Hanbile Youth Development Initiative

Shirweynaha Haweenka Puntland iyo Reer Hanbile

ururka Hanbile Youth Development Initiative waxay sharaf u ahayd ka qaybgalka Shirweynaha Haweenka Puntland, oo ah madal muhiim ah oo lagu xoojinayo awoodsiinta haweenka, horumarinta sinnaanta fursadaha, kor u qaadidda waxbarashada, helitaanka adeegyada caafimaadka iyo caddaaladda, iyo kordhinta ka qaybgalka haweenka ee nabad-dhiska iyo dowladnimada.

Waxaan si gaar ah ugu mahadcelinaynaa Ministry of Women Development & Family Affairs Dowladda Puntland, dadaalka iyo abaabulka shirkan muhiimka ah, kaas oo horseedaya wada-tashi iyo horumar ku saabsan doorka haweenka ee bulshada.

Waxaan si diirran u soo dhoweynaynaa daah-furka BAYA Professional Women’s Network. Waa hindise ay horseedeen gabdho ka faa’iideystay barnaamijka Rising Voices: Young Women’s Leadership and Political Participation, waana mid ka tarjumaysa saameynta barnaamijka iyo sida haweenka dhallinyarada ah ay u horseedayaan isbeddel bulsho.

Maanta oo ah Maalinta Haweenka Adduunka, waxaan hambalyo iyo bogaadin u diraynaa dhammaan haweenka Soomaaliyeed iyo kuwa caalamka. Maalintani waa fursad lagu xuso kaalinta muhiimka ah ee haweenku ku leeyihiin horumarinta bulshada, dhismaha nabadda, iyo hoggaaminta mustaqbalka.

Xarunta Hanbile Youth Development Initiative waxay aaminsan tahay in awoodsiinta haweenka iyo gabdhaha dhalinyarada ay tahay furaha horumar waara, caddaalad, iyo bulsho loo siman yahay. Waxaan sii xoojin doonaa dadaalladayada ku aaddan kobcinta hoggaaminta haweenka, ka qaybgalka siyaasadda, iyo horumarinta xirfadaha dhalinyarada.

Hambalyo dhammaan haweenka aduunka, gaar ahaan haweenka Soomaaliyeed ee si geesinimo leh uga shaqeeya isbeddelka iyo horumarka bulshada.

“Marka haweenku horumaraan, bulshadu way horumartaa.”

Hanbile Youth Development Initiative waxay hambalyo iyo bogaadin u diraysaa Guddoomiyaha Guddiga Xaquuqul Insaanka Soomaaliya, Dr. Maryan Qaasim, oo ku guulaysatay xilkan qaran kaddib doorasho ka dhacday magaalada Muqdisho.

Bahda Hanbile waxay u rajeynayaan Guddoomiyaha guul, horumar iyo in ay si hufan uga shaqeyso ilaalinta, horumarinta iyo difaaca xuquuqda aadanaha ee Soomaaliya, gaar ahaan xuquuqda haweenka, dhallinyarada iyo bulshada nugul.

Mar kale, hambalyo iyo guul baan kuu rajaynaynaa.

Maanta, taariikhdu tahay 22-ka bisha, waxaa la qabtay kulan gorfeyn iyo falanqeyn oo ku saabsan buugga “Fanka Fagaare-ka Hadalka,” waxaana soo jeediyey qoraha dhiganahan, Abshir Abdiqadir Aden, iyadoo diiradda la saaray muhiimadda fanka iyo hadalka fagaareyaasha ee wacyigelinta bulshada iyo kobcinta fikirka.