LIT RADIO ZA

Isimo sezulu kusasa mhlaka 22 September 2026

Njengamanje liyayidliva ezindaweni eziningi eMadadeni akuhambeki.

Bamashele mahhovisi ka Masipala abesifazane be ANC esifundeni Amajuba

ANC Women league KZN PTT member Phumzile Mbatha Cele ekhuluma ngohambo lokuba bamashe njengabesifazane be ANC abathi bansi ngokuhlukunyezwa kwabesifazanee South Africa. Laba bebehambisa uhla lwezikhalozo emahhovisi aseMajuba kwamaspala mayelana nokuhlukunyezwa kwabesifazane.

Kulindeleke ukuthi babuyele nkantolo mhlaka 01 October 2026 enkantolo oTsakane Nester Msithini no Fortunate Masilela ababoshelwe ukubulala u Jabulile Ntimba Ekurhuleni nokuyilapho bazobe bezofaka isicelo sebheyili.

Kusolakala ukuthi lona wesifazane ubulawe mayelana nendaba yomjolo.

Abazali bayakhuthazwa ukuthi bashayele izingane izitifiketi zingakapheli izinsuku ezingu 30 ingane izelwe kanti izitifiketi ziyenziwa esibhedlela.

EZEMIDLALO

Injabulo beyibhalwe emehlweni kogogo nomkhulu abaphuma esifundeni Amajuba njengoba kade bese Thekwini ngeviki eledlule beyomela lesifunda emidlalweni ehlukene yabadala ebizwa ngama Golden Games eba minyaka yonke.

Kulonyaka bekade iqala ngoLwesithathu mhlaka 16 September 2026 kanti ogogo nomkhulu badlale ngokukhulu ukuzimisela abavuma ngisho izulu ebelina liphazamise kwazise kudala beziqeqesha.

Eff ward 20 candidate Duduzile Dlangisa no Nhlalwenhle Radebe Eff ward 22 candidate kade bezonika ogogo itiye clinic number 1 Madadeni section 1.

UMASIPALA WASE-NEWCASTLE UCACISA NGEMIZAMO YOKUBUYISWA KWAMANZI

UMasipala waseNewcastle uthi umsebenzi wokubuyisela amanzi ezindaweni ezihlaselwe ukushoda kwamanzi usaqhubeka.
UMeya waseNewcastle, uKhansela D.X. Dube, namalungu omphakathi akade enganelisekile bavakashele isiteshi samaphampu ukuze bahlole inqubekela phambili yomsebenzi. Lokhu kulandela ukuthi abahlali base Ncandu begaleleke ehhovisi le Meya namhlanje ekuseni bafike batshela onogada ukuthi bafuna ukukhuluma nabaphathi.

Umasipala uthi isiteshi samaphampu siyasebenza, kodwa sisebenza ngaphansi kwamandla aso afanele. Amaphampu amabili kwamathathu ayasebenza, kanti eyesithathu isalungiswa.
Kule ndawo esedolobheni kufakwe abanye osonkontileka ukusiza ukusheshisa umsebenzi, kanti amaqembu ezobuchwepheshe asebenza nangesikhathi esingeziwe ukuqinisekisa ukuthi iyalungiseka lenkinga.
Umasipala uthi ithangi lamanzi elinamandla okugcina amalitha ayizigidi eziyishumi kumele ligcwaliswe okungenani ngamaphesenti angu-70 ukuze uhlelo lusebenze kahle.

Kuze kube yilapho uhlelo lubuyela esimweni esigcwele, kuzohlinzekwa ngamathangi amanzi ezindaweni ezikhahlwe ukushoda kwamanzi.
Umasipala udlulise ukuxolisa kubahlali ngokuphazamiseka futhi wathi ezinye izindawo zingathola amanzi ngaphambi kwezinye njengoba uhlelo lubuyiselwa kancane kancane.

Kubikwa ukuthi sekuboshwe indoda eyodwa kanye nabesifazane ababili mayelana nokubulawa kowesifazana owatholwa ebulewe e Dawn Park, Ekurhuleni. Lesi kwaba isidumbu sika 9 esatholakala.

INDODA ENEMINYAKA ENGU-29 ITHOLAKALE ISHONILE ETOILET E-ZWELITSHA

Indoda eneminyaka engu-29 itholakale ishonile ngaphakathi endlini yangasese eZwelitsha, KwaZulu-Natal, izolo ngeSonto ntambama.
Kubikwa ukuthi le ndoda kade ihleli nabangani bayo abane ngenkathi iphuma endlini iyozikhulula endlini yangasese, nokuthe makuphela isikhathi ingabuyi umakhelwane wahamba wayoyibheka waze wayithola isithule etoilet.

Ngokombiko lendoda ificwe igcwele igazi ezimpahleni ebizigqokile kanti bekunommese osesithombeni otholakala uhlonywe phansi esihlabathini.
Abakwa Reaction Unit SA bafike endaweni yesigameko ngemva kokushayelwa ucingo, kwathi abezimo eziphuthumayo baqinisekisa ukuthi isishonile.
Izimo eziholele ekufeni kwayo azikacaci, kanti uphenyo luyaqhubeka.