Respect Our Rights - ROR

E nisëm fushatën me një sesion të vlefshëm mbi cyberbullying-un, ku përmes diskutimeve, ideve dhe përvojave të ndara, reflektuam mbi ndikimin që bullizmi në internet mund të ketë te shëndeti ynë mendor.

Faleminderit të gjithë pjesëmarrësve për angazhimin dhe psikologes Irma Sadiković për kontributin, përkushtimin dhe gatishmërinë për të qenë pjesë e kësaj nisme vullnetarisht.

Ky është vetëm fillimi!
Le të vazhdojmë të flasim, të dëgjojmë dhe të kujdesemi për njëri-tjetrin, sepse .

Qëndroni me ne edhe në sesionet e ardhshme, sepse na pret një surprizë në fund!
Për t’u bërë pjesë e fushatës, linkun e gjeni në bio. 💌

SESION 1: CYBERBULLYING 💻

Bashkohuni me ne nesër, më 10 tetor, në ora 10:00, në një sesion vetëdijesues për cyberbullying, ndikimin e tij dhe mënyrat se si mund ta parandalojmë.

💙 Së bashku për një internet më të sigurt, më të respektueshëm dhe pa bullizëm!

📅 Nesër | 🕙 10:00

🧠 Çdo mendje vlen.

A ke pasur ndonjëherë ditë kur ke pasur shumë gjëra në kokë, por s’ke ditur as si t’i shpjegosh?

Apo thjesht ke dashur dikë që të të dëgjojë, pa të gjykuar?

Pikërisht për këtë po i nisim këto sesione online për adoleshentë, ku do të flasim hapur për gjëra që shumë prej nesh i përjetojmë, por jo gjithmonë flasim për to.

Do të kemi tema si ankthi, stresi, presioni i shkollës, vetëbesimi, krahasimi me të tjerët, presioni për t’u përshtatur dhe shumë të tjera. 🫶🏻

Me psikologë, online.

çdomendjevlen- një hapësirë ku mundesh me folë, me dëgju dhe me mësu pak më shumë për veten. 💙

Zëri Yt Ka Rëndësi 🗣️💙

Sot,(12.08.2026) Grupi Respect Our Rights (ROR), në mbështetje të Syri i Vizionit dhe Save the Children Kosova, zhvilloi prezantimin e Hulumtimit “Zëri Yt Ka Rëndësi” në Gjilan!

Ky Hulumtim u realizua në kuadër të programit "Fuqizimi i Fëmijëve për Ndryshim Politikash dhe Pjesëmarrje", që zbatohet nga Syri i Vizionit në partneritet me Save the Children Kosova/o, me mbështetjen e Sida.

Gjatë aktivitetit u prezantuan rezultatet e hulumtimit të zhvilluar me 194 nxënës të klasave 5–7, duke u fokusuar në sigurinë e fëmijëve, njohuritë për të drejtat, problemet e identifikuara dhe hapësirat e pasigurta në komunitet.

Një pjesë e rëndësishme e hulumtimit ishte edhe Harta e Sigurisë, së bashku me sugjerimet e nxënësve dhe rekomandimet e Grupit ROR për institucionet relevante. Përmes këtyre rekomandimeve, synojmë që zëri dhe perspektiva e fëmijëve të merren parasysh në krijimin e komuniteteve më të sigurta dhe më miqësore për ta.

ROR dëshiron të shprehë një falënderim të veçantë për DKA-në e Gjilanit dhe MASHT-in për mbështetjen dhe bashkëpunimin, si dhe për zyrtarët për të drejtat e fëmijëve, drejtorët, psikologët, mësimdhënësit dhe të gjithë pjesëmarrësit që ishin pjesë e këtij aktiviteti.

Falënderojmë gjithashtu Syri i Vizionit dhe Save the Children Kosova për mbështetjen dhe mundësinë që të vazhdojmë të promovojmë pjesëmarrjen dhe të drejtat e fëmijëve. 🤍

Një falënderim i veçantë shkon edhe për Tea Mujaj, Princ Bardhaj, Vion Mujaj dhe Enea Kadriu për prezantimin e projektit dhe për përkushtimin e tyre gjatë gjithë këtij procesi.

📢 Sot më datë 04.06.2026 zhvilluam Trajnimin për Ngritjen e Kapaciteteve në Avokim dhe Trajnim për Bashkëmoshatar për grupin ROR.

Gjatë ditës punuam mbi rolin tonë si liderë dhe facilitatorë bashkëmoshatarë, rikujtuam konceptet kryesore të avokimit dhe të drejtave të fëmijëve, si dhe zhvilluam ushtrime praktike të facilitimit dhe menaxhimit të grupeve.

Përmes diskutimeve, simulimeve dhe reflektimit, forcuam aftësitë tona për të udhëhequr procese pjesëmarrëse dhe për të avokuar në mënyrë efektive për çështjet që prekin fëmijët dhe të rinjtë.
Një falenderim i veqantë për facilitatorën Mjellma Vula dhe bashkëfacilitatorën Artina Kabashi!

Strategjia për të Drejtat e Fëmijëve 2026–2031 është një hap drejt krijimit të një mjedisi më të sigurt, më gjithëpërfshirës dhe më të drejtë për çdo fëmijë.

Me rastin e 1 Qershorit Ditës Ndërkombëtare të Fëmijëve, u prezantua Strategjia për të Drejtat e Fëmijëve 2026–2031.

Gjatë vitit të kaluar, fëmijët e ROR-it, së bashku me fëmijë të tjerë nga Kosova, kanë qenë pjesë aktive e procesit të hartimit të kësaj strategjie. Përmes diskutimeve dhe konsultimeve, ata kanë ndarë mendimet, përvojat dhe rekomandimet e tyre mbi tema si mirëqenia në shkolla, bullizmi, gjithëpërfshirja, siguria, shëndeti mendor dhe pjesëmarrja e fëmijëve.

Sot u prezantua rezultati final i këtij procesi, duke treguar se zëri i fëmijëve ka vlerë dhe duhet të jetë pjesë e vendimmarrjes për të ardhmen e tyre. 👧👦

Sot, fëmijët e grupit ROR morën pjesë në Trajnimin për Raportimin e të Drejtave të Fëmijëve – Qasje e Përbashkët.

Përmes diskutimeve dhe aktiviteteve interaktive, mësuam më shumë rreth të drejtave të fëmijëve, rëndësisë së përfshirjes së zërit të tyre dhe rolit të Raportit Alternativ për UNCRC në mbrojtjen e këtyre të drejtave.

1 Maji është Dita e Punëtorëve, por jo çdo punë është e drejtë.

Në disa vende, fëmijët ende punojnë kur duhet të jenë në shkollë dhe në lojë. Fëmijëria nuk duhet të lidhet me punë, por me mësim, ëndrra dhe kujdes.

Le të mos harrojmë që çdo fëmijë meriton të rritet i lirë nga puna dhe me të drejtën për të qenë fëmijë.

1 Maji është edhe kujtesë për këtë.