Qendra Rinore Obiliq

Në kuadër të Javës Rinore në Komunën e Obiliqit, Qendra Rinore Obiliq, në kuadër të projektit “Rrëfime nga Lagjja: Zërat e të Rinjve për Kohezionin Social”, të mbështetur nga Ambasada e Zvicrës në Kosovë dhe RYCO – Zyra në Kosovë, në bashkëpunim me Komunën e Obiliqit, realizoi një seri aktivitetesh pesëditore me të rinj nga komunitete të ndryshme.

Gjatë pesë ditëve, të rinjtë patën mundësi të marrin pjesë në aktivitete të ndryshme, të cilat kombinuan trajnimin, diskutimet, punën në grup, aktivitetet rekreative dhe bashkëpunimin ndërmjet komuniteteve.

Tri ditët e para u zhvilluan në hapësira të mbyllura, ku të rinjtë u angazhuan në trajnime dhe punëtori me fokus në pjesëmarrjen rinore, komunikimin, dialogun ndërkomunitar, kohezionin social, bashkëpunimin dhe rolin e të rinjve në komunitet. Përmes diskutimeve dhe punës praktike, pjesëmarrësit ndanë përvojat e tyre dhe identifikuan mundësi të reja për bashkëpunim.

Dy ditët e fundit u zhvilluan në hapësira të jashtme. Njëra prej aktiviteteve u realizua në Shiritin e Gjelbër pranë Kosova A, ku të rinjtë morën pjesë në një aktivitet me biçikleta, duke ndërthurur aktivitetin fizik me komunikimin dhe bashkëpunimin mes tyre.

Aktiviteti zhvilluar në fshatin Plemetin, ku të rinjtë nga të dy komunitetet u bashkuan në një hapësirë të përbashkët për të diskutuar mbi mundësitë e bashkëpunimit, komunikimit dhe krijimit të aktiviteteve të përbashkëta në të ardhmen.
Pesë ditët e aktiviteteve dëshmuan rëndësinë e përfshirjes së të rinjve, dialogut dhe bashkëpunimit ndërkomunitar në ndërtimin e një komuniteti më të hapur, gjithëpërfshirës dhe socialisht më të lidhur.

Qendra Rinore Obiliq falënderon Ambasadën e Zvicrës në Kosovë, RYCO – Zyra në Kosovë dhe Komunën e Obiliqit për mbështetjen dhe bashkëpunimin, si dhe të gjithë të rinjtë pjesëmarrës për angazhimin, energjinë dhe kontributin e tyre gjatë këtyre pesë ditëve.

📚 Filloi trajnimi 5-ditor në kuadër të projektit

“Rrëfime nga Lagjja: Zërat e të Rinjve për Kohezionin Social”
“Neighbourhood Narratives: Youth Stories for Social Cohesion”

Sot, më 15 shtator 2026, filloi trajnimi 5-ditor me të rinj nga komunitete të ndryshme të Obiliqit.

Trajnimi synon fuqizimin e të rinjve, nxitjen e pjesëmarrjes rinore, dialogun ndërkomunitar, komunikimin dhe promovimin e kohezionit social, duke krijuar hapësirë që të rinjtë të shprehin zërin dhe rrëfimet e tyre.

Në ditën e parë patëm kënaqësinë të mirëpresim edhe përfaqësues nga Zyra e RYCO në Kosovë, të cilët u bashkuan me të rinjtë në këtë aktivitet.

🤝 Ky aktivitet po realizohet nga Qendra Rinore Obiliq, me mbështetjen e Ambasadës Zvicerane në Kosovë, RYCO – Zyra Rajonale për Bashkëpunim Rinor dhe Komunës së Obiliqit.

📍 Biblioteka e Qytetit, Obiliq
📅 15–21 shtator 2026

Bashkë krijojmë hapësira ku të rinjtë dëgjohen, bashkëpunojnë dhe ndërtojnë ura mes komuniteteve. 🌱🤝

📢 Të dashur të rinj të Obiliqit!

Zëri juaj ka rëndësi! 🗣️💚

Ju ftojmë të gjeni pak minuta dhe të plotësoni këtë pyetësor të rëndësishëm për të rinjtë dhe komunitetin e Obiliqit.

Përgjigjet tuaja do të na ndihmojnë të kuptojmë më mirë nevojat, sfidat, mundësitë dhe vizionin e të rinjve për të ardhmen e komunitetit tonë.

⏱️ Plotësimi nuk ju merr shumë kohë.

👉 Merrni pjesë, ndani mendimin tuaj dhe bëhuni pjesë e ndryshimit!

Çdo zë ka rëndësi. Çdo mendim mund të sjellë ndryshim. 🌱

📌 Pyetësorin mund ta plotësoni përmes këtij linku:

Perspektivat e të Rinjve mbi Tranzicionin e Drejtë në Obiliq Ky pyetësor është pjesë e një studimi që po realizohet në kuadër të pjesëmarrjes në New Energy Creators Programme, si dhe e iniciativës “Përgatitja e të Rinjve të Obiliqit për një Tranzicion të Drejtë”. Qëllimi i pyetësorit është të kuptojmë se sa të informuar janë të...

🎬🌟 Fëmijët e Qendrës Rinore Obiliq në edicionin e 25-të të DokuFest!

Më 13 gusht 2026, fëmijët nga Qendra Rinore Obiliq, të përfshirë nga të gjitha komunitetet që jetojnë në Komunën e Obiliqit, patën mundësinë të vizitojnë qytetin e Prizrenit dhe të jenë pjesë e një prej ngjarjeve më të rëndësishme kulturore në Kosovë – Festivalit Ndërkombëtar të Filmit Dokumentar dhe të Shkurtër DokuFest, i cili këtë vit shënoi edicionin e tij të 25-të. 🎥

Gjatë kësaj vizite, fëmijët patën mundësinë të shikojnë një film në kuadër të festivalit, duke përjetuar nga afër atmosferën e një festivali ndërkombëtar të filmit dhe duke u njohur me artin, kulturën dhe kinematografinë. DokuFest këtë vit solli në Prizren një program të pasur me filma, aktivitete kulturore, diskutime dhe programe të ndryshme për të rinj e fëmijë.
Kjo vizitë ishte më shumë se një aktivitet kulturor. Ajo krijoi një hapësirë të përbashkët ku fëmijët nga komunitete të ndryshme patën mundësi të bashkëpunojnë, të shoqërohen dhe të ndajnë së bashku një përvojë të bukur kulturore.

Qëllimi i Qendrës Rinore Obiliq është që fëmijëve dhe të rinjve t'u krijohen mundësi të barabarta për pjesëmarrje në aktivitete kulturore, edukative dhe sociale, duke promovuar diversitetin, gjithëpërfshirjen, tolerancën dhe bashkëjetesën ndërmjet komuniteteve. Ky aktivitet u organizua nga Qendra Rinore Obiliq, me mbështetjen e OSBE-së.

🌍 HAPËSIRAT QË NA BASHKOJNË – 12 GUSHTI, DITA NDËRKOMBËTARE E RINISË 💙

Sot, më 12 Gusht 2026, në Sheshin “Dëshmorët e Kombit” në Obiliq, shënuam së bashku Ditën Ndërkombëtare të Rinisë përmes aktivitetit “Hapësirat që na bashkojnë”.

Në një atmosferë të veçantë, të rinj nga komunitete të ndryshme u bënë bashkë për të ndarë histori, kujtime dhe ide mbi hapësirat publike që na lidhin dhe që mund të shërbejnë si ura bashkëpunimi, mirëkuptimi dhe kohezioni ndërmjet komuniteteve.

🗺️ Përmes krijimit të Community Map – Hartës së Komunitetit, të rinjtë identifikuan hapësira të përbashkëta, treguan historitë e tyre dhe dhanë një mesazh të fuqishëm: ndryshimet mes nesh nuk duhet të na ndajnë, por hapësirat dhe historitë e përbashkëta mund të na bashkojnë.

🤝 Falënderojmë të gjithë të rinjtë pjesëmarrës, partnerët dhe mbështetësit që kontribuuan në realizimin e këtij aktiviteti.

Një falënderim i veçantë për Ambasadën e Zvicrës në Kosovë, përmes Small Action Funds, RYCO Kosovo, Drejtorinë për Kulturë, Rini dhe Sport të Komunës së Obiliqit, në kuadër të projektit “Energjia Rinore”, si dhe OSBE-në, për mbështetjen dhe bashkëpunimin e vazhdueshëm.

🌱 Një hartë. Shumë histori. Hapësira të përbashkëta. Një komunitet.

Zelushe Kelmendi Qendra Rinore Obiliq

Zelushe Kelmendi Qendra Rinore Obiliq