Componente Terrestre

𝐌𝐢𝐥𝐢𝐭𝐚𝐫 𝐅-𝐅𝐃𝐓𝐋 𝐂𝐨𝐦𝐩𝐨𝐧𝐞𝐧𝐭𝐞 𝐓𝐞𝐫𝐫𝐞𝐬𝐭𝐫𝐞 𝐇𝐚𝐥𝐚𝐨 𝐋𝐢𝐦𝐩𝐞𝐳𝐚 𝐈𝐡𝐚 𝐀𝐫𝐞𝐚𝐝𝐨𝐫 𝐉𝐚𝐫𝐝𝐢𝐦 𝐇𝐞𝐫𝐨𝐢 𝐅𝐚𝐭𝐮𝐦𝐚𝐤𝐚

11 Agostu 2026

(𝐌𝐞𝐝𝐢𝐚 𝐂𝐓) Militár FALINTIL- FDTL husi Componente Terrestre (CT), hala’o limpeza iha areadores Jardim dos Herois Martire da Patria Fatumaka Baucau.

Objetivu husi limpeza ne'e hanesan parte ida hodi hamos areadores Jardim nian, nune’e iha loron 18 fulan ne’e sei tau aifuan iha ossuario refere hanesan sentidu respetru no ondra ba heroi no heroina-sira.

Iha limpeza nee komanda husi Alfres Francisco dos Santos, Sarjentu no prasas.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐌𝐢𝐥𝐢𝐭𝐚𝐫 𝐅𝐞𝐦𝐞𝐧𝐢𝐧𝐚 𝐅-𝐅𝐃𝐓𝐋 𝐤𝐨𝐧𝐭𝐢𝐧𝐮𝐚 𝐇𝐚𝐥𝐨 𝐓𝐫𝐞𝐢𝐧𝐚𝐦𝐞𝐧𝐭𝐮 𝐈𝐡𝐚 𝐀𝐫𝐞𝐚 𝐎𝐩𝐞𝐫𝐚𝐬𝐢𝐨𝐧𝐚𝐥

(𝐌𝐞𝐝𝐢𝐚 𝐂𝐓) Militár femenina F-FDTL nain-41 kompostu husi husi Componente Terrestre (CT), Componente Naval (CN), Forsa Apoio Geral (FAG), Unidade Apoio Servisu (UAS), Polisia Militar (PM), Unidade FALINTIL (UF) kontinua halo treinamentu kona-ba tiru kombate, ne'ebé fasilita husi instrutor Nova Zelandia nomos instrutor F-FDTL.

Treinu tiru kombate refere hanesan kontinuasaun husi treinamentu Manutensaun no kapasitasaun husi Pelotão Femenina hodi fahe esperensia ba malu entre forsa rua ne’e.

Tiru kombate hala’o iha Kareira de Tiru Bubur Laran Baucau durante loron tolu hahu husi 5-7/8/2026. Tuir Planu treinamentu ne'e ho durasaun semana-6 hahu husi loron 21/07/2026, nune sei termina iha loron 28/08/2026.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐌𝐢𝐥𝐢𝐭𝐚𝐫 𝐅-𝐅𝐃𝐓𝐋 𝐂𝐓 𝐓𝐮𝐢𝐫 𝐌𝐢𝐬𝐚 𝐀𝐠𝐫𝐚𝐝𝐞𝐬𝐞𝐦𝐞𝐧𝐭𝐮 𝐇𝐨𝐝𝐢 𝐇𝐚𝐧𝐨𝐢𝐧 𝐇𝐢𝐤𝐚𝐬 𝐋𝐨𝐫𝐨𝐧 40 𝐅𝐚𝐥𝐞𝐬𝐢𝐦𝐞𝐧𝐭𝐮 𝐆𝐞𝐫𝐢𝐥𝐥𝐞𝐢𝐫𝐮 "𝐋𝐮 𝐎𝐥𝐨 𝐍𝐢𝐚𝐧

(𝐌𝐞𝐝𝐢𝐚 𝐂𝐓) Loron Sexta Feira, 07 Agostu 2026, FALINTIL-FDTL, Componente Terrestre (CT), ekipa ida komanda husi Xefe Kapelañia Alferes Constancio Marques, tuir misa agradesementu iha Paroquia Sagrado Coração de Jesus Vila-Nova Baucau,hodi hanoin hikas loron 40 falesimentu Saudozu Ex. Prezidente Repúblika Dr. Francisco Guterres Lu-Olo nian.

Misa agradesementu refere prejide husi Pe.Vigário Geral Pe. Alípio Pinto, iha ne'ebé partisipa husi komunidade sivil nomos militar inklui autoridade sira.

Funu-nain FALINTIL , hanesan mos Eiz Prezidenti RDTL Francisco Gutteres Lu Olo hakotu peregrinasaun iha mundu iha loron, 21/06/2026.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐌𝐢𝐢𝐭𝐚𝐫 𝐂𝐓 𝐇𝐚𝐥𝐨 𝐄𝐱𝐩𝐨𝐳𝐢𝐬𝐚𝐮𝐧 𝐄𝐤𝐢𝐩𝐚𝐦𝐞𝐧𝐭𝐮 𝐌𝐢𝐥𝐢𝐭𝐚𝐫 𝐁𝐚 𝐊𝐨𝐦𝐮𝐧𝐢𝐝𝐚𝐝𝐞 𝐒𝐢𝐫𝐚 𝐈𝐡𝐚 𝐁𝐚𝐮𝐜𝐚𝐮

(𝐌𝐞𝐝𝐢𝐚 𝐂𝐓) Militar F-FDTL, husi Componente Terrestre (CT) ne'ebé komanda husi Kapitaun Cerilo da Conceição, ho ekipa halo expozisaun ekipamentus militar ba komunidade no estudante sira iha feira ne'ebe organiza husi SEFOPE ne'ebé realiza Centro Convensaun Baucau.

Feira refere ho tema “Ajente futuru brilante liu husi asesu ba informasaun karreira, rede profissional, formasaun vokasional, edukasaun no programa servisu iha rai laran no rai liur”.

Iha feira ne'e ekipa aprezenta kona-ba arma no atrbitu sira, inklui aktividade ne'ebé kada loron militár-sira halo nomós ezistensia F-FDTL nian hahú husi inisiu tó ohin loron.

Iha feira ba expo ne'e, komunidade no estudante barak interesante hakbesik ba iha Stand CT, hodi buka hatene kona-ba istória nomos funsaun husi ekipamentus ne'ebé durante ne'e militár sira utiliza.

Feira refere realiza durante loron rua hahu husi, 06-07/08/2026, hetan partisipasaun masimu husi estudante sira, iha ne'ebé komunidade kreativu sira apresenta sira nia produtu no ekipamentu sira.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐊𝐨𝐦𝐩𝐞𝐭𝐢𝐬𝐚𝐮𝐧 𝐎𝐫𝐝𝐞𝐦 𝐔𝐧𝐢𝐝𝐚 𝐂𝐨𝐦𝐩𝐨𝐧𝐞𝐧𝐭𝐞 𝐓𝐞𝐫𝐫𝐞𝐬𝐭𝐫𝐞 𝐎𝐤𝐮𝐩𝐚 2° 𝐋𝐮𝐠𝐚𝐫

Metinaro, 06 Agostu 2026

(𝐌𝐞𝐝𝐢𝐚 𝐂𝐓) Militar husi FALINTIL-Forsa Defesa Timor-Leste (F-FDTL) kompostu husi mane ho feto husi Componente Terrestre (CT), Componente Naval (CN) inklui militar-sira ne'ebe tuir formasaun iha Centru Instrusaun Komandante Nicolau Lobato (CICNL), Metinaro halo kompetisaun ba ordem Unida.

Objetivu husi Atividade refere hanesan planu husi komandu F-FDTL hodi prepara ba komemora loron Loronn FALINTIL, 20 Agostu ba dala-51 ne'ebe tuir planu sei selebra iha Baucau Kelikai.

Aktividade ba kompetisaun ne'e halo abertura husi Segundu komandate CICNL Major David Leopoldo Dos Santos, hetan partisipasaun husi ofisiais husi Kada Componente no unidade-sira, inklui adidu militar-sira husi rai-liur.

Aktividade refere organiza seksaun Igualidede Jeneru, Kapitaun Marquita da Cunha. iha ne'ebé ELTF Metinaro 1• Lugar, Componente Terrestre 2• Lugar no Componente Naval 3• Lugar.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐓𝐞𝐧𝐞𝐧𝐭𝐞 𝐂𝐨𝐫𝐨𝐧𝐞𝐥 𝐇𝐞𝐥𝐢𝐨 𝐃𝐢𝐚𝐬 𝐐𝐮𝐢𝐧𝐭𝐚𝐬 𝐒𝐢𝐦𝐮 𝐤𝐧𝐚𝐚𝐫 𝐅𝐨𝐮𝐧 𝐇𝐚𝐧𝐞𝐬𝐚𝐧 𝐄𝐬𝐭𝐚𝐝𝐮 𝐌𝐚𝐢𝐨𝐫 𝐂𝐨𝐦𝐩𝐨𝐧𝐞𝐧𝐭𝐞 𝐓𝐞𝐫𝐫𝐞𝐬𝐭𝐫𝐞

(𝐌𝐞𝐝𝐢𝐚 𝐂𝐓) Komandu Componente Terrestre (CT), realiza serimónia tomada de pose hodi fó pose ba Tenente Coronel Helio Felipe Dias Quintas hodi asume knaar hanesan Estadu Maior Componente Terrestre, nomós Major Pinto João Afonso ho Kapitaun Gaspar da Silva Ximenes asume knaar hanesan Komandante no segundu komandante 1° Batalhão.

Toma Pose refere hanesan mudansa interna, akontese tanba komandante sesante Tenente Coronel Helio Dias Quintas, hetan nomeasaun hodi asume knaar hanesan Estadu Maior Componente Terrestre.

Hafoin fo pose liu husi diskursu komandante Componente Terrestre Coronel Opersaun Espesiais Domingos Da Costa Soares ",DOBU" husu ba estrutura foun atu serbisu ho masimu hodi halao misaun hotu ne'ebé komandu fo.

“Lia menon, ita mak sai inan no aman ba batalhão, Unidade no Kompanhia sira, ne’e servisu todan ida ba komandante sira kontrola servisu iha baze no fronteira. Tamba ne’e komfiansa ne’ebé iha kaer metin, tula iha kabas, todan ita todan hotu, kaman ita kaman hotu”.

Nia hatutan "Maske servisu ne’ebé todan, maibé, ha’u fiar katak laos buat foun ba Estadu Maior no komandante batalhão no segundu Komandante apoiu masimu hodi kontrola no kuidadu sira, lao tuir regras ne’ebé implementa ona".hatutan Coronel DOBU.

Iha biban ne'e Komandante CT husu ba militar hotu hotu nafatin serbisu ho vontade no disiplina hodi alkansa misaun hotu hotu ne'ebé komandu planeia.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐊𝐨𝐦𝐚𝐧𝐝𝐮 𝐅-𝐅𝐃𝐓𝐋 𝐊𝐨𝐧𝐭𝐢𝐧𝐮𝐚 𝐎𝐛𝐬𝐞𝐫𝐯𝐚 𝐅𝐚𝐭𝐢𝐧 𝐁𝐚 𝐬𝐞𝐥𝐞𝐛𝐫𝐚𝐬𝐚𝐮 𝐋𝐨𝐫𝐨𝐧 𝐅𝐀𝐋𝐈𝐍𝐓𝐈𝐋 𝐈𝐡𝐚 𝐀𝐛𝐮𝐥𝐢𝐫 𝐊𝐞𝐥𝐢𝐤𝐚𝐢

(𝐌𝐞𝐝𝐢𝐚 𝐂𝐓) Komandu F-FDTL liu husi Xefe Estadu Maior, Brigadeiro Jeneral José da Costa Soares “TRIX”, hamutuk ho Vise Ministru Infraestruturas Obras Publik (MOP), Julio do Carmo no Segundu Komandante Componente Terrestre, Tenente Coronel Abel da Costa Xavier “NIKI” observa direta fatin preparasaun ba selebrasaun 20 agostu ne’ebé sei realiza iha Aldeia Kairedo, Suku Abolir Matebian Postu Administrativu Kelikai Munisipiu Baucau.

Iha observasaun ne'e komandu F-FDTL hamutuk ho ekipa inklui lia nain sira husi kelikai, halao uluk Seremónia Kulturál tuir tradisaun Kelikai nian, hodi husu lisensa ba natureza molok halo preparasaun.

Tuir observasaun dadaun ne’e iha terrenu Kompañia Engenñeria F-FDTL hamutuk IGE I.P uza makina pesadu hodi ateru fatin seremónia nian
inklui dalan.

Tuir kalendariu Nasional loron 20 fulan Agustu hanesan loron konsagradu ba komemorasaun Loron FALINTIL. Nune’e kada tinan Povu Timor-Leste selebra loron importante ne'e, hodi fó onra ba luta FALINTIL sira-nian durante tinan 24 tó Timor Leste hetan nia ukun rasik aan hanesan nasaun independente no soberanu iha mundu rai klaran.

Iha etapa ba oservasaun partisipa husi PNTL, Prezidente Komisaun Ezekutiva Servisu Corporativu EDTL E.P, Prezidente Komisaun Ezekutiva (KE) BTL, E.P akompaña hosi Jestór DOM, Instituto Gestão Ekipamento, Vise-Prezidente Consellu Combatentes Libertasaun Nasional (CCLN) Autoridade lokal Munisípiu Baucau.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝗙-𝗙𝗗𝗧𝗟 𝗖𝗼𝗺𝗽𝗼𝗻𝗲𝗻𝘁𝗲 𝗧𝗲𝗿𝗿𝗲𝘀𝘁𝗿𝗲 𝗛𝗮𝘀𝗮'𝗲 𝗕𝗮𝗻𝗱𝗲𝗶𝗿𝗮 𝗡𝗮𝘀𝗶𝗼𝗻𝗮𝗹 𝗥𝗗𝗧𝗟 𝗕𝗮 𝗦𝗲𝗺𝗮𝗻𝗮 𝗗𝗮𝗵𝘂𝗹𝘂𝗸 𝗙𝘂𝗹𝗮𝗻 𝗔𝗴𝘂𝘀𝘁𝘂

Baucau, 03 Agostu 2026.

(𝗠𝗲𝗱𝗶𝗮 𝗖𝗧) Instituisaun FALINTIL-Forsa Defeza Timor-Leste (F-FDTL) husi Componente Terrestre (CT) ohin loron 03/08/2026, hasa’e Bandeira Nasional Repúblika Democrática Timor-Leste (RDTL) ba semana dahuluk fulan Agostu tinan 2026 nian iha Kampu Parada Baucau, nomos iha postu destakadu iha territóriu nasional.

Iha Isar bandeira Nasional,ne'e Estadu Maior CT, Tenente Coronel Helio Dias Quintas, nafatin husu ba militar sira kontinua halo serbisu ne'ebé komadu planeia ona.

“Husu ba militár hotu-hotu ita servisu tuir programa ne’ebé iha hotu ona, ne’ebé ida-idak lao tuir nia programa semana ida ne’e nia laran ita atu hotu atu hala’o”.

Bandeira Nasional hanesan Simbólu Nasional RDTL nian. Nune’e kada fulan primeiru husi loron inisiu, Instituisaun hotu-hotu inklui Instituisaun FALINTIL-forsa Defeza de Timor-Leste hasa’e bandeira Nasional Timor-Leste hodi fó onra, no hananu Hino Nasional ”Patria Patria”.

𝗘𝗸𝗶𝗽𝗮 𝗠𝗲𝗱𝗶𝗮 𝗖𝗧

𝐓𝐞𝐧𝐞𝐧𝐭𝐞 𝐂𝐨𝐫𝐨𝐧𝐞𝐥 "𝐍𝐢𝐤𝐢" 𝐑𝐞𝐩𝐫𝐞𝐳𝐞𝐧𝐭𝐚 𝐂𝐄𝐌𝐆𝐅𝐀 𝐏𝐚𝐫𝐭𝐢𝐬𝐢𝐩𝐚 𝐈𝐧𝐚𝐠𝐮𝐫𝐬𝐚𝐮𝐧 𝐁𝐚𝐥𝐤𝐚𝐮𝐧 𝐔𝐧𝐢𝐤𝐮 𝐢𝐡𝐚 𝐕𝐢𝐪𝐮𝐞𝐪𝐮𝐞

Viqueque, 30 Jullu 2026.

(𝐌𝐞𝐝𝐢𝐚 𝐂𝐓) Segundu Komandante Componente Terrestre (CT) Tenente Coronel Abel da Costa Xavier “NIKI”, reprezenta Xefe Estadu Maior Jeneral Forsa Armada (CEMGFA-sigla Portugues), Partisipa iha Serimonia inagurasaun Balkaun Uniku iha Suku Caraubalo, Postu Viqueque Vila, Munisipiu Viqueque.

Balkaun Uniku hahesan sentru servisu iha nivel lokal hodi fo espasu ba sidadaun hotu atu asesu ba informasaun liuhusi Portal Munisipál nomos servisu atendimentu públiku sira, hanesan fornesimentu Billeti Identidade (BI), Pasaporte nomós Rejistu Kriminál.

Partisipa iha inagurasaun ne’e Ministru Administrasaun Estatál, Ministru Justisa, Ministra Saúde, Prezidente Autoridade Munisípiu Viqueque, Autoridade Lokal, Funsionariu sira, PNTL, Komunidade-sira.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓