقلقة بالرقبة.

🚨وقف الاختبار إذا زاد ألم الرقبة، أو ظهر ألم حاد، دوخة، تنميل، ضعف، صداع غير معتاد، أو أي أعراض جديدة.

👈 وإذا عندك ألم مستمر أو إصابة بالرقبة، الأفضل تقييم الحالة أولًا بدل الاعتماد على الاختبار لحاله.

الالتزام و الصبر و الخطة العلاجية الصح هم الحل 👌

🚨قالولك إن التنميل بسبب ديسك أو عصب مضغوط؟
وبتعاني من تنميل وخز أو أعراض بتمد إلى الذراع واليد؟؟

👈🏻 ممكن تمارين الـ Nerve Flossing تساعد على تحسين حركة العصب وتخفيف هذه الأعراض عند بعض الأشخاص.

⚠️ هاي التمارين هدفها تخفيف الأعراض وتحسين حركة العصب، وهي مش علاجًا للسبب الأساسي بحد ذاتها.

❌ إذا زادت الأعراض أثناء التمرين أو استمرت بالتفاقم بعده، وقف واستشر طبيبك او اخصائي العلاج الطبيعي .

🚨 عندك انحراف بالعمود الفقري أو حدبة؟

👈 هذا تمرين أساسي من تمارين Schroth، بنساعد فيه الجسم على الوصول إلى استطالة وتصحيح ثلاثي الأبعاد للعمود الفقري (3D Elongation).

⚠️ بنثبت على الوضعية ونأخذ 8–10 أنفاس مع الحفاظ على الاستطالة والتصحيح.

💖 التمرين وطريقة التصحيح بتختلف حسب نوع وشكل الانحراف.

⁉️ حوضك بطق لما تعمل بعض التمارين؟ 👀

👈 الطَقّة ممكن يكون إلها أكثر من سبب؛ أحيانًا بتكون بسبب حركة وتر أو نسيج حول مفصل الورك، وأحيانًا يكون مصدرها من داخل المفصل.

🚨 في نقطة مهمة الطَقّة لحالها مش معناها إن في مشكلة.
خصوصًا إذا كانت بدون ألم أو أعراض ثانية.

طيب ليش عدّلنا الحركة بالفيديو؟ 🤔

👈 لأن تغيير مدى الحركة ووضعية الجسم ممكن يغيّر الطريقة اللي بتتحرك فيها الأنسجة حول المفصل، وبالتالي ممكن نلاقي مدى مريح نقدر نعمل فيه التمرين بدون ظهور الطقّة.

⚠️ مش الهدف إننا نخاف من كل صوت أو نمنع الحركة، الهدف نلاقي حركة مريحة ومناسبة لجسمك. 🤍

🚨 إذا الطقّة معها ألم، أو تورم، أو إحساس بقفل المفصل أو عدم ثبات، خصوصًا إذا ظهرت بعد إصابة، الأفضل تقييمها بدل تجاهلها .

زهقتي من تمارين كيجل؟ 👀

👈 جربي هالتمرين بطريقة مختلفة لتدريب منطقة قاع الحوض.

🚨 لانه قاع الحوض مش عضلات بتشتغل لحالها هي جزء من منظومة بتتعاون مع عضلات الورك، الـglutes، الـcore والحجاب الحاجز للمساعدة في التحكم بالضغط وثبات الحوض أثناء الحركة.

عشان هيك، تدريب قاع الحوض مش دايمًا معناه “اضغطي واثبتي” وبس ، أحيانًا بنحتاج ندرّب الحركة، التحكم، التنسيق والتنفس كمان.

وهذا التمرين بدمج حركة الورك مع التحكم بالحوض، مع مقاومة من الـband والـblock.

⚠️ وكيجل مش تمرين سيئ!
لكن مش كل شخص بحاجة لنفس التمرين؛ خصوصًا إذا كان في زيادة شد بقاع الحوض، ألم، أو أعراض أخرى.

🚨 إذا عندك مشكلة فعلية بقاع الحوض، التقييم عند أخصائية متخصصة بيساعدك تعرفي شو جسمك محتاج بالضبط.

عندك دوخة؟ مشاكل بالتوازن؟ أو أعراض مرتبطة بالجهاز الدهليزي؟ 👀

بنحب نخبركم إنه صار بإمكانكم الاستفادة من خدمات Vestibular & Balance Rehabilitation في مركزنا 🤍

🎯 هدفنا مش بس نخفف الأعراض، لكن نعمل تقييم مناسب ونحدد السبب ونبني خطة تأهيل حسب كل حالة.

إذا كنت بتعاني من دوخة، عدم ثبات، أو مشاكل بالتوازن، تواصل معنا لمعرفة إذا كان Vestibular Rehabilitation مناسب لحالتك.

وأكيد ما بنسى اشكر الدكتورة عليا Prof-Alia Alghwiri على المحتوى العلمي والتدريب المميز، وعلى كل المعلومات والخبرة اللي شاركتها معنا خلال الدورة.

📩 للحجز والاستفسار، تواصلوا معنا عبر الرسائل