StartupBase

🏠 DOMO IT Park Ventures’dan investitsiya jalb qildi

Silk Road Finance & Technology Forum doirasida O‘zbekistonning DOMO startapi IT Park Ventures fondidan investitsiya jalb qildi.

🔎 DOMO — minglab oilalar uchun kommunal to‘lovlarni yagona raqamli muhitda soddalashtiruvchi HomeTech yechim.

Startap o‘tgan yili, rebrendingdan avval — HGT nomi ostida — 9 mamlakatdan startaplar qatnashgan 💻Digital Startup Awards tanlovining Best Startup Project yo‘nalishida 2-o‘rinni egallagan.

Jalb qilingan investitsiya quyidagi yo‘nalishlarga yo‘naltiriladi:
🔹 mahsulotni yanada rivojlantirish;
🔹 faoliyat geografiyasini kengaytirish;
🔹 savdo va hamkorlik tarmog‘ini rivojlantirish;
🔹 marketing va jamoani kuchaytirish;
🔹 IT-infratuzilmani takomillashtirish.

Yangi investitsiya DOMOga xizmatni yaxshilash, auditoriyani kengaytirish va biznesni tezroq masshtablash imkonini beradi.

🚀 DOMO jamoasini ushbu muhim bosqich bilan tabriklaymiz!

AI kompaniyalarni buzib kira oladimi?

Ha. Ammo muhim savol bor: buni xavfsiz tarzda uddalay oladimi?

🇺🇿 O‘zbekistonning Cerberus startapi aynan shu muammoni hal qilishga urinmoqda. Startap AI yordamida kompaniya va ilovalardagi zaifliklarni avtonom aniqlashga mo‘ljallangan xavfsiz etik haker yaratmoqda.

Yaqinda Cerberus Road to TechCrunch Disrupt 2026 mintaqaviy finalida 1-o‘rinni egallab, Startup Battlefield’da ishtirok etish imkoniyatini qo‘lga kiritdi (https://t.me/startupbaseuz/8652).

📖 Karuselni varaqlang va Cerberus qanday ishlashi, nima uchun xavfsiz AI hakerga ehtiyoj oshib borayotgani hamda startap asoschisi Aziz Ahmedxo‘jayevning xalqaro bozorga chiqish bo‘yicha tavsiyalari bilan tanishing.

➡️ Suhbatni YouTube’da tomosha qiling (https://youtu.be/dVolVFDTnqw)

35 LVL Game Jam yakunlandi: 48 soatda 39 ta o‘yin yaratildi

School 21, IT Park Uzbekistan va East Games hamkorligida tashkil etilgan 48 soatlik o‘yin yaratish marafoni o‘z nihoyasiga yetdi.

150 + ishtirokchi o‘yin prototiplarini ishlab chiqdi.
Eng yaxshi loyihalar bilan tanishing:
🥇 1-o‘rin — Wisp Games: Independent News
🥈 2-o‘rin — Vortex: KELIN — Escape
🥉 3-o‘rin — Chill Games: Pakhtacore

⚡️ Tomoshabinlar e’tirofi — Show Cat Games: The Stork’s Memory (https://itch.io/jam/lvl-35-gamejam/rate/4926928)

🖥 Batafsil saytimizda (https://startupbase.uz/uz/news/35-lvl-game-jam-concludes-with-39-games-created-in)

G‘oliblarni tabriklaymiz hamda barcha ishtirokchilarga kreativ g‘oyalar va yaratilgan o‘yinlar uchun minnatdorlik bildiramiz!

Buxoroda Plug and Play hamkorligida xalqaro inkubatsiya dasturi ishga tushirildi

🚀 Buxorolik talabalar uchun xalqaro startap ekotizimiga kirish imkoniyati paydo bo‘ldi. Bukhara Digital Silk Road dasturi yoshlarning innovatsion g‘oyalarini rivojlantirish, ularni biznes loyihalarga aylantirish va xalqaro bozorga olib chiqishga qaratilgan.

Dastur Raqamli texnologiyalar vazirligi, Buxoro viloyati hokimligi, UGL Holding va Plug and Play hamkorligida amalga oshiriladi. Ishtirokchilar Plug and Play’ning 550+ korporativ hamkori va 3 000+ mentori tarmog‘idan foydalanib, mentorlik, kouching va investorlar uchun tayyorgarlik dasturlarida qatnashadi.

📈 9 oy davomida 300–400 nafar talabadan 100 ta jamoa saralab olinadi. Yakunda 15 ta eng yaxshi startap Plug and Play Bukhara Expo’da investorlar, yirik kompaniyalar va davlat tashkilotlari vakillariga o‘z loyihalarini taqdim etadi.

Dasturga Mercedes-Benz, NVIDIA, AWS, Porsche, Nestlé, Revolut va Procter & Gamble kabi kompaniyalar mutaxassislarini jalb etish rejalashtirilgan. Keyingi akseleratsiya bosqichi esa IT Park Uzbekistan bilan hamkorlikda amalga oshiriladi.

🔗 Batafsil saytimizda (https://startupbase.uz/uz/news/international-startup-program-launched-in-bukhara)

Ilg‘or texnologiyalar yaratyapsizmi?
Uni Hero Training bilan Silikon vodiysida taqdim eting

Draper University Hero Training 2026 dasturining ikkinchi oqimi uchun arizalar qabuli boshlandi.

⚡️ 5 haftalik dastur deep tech, frontier tech va global salohiyatga ega yuqori texnologik mahsulotlar yaratayotgan startup asoschilari uchun mo‘ljallangan.

Ishtirokchilarni nimalar kutmoqda?
🔵 Silikon vodiysi ekotizimida 40 dan ortiq xalqaro mentor va ekspert bilan ishlash;
🔵 amaliy vorkshop va hakatonlarda qatnashish;
🔵 AQSh bozoriga chiqish strategiyasini ishlab chiqish;
🔵 Navy SEALs bilan Survival Week sinovidan o‘tish;
🔵 Draper University asoschisi Tim Dreyper oldidagi yakuniy Pitch Dayda startapini taqdim etish.

Kimlar ariza topshirishi mumkin?

🔵 O‘zbekistonda ro‘yxatdan o‘tgan deep tech, frontier tech yoki yuqori texnologik startup asoschilari va CEO’lari;
🔵 MVP yoki undan yuqori bosqichdagi ishlaydigan mahsulotga ega jamoalar;
🔵 ingliz tilini biladigan nomzodlar.

📍 San Mateo, Kaliforniya
🗓 Arizalar qabuli: 31-avgustgacha

🔗 Ariza topshiring (https://startupbase.uz/uz/events/draper-university-hero-training-2026-opens-applica)

Bu imkoniyatni qo'ldan chiqarmang va arizangizni yuboring!

Digital Central Asia: Markaziy Osiyo texnologik kompaniyalari Ar-Riyodda bir sahnada

3-sentabr kuni Ar-Riyod shahrida IT Park Uzbekistan, Astana Hub va Central Asia Innovation Hub hamkorligida yangi texnologik shoukeys — Digital Central Asia bo‘lib o‘tadi.

Tadbir ishtirokchilari:
🔹Markaziy Osiyoda ishlab chiqilgan innovatsion mahsulot va yechimlar bilan tanishadi;
🔹 istiqbolli texnologik kompaniyalar bilan bevosita aloqa o‘rnatadi;
🔹 investitsiya va strategik hamkorlik imkoniyatlarini muhokama qiladi;
🔹 Saudiya Arabistoni va xalqaro bozorlarda yangi biznes aloqalarini yo‘lga qo‘yadi.

Tadbir kimlar uchun?

🟩 yangi texnologik yechimlarni izlayotgan korporatsiyalar;
🟩 istiqbolli kompaniyalarga qiziqayotgan investorlar va venchur fondlar;
🟩 Markaziy Osiyo bilan hamkorlikni rivojlantirmoqchi bo‘lgan soha yetakchilari;
🟩 yangi xalqaro aloqalarni izlayotgan texnologik kompaniyalar.

Tadbir Saudiya Arabistoni va xalqaro bozorlarda faol kengayayotgan Markaziy Osiyoning yuqori o‘sish sur’atiga ega texnologik kompaniyalarini korporatsiyalar, investorlar va soha yetakchilari bilan bir maydonda jamlaydi

🗓 3-sentabr
⏰ 18:00
📍 At-Takhassusi ko‘chasi, Mohammadiyah Building, 3-qavat, Ar-Riyod

🔗 Tadbirda ishtirok etish (https://startupbase.uz/uz/events/digital-central-asia-central-asian-tech-companies)

Saudiya Arabiston bozorida yangi hamkorlik imkoniyatlarini kashf eting!