URDU INTERNATIONAL

ایلون مسک نے مکیش امبانی کو طنزیہ انداز میں ’’وزیراعظم امبانی‘‘ کہہ کر مخاطب کرتے ہوئے بھارت میں اسٹارلنک کو مقابلے کا موقع دینے کی اپیل کی ہے۔

ایکس پر اپنے پیغام میں مسک نے کہا کہ بھارت کے کئی علاقوں میں انٹرنیٹ کی عدم دستیابی بچوں کی تعلیم اور چھوٹے کاروباروں کی ترقی میں رکاوٹ ہے، جبکہ اسٹارلنک ان علاقوں میں انٹرنیٹ کی سہولت فراہم کرکے مثبت تبدیلی لا سکتی ہے۔

خیبرپختونخوا کے ضلع ٹانک میں نامعلوم مسلح افراد کی فائرنگ سے ڈائریکٹر الیکشن کمیشن شمشاد اختر جاں بحق ہوگئے۔

پولیس ذرائع کے مطابق شمشاد اختر اپنے بھائی کی فاتحہ خوانی کے لیے ٹانک آئے تھے۔ فاتحہ خوانی کی جگہ سے باہر نکلنے پر نامعلوم افراد نے ان پر فائرنگ کردی، جس سے وہ جاں بحق ہوگئے۔

واقعے کے بعد پولیس نے جائے وقوعہ کو گھیرے میں لے کر سرچ آپریشن شروع کردیا۔

وفاقی حکومت نے خیبر پختونخوا میں ایمرجنسی کے نفاذ کا فیصلہ کر لیا ہے، جس کی منظوری کل وفاقی کابینہ سے لیے جانے کا امکان ہے۔ ذرائع کے مطابق، ایمرجنسی کی توثیق کے لیے پارلیمنٹ کے دونوں ایوانوں کے اجلاس بھی طلب کر لیے گئے ہیں۔

ذرائع کا کہنا ہے کہ وفاقی کابینہ کا اجلاس کل صبح ساڑھے 9 بجے ہوگا، جس میں صوبے میں ایمرجنسی کے نفاذ کی منظوری دیے جانے کا امکان ہے۔

اس سے قبل صدر مملکت آصف علی زرداری اور وزیراعظم شہباز شریف کے درمیان ایوان صدر میں ملاقات ہوئی، جس میں ملک کی مجموعی سیاسی اور سیکیورٹی صورتحال پر تبادلہ خیال کیا گیا۔

ایوان صدر کے اعلامیے کے مطابق، اجلاس میں وفاقی وزرا، حکومتی مشیروں اور پاکستان پیپلز پارٹی کے رہنماؤں نے شرکت کی۔ اجلاس میں 13 اکتوبر کو قومی اسمبلی اور سینیٹ کے الگ الگ اجلاس بلانے پر بھی اتفاق کیا گیا۔

ذرائع کے مطابق، اجلاس میں گورنر خیبر پختونخوا فیصل کریم کنڈی کی جانب سے صوبے میں امن و امان اور سیکیورٹی کی صورتحال سے متعلق بھجوائی گئی رپورٹ کا بھی جائزہ لیا گیا۔

ووٹر فہرستوں پر تنازع شدت اختیار کرگیا، بھارتی چیف الیکشن کمشنر سے استعفے کا مطالبہ

ٹرمپ کا عالمی عدالت سے ٹکراؤ، آئی سی سی نے اقدام کو عالمی قانون پر حملہ قرار دے دیا

پاکستان کے جوہری تحفظ کو عالمی سطح پر جانچنے کا پہلا مشن مکمل، آئی اے ای اے کی اہم سفارشات

آر ایل این جی کی ملک گیر قلت اور ایل این جی کی ترسیل میں تاخیر کے باعث کے الیکٹرک نے کراچی اور گردونواح میں شام اور رات کے اوقات میں ممکنہ لوڈشیڈنگ سے خبردار کردیا۔

کے الیکٹرک کے مطابق بجلی کی کٹوتی آخری آپشن ہوگی، جبکہ دن کے اوقات میں بجلی کی فراہمی معمول کے مطابق رہنے کی توقع ہے۔ کمپنی نے گیس کی فراہمی بحال کرنے کے لیے متعلقہ حکام سے رابطے کی تصدیق کی ہے۔