Tweets_solu

من التشرد تحت الجسور إلى حياة كريمة…❤
قصة إنسانية تهز القلوب الأخ محمد الذي كان قبل فترة يعيش ظروفًا صعبة جدًا، حيث ظهر في فيديو وهو يفترش الأرض تحت الجسور هربًا من البرد القارس، بلا مأوى ولا عمل اليوم، تتغير حياته بالكامل… ❤
بعد مبادرة إنسانية من الشاب الجزائري عبدو الذي لم يتجاهل معاناته، بل قرر التكفل به ومنحه فرصةجديدة بحيث قام بتوظيفه في شركته المتخصصة في صناعة الشوكولاتة بالجزائر العاصمة ووفّر له أيضًا مكانًا يبيت فيه بكرامة ليبدأ صفحة جديدة في حياته ❤💖

📍صدقني راني عارف بلي راهي داخلك حرب مكانش لي راهو شايفها من غيرك.. بصح ربي راهو شايفها و شايفها أحسن مني و منك وراح يصلحلك امورك كامل، من غير ما تهدر حتى ...🪐

السلام عليكم ، صباح الخير .

شفتو كي نخرجو صباح ؟ أي واحد فينا كي يخرج صباح من المنزل نتاعو راح يلقا جنسان يستناااو فيه .. ملائكة وشياطين ، اذا أنت قلت هذا الدعاء بصدق :

(بِسْمِ اللَّهِ، تَوَكَّلْتُ عَلَى اللَّهِ، وَلَا حَوْلَ وَلَا قُوَّةَ إِلَّا بِاللَّهِ ) يقول الملك : هديت كفيت ووقيت ، الشيطان يخزيه الله عزوجل .

مور ما تقولها الشيطان يقول لجماعتو واش راكم تستناو من بنادم هدي وكفي ووقي؟ فيذهبون خاسئين يعني واحد فيهم ماراح يدور بيك ..

راك تشوف جملة وحدة تقولها كي تخرج من دار تبعد عليك الشياطين في نهارك ، هدا مكان .. وطبعا متنساش تزيد الأجر نتاعك وتتحصن بقراءة الأذكار والأدعية و أدعولنا معاكم .

نتمنى تحكموها و هذا مكان ، أيا بقية يومكم كانش حاجة شابة .

وتهلاو🤍

الضرة الوحيدة المسموح بيها ♥️

📍كنت نمشي في الطريق حتى شفت ورقة تاع شجرة طاحت....تفكرت قول الله عز وجل:"وما تسقط من ورقة إلا يعلمها" الله عز وجل لي يعلم هذي الورقة كي تسقط من بين ملايين الاوراق....يعلم حزنك، يعلم همك، يعلم واش تحتاج، يعلم دعاءك، يعلم ما تخفي وما تعلن.... تريح كي تتفكر هذا الامر...الان كون تدعي تتفكر بلي الله عز وجل يسمع فيك....تدعي وانت تستنى الفرج لأن الله رحيم بعباده...حكيم يؤخر الإجابة لحكمة...لكننا كلنا أمل بالله..🤍✨

📍معاك انسان حب الناس وكرههم عندو ماشي اختياري ، وإنما يعود على حساب المواقف نتاعك معايا ، أنا نزرع أفعالك ونتا تحصد ثمارها ، so اذا شفتني نعاملك معاملة عيانة ونعامل غيرك بمعاملة هايلة ، راك عارف شكون لازم تلوم 🤍

📍ربي يبتليك بأيام صعبة ، يبتليك بظروف عمرك لاتخايلتهم وفنفس الوقت يرزقك الصبر ، يرزقك القوة ، يرزقك بالتسهيل في اموراتك حتى كلش يفوت ، سما عمرك ماتجهل ، والتجئ لربي فكل مرة ، ادعيه مهما كانت مرارة واش راك تفوت ، احمد ربي ، سبح وحتى فالفرج أدعي ربي يدومها ، مفاتيح الارض كامل في يدو ، ونهار تبعد عليه حتى في وسط الفرح تكون مقنوط..🤍🫂

"كان ﷺ رقيق القلب، حَسنُ العشرة، يترفق بأصحابه،
ولا يُهينُ أحدًا، مَنَ رَآهُ هَابَهُ، ومن عرفه أحبه

يألفُ النَّاسِ وَيَألفونَهُ لا ينطق بفُحش ولا يَعيبُ على أحد،
ليِّن الجانب، لا يردُ سائلًا وليس بفظ ولا غَليظ".

صلّى الله عليهِ وسلَّم..🤍

﴿ وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحًا ثُمَّ اهْتَدَىٰ﴾🤍

📍 العشر دقايق اللي تقعد فيهم تقول أذكارك كل يوم يحموك من شرور و أضرار عُمرك ماتتخيل يجوك ، و يكونوا سبب في كمية خير عمرك ما تتوقعو ، و كي تقرأ اذكارك تبدأ تفسر الأحداث بعين ربانية ، يعني تولي تقول هنا ربي لطف بيا ، هنا بصّرني ، هنا حافظني ، هنا وفقني ، الأذكار مش تحفظك فقط ، راح تغيرك مع الوقت ...🫂🤍