Mike509

Jounalis Wesly Renaud Jean nan Radio Télé Métropole jwenn liberasyon li dimanch 27 septanm 2026 la, apre li te pase prèske 3 semèn nan men kidnapè yo. Li te kidnape 6 septanm nan Delmas 31, pandan li t ap sikile nan machin li. Antouraj li konfime liberasyon an, pandan yon lòt sous medya rapòte liberasyon an ta fèt apre peman yon ranson.

Milena Carmona, madanm ansyen militè kolonbyen Jheyner Alberto Carmona Flórez, fè konnen li aprann mari li te transfere Ozetazini pou reponn akizasyon federal ki gen rapò ak Jovenel Moïse. Nan yon entèvyou ak El Colombiano, Milena soutni mari li te vini ann Ayiti pou yon travay sekirite epi li di li te tonbe nan yon pyèj.

Li denonse tou move kondisyon detansyon li ta sibi pandan plizyè ane ann Ayiti. Bò kote pa li, Depatman Jistis Etazini akize Carmona kòm youn nan moun ki te patisipe nan konplo ki te mennen Jovenel Moïse pat la anko, men li rete prezime inosan jiskaske yon tribinal pwouve kontrè a.

Kotdivwa ap prepare deplwaman anviwon 750 militè ann Ayiti pou ranfòse Fòs Represyon Gang yo (FRG), apre pèsonèl ivoiryen yo fin suiv plizyè faz fòmasyon sou kondisyon operasyon ann Ayiti, entèvansyon nan zòn iben ak dinamik gwoup ame yo.

An menm tan, Almay mete kapasite transpò ayeryen Bundeswehr disponib pou ede transpòte pèsonèl, ekipman ak materyèl kontenjan entènasyonal yo. Sa fè yon avyon transpò militè tankou A400M yon posibilite lojik pou kèk operasyon deplwaman, men modèl avyon egzak la poko konfime ofisyèlman.

Meri Kenskòf la salye operasyon PNH yo ki pèmèt fòs lòd yo reprann plizyè espas nan komin nan, epi li felisite polisye yo, volontè yo ak popilasyon an pou kontribisyon yo. Men Meri a ensiste reprann zòn yo se sèlman yon premye etap: li mande CSPN, PNH, FAd’H, MTPTC, Ministè Enteryè ak Primati mete sou pye yon plan ansanm pou kenbe prezans sekirite, ranfòse patwouy, repare wout estratejik yo epi anpeche gwoup ame yo retounen nan espas ki reprann yo. Majistra Massillon Jean te deja mande pou espas PNH reprann yo konsolide apre operasyon nan mitan mwa septanm nan.

Konsèy Elektoral Pwovizwa (CEP) fè konnen kantite moun ki enskri sou rejis elektoral la rive kounye a 681 109 elektè atravè peyi a, apre yon ogmantasyon enpòtan nan ritm enskripsyon yo depi mwa dawout. Gwoup 39 rive 48 an yo vini an premye ak 151 747 enskri, devan moun 29 rive 38 an yo ki rive 149 222, pandan jèn 18 rive 28 an yo reprezante 114 095 enskripsyon.

Pou moun ki gen plis pase 48 an yo, CEP konte 120 251 moun 49-58 an, 88 136 moun 59-68 an ak 57 658 moun 69 an oswa plis.

Sous : ICi Haïti 🗞️

⭕️ENFO | Nan atik eksklizif Daily Wire pibliye, ayè samdi 26 septanm nan, yo revele, ajan ICE yo atravè tout Etazini,🇺🇸jwenn enstriksyon wikenn sa a, pou pa arete migran ki pa komèt krim. Medya a di pou kounya, ofisye federal yo ap arete sèlman migran ilegal ki gen kondanasyon penal oubyen akizasyon sou do yo. Plizyè sous ki pale ak Daily Wire revele, migran ki gen òd depòtasyon definitif, men ki pa gen kondanasyon penal oubyen okenn akizasyon, yo pap arete yo tou. « Yap eseye kalme bagay yo avan eleksyon an », se sa yon ajan di medya a. Depatman Sekirite Enteryè ki tande nouvèl la ap sikile, reyaji rapidman, pou di se pa vre, pa gen bagay konsa. « Se manti. Pa gen pyès moun ki pa sou tab la. Tout sila yo ki nan peyi a ilelgalman ap arete, epi depòte. Nap kontinye arete tout etranje ilegal ki sou wout nou », se sa DHS pibliye sou kont rezo sosyal li yo, dimanch 27 septanm 2026 la |

Yon chofè bis yon gadri nan Memphis, Tennessee, ap fè fas ak gwo akizasyon apre lanmò Winter Jones, yon tifi 6 an ki te non-vèbal epi ki te gen otis.

Dapre otorite yo, Tametria Norry pa t fè verifikasyon obligatwa pou asire tout timoun yo te soti nan bis la. Selon dosye Depatman Sèvis Imen Tennessee, Norry te di li pa t fè mache obligatwa a pou verifye bis la paske li te cho.

Dosye yo montre Winter te anrejistre kòm li te monte nan bis la a 8:35 a.m. epi li te make kòm li te desann a 8:50 a.m. Men, envestigatè yo di tifi a pa t janm rive lekòl la.

Otorite yo akize Norry ansanm ak Sabrina Powe ak Amilya Hardin, ki te responsab pou revize pwosedi yo, paske yo pa t fè verifikasyon obligatwa a, men yo te siyen dokiman ki te montre verifikasyon an te fèt.

Tout 3 fanm yo akize pou:
🔴 Neglijans grav sou yon timoun
🔴 Omisid ki fèt akoz neglijans kriminèl
🔴 Destriksyon oswa manipilasyon dosye gouvènman

Yo tout plede non koupab.

Norry te libere nan prizon mèkredi apre kosyon li te bese. Powe ak Hardin te deja libere sou kosyon $50,000.

Yo gen pou retounen devan tribinal le 30 oktòb, byenke Hardin, ki se yon etidyan inivèsite aplentan nan Shelby County, pap patisipe nan odyans sa a.

Avoka fanmi Winter Jones yo anonse yo gen plan pou pouswiv yon pwosè sivil.

Nòt: Norry, Powe ak Hardin sèlman akize pou moman an. Yo poko kondane, epi akizasyon yo poko pwouve devan tribinal. Yo rete prezime inosan jiskaske yon tribinal ta jwenn yo koupab.

Malgre U.S. Immigration and Customs Enforcement (ICE) deja depòte pastè Molis Augustave pou voye l tounen Ayiti, dosye li a kontinye ap soulve anpil kesyon nan mitan kèk lidè ak moun k ap swiv dosye imigrasyon Ozetazini.

Kesyon ki pi souvan poze a se: Poukisa ICE te pran desizyon pou akselere depòtasyon pastè a konsa, pandan madanm li ak pitit li se sitwayen ameriken?

Pou kounye a, kestyon sa yo rete nan mitan deba sou fason otorite imigrasyon yo te jere dosye a. Sitiyasyon fanmi pastè a, ansanm ak rezon ki te mennen ICE pran desizyon pou depòte l, ap kontinye atire atansyon.

Dosye Pastè Molis Augustave la poko fini fè pale Ozetazini.

Pri diesel la ap monte anpil Ozetazini, e sa deja ap mete gwo presyon sou bidjè plizyè distri lekòl.

📈 Dapre rapò medya ameriken yo, pri diesel la rive nan anviwon $6.50 pa galon, pandan li te anviwon $3.69 yon ane anvan.

🚌 Sa gen gwo enpak paske anviwon 90% nan apeprè 480,000 bis lekòl Ozetazini yo mache ak diesel.

Nan Milwaukee, Wisconsin, distri lekòl la estime ogmantasyon pri gaz la ka ajoute anviwon $3.4 milyon rive $4 milyon sou depans transpò yo. Pou diminye depans, yo deja elimine anviwon 150 wout bis epi konsolide kèk arè.

Nan Yakima, Washington, ogmantasyon pri diesel la ap ogmante depans gaz distri a tou. Responsab yo ap konsolide kèk wout epi chèche lòt fason pou redui kantite vwayaj bis yo.

Nan Colorado, Cherry Creek Schools ap fè fas ak anviwon $500,000 depans gaz anplis pase sa yo te prevwa nan bidjè yo.

Pandan sa, Clark County School District nan Nevada, ki gen anviwon 1,900 bis, prevwa apeprè $2.9 milyon anplis pou gaz ane sa a. Distri a di li pral absòbe depans lan nan bidjè li olye li koupe sèvis bis yo pou kounye a.

⚠️ Sa pa vle di tout bis lekòl Ozetazini pral sispann fonksyone. Men pri diesel la deja ap fòse kèk distri koupe oswa konsolide wout, limite kèk vwayaj epi chèche lòt solisyon pou transpò elèv yo.

Si pri gaz la kontinye monte, kestyon an se: èske plis distri pral oblije pran menm kalite mezi yo?

Yon nouvo vòl depòtasyon ki soti Ozetazini te ateri nan Ayewopò Entènasyonal Kap Ayisyen an nan dat 24 septanm 2026, ak 39 sitwayen ayisyen abò, pami yo 33 gason ak 6 fanm.

Pami moun ki te nan vòl la, te gen Pastè Molis Augustave, ki deja fè anpil pale nan kominote ayisyen an Ozetazini.

Dapre enfòmasyon Office National de la Migration (ONM) te bay:

🔹 23 moun te ansyen benefisyè TPS;
🔹 6 moun te gen demann azil ki te toujou ankou;
🔹 2 moun t ap tann yon desizyon sou demann rezidans yo;
🔹 6 lòt te antre Ozetazini atravè pwogram imanitè parole.

ONM fè konnen vòl sa a se te 6yèm vòl depòtasyon ki rive ann Ayiti depi fen TPS la, sa ki fè kantite Ayisyen yo rapòte kòm depòte pandan peryòd sa a rive 529 moun.